Aponywa na “Kitabu cha Zamani Sana”

◼ Shahidi mmoja wa Yehova nchini Brazili, huko Amerika Kusini, alikuwa akiwahubiria watu nyumbani kwao alipokutana na mwanamke aliyemwambia kwamba mama-mkwe wake alikuwa ameponywa na kitabu fulani. Shahidi huyo alimwuliza ni kitabu gani hicho. “Ni kitabu cha zamani sana,” akasema mwanamke huyo, na akaleta kitabu cha mwana wake kilichochakaa chenye kichwa Kitabu Changu cha Hadithi za Biblia.

Mwanamke huyo alieleza kwamba mama-mkwe wake alikuwa ameshuka moyo sana, alikuwa akiogopa kifo sana, na aliogopa kukaa gizani hivi kwamba hangetoka kitandani. Mwana wa mwanamke huyo alikuwa amepata kitabu cha Hadithi za Biblia, na akaanza kumsomea nyanya yake kitabu hicho. Nyanya yake alitiwa moyo sana na kuimarishwa na mambo aliyosikia yakisomwa na mjukuu wake hivi kwamba akaweza kukabiliana na tatizo lake.

Shahidi huyo anasimulia hivi: “Nilipomwambia mwanamke huyo kwamba kitabu hicho kilichapishwa na Mashahidi wa Yehova na kwamba ningemletea kitabu kipya, aliniomba nilete vitabu viwili, kimoja cha mama-mkwe wake na kingine chake. Nilipompelekea vitabu hivyo, aliomba vingine. Kwa jumla nilimpelekea vitabu 16 kwa ajili ya rafiki zake!”

Unaweza kuomba Kitabu Changu cha Hadithi za Biblia, kilicho na hadithi 116 kuhusu watu na matukio ya Biblia. Kwa miaka 30 iliyopita tangu kitabu hiki kilipochapwa, zaidi ya nakala milioni 72 zimechapishwa. Unaweza kuomba kitabu hicho kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea kitabu kilichoonyeshwa hapa.

□ Ningependa kujifunza Biblia nyumbani kwangu bila malipo.