Biblia—Kwa Nini Unapaswa Kujua Ujumbe Wake?

● Biblia ndicho kitabu kilichosambazwa zaidi katika historia yote, na watu wengi wana kipenda. Watu hukitumia kuapa wakiwa kortini, na maofisa huapishwa kwa kuweka mkono juu yake. Elimu bora zaidi ambayo mtu anaweza kupata ni ile inayopatikana katika Biblia.

Watu wengi watakubali kwamba ulimwengu ungekuwa mzuri ikiwa watu wengi zaidi wangesoma Biblia na kuishi kupatana na kile inachosema. Broshua yenye kichwa Biblia—Ina Ujumbe Gani? iliyo na kurasa 32 na picha zenye kuvutia inaweza kukusaidia ujifunze kile ambacho Biblia inafundisha. Sehemu zake mbili za kwanza zinafafanua jinsi ambavyo Muumba aliwaandalia wanadamu paradiso na jinsi walivyoipoteza. Sehemu zinazofuata zinaonyesha historia ya watu ambao Mungu alitumia kutokeza Mtawala wa Ufalme wake, ambao utarudisha Paradiso duniani.

Sehemu zinazofuata zinazungumzia maisha, huduma, miujiza, kifo, na ufufuo wa Mtawala huyo aliyewekwa rasmi na Mungu, yaani, Yesu Kristo. Sehemu nne zifuatazo zinaeleza kwa mfuatano wa haraka kuhusu huduma, imani iliyojaribiwa, na maandishi yaliyoongozwa kwa roho ya wafuasi wa Yesu wa karne ya kwanza. Utafurahia sehemu yenye kichwa “Paradiso Yarudishwa!” pamoja na ukurasa wa mwisho wenye picha zenye kuvutia, ulio na kichwa “Ujumbe wa Biblia—Muhtasari.”

Unaweza kuomba nakala ya broshua hiyo kwa kujaza sehemu iliyoonyeshwa hapa chini na kuituma ukitumia anwani iliyoonyeshwa au anwani ifaayo kati ya zile zilizoorodheshwa kwenye ukurasa wa 5 wa gazeti hili.

□ Bila masharti, ningependa kupokea broshua iliyoonyeshwa.

□ Ningependa kujifunza Biblia nyumbani kwangu bila malipo.