Je, Biblia Inaweza Kunisaidia Kuwa na Familia Yenye Furaha?

Jibu la Biblia

Ndiyo. Hapa kuna mashauri kadhaa yanayotegemea Biblia ambayo yamesaidia mamilioni ya wanaume na wanawake kuwa na familia yenye furaha:

1. Halalisha ndoa yako. Msingi wa kuwa na familia yenye furaha ni kufunga ndoa halali ambayo haipaswi kuvunjwa.​—Mathayo 19:4-6.

2. Mpendane na kuheshimiana. Hili linatia ndani kumtendea mwenzi wako kama vile tu wewe ungependa kutendewa.​—Mathayo 7:12; Waefeso 5:25, 33.

3. Epuka maneno makali. Zungumza kwa upole hata kama mwenzi wako amesema au kufanya jambo fulani lenye kuumiza. (Waefeso 4:31, 32) Kama vile Biblia isemavyo katika andiko la Methali 15:1: “Jibu, linapokuwa la upole, hugeuza ghadhabu, lakini neno linaloumiza hufanya hasira ipande.”

4. Uwe mwaminifu kwa mwenzi wako. Mwonyeshe mahaba mwenzi wako tu. (Mathayo 5:28) Biblia inasema: “Ndoa na iheshimiwe kati ya wote, na kitanda cha ndoa kiwe bila unajisi.”​—Waebrania 13:4.

5. Walee watoto wako kwa upendo. Usiendekeze wala kuwa mkatili.​—Methali 29:15; Wakolosai 3:21.