I namna ya uonesa wanyatru mahaɓa

Wasi piya wana wa u mwanadamu wa handra, Adam, ɓasi ra piyasi udjama moja. Laukana risu lindra amba watru wa udjama moja wa vendzane, tsena wa stehiyane ɓe mahaɓa mauri de yayo u kosa leo. Na iyo tsi ɗe i trongo Mungu watru mwendza mahaɓa ako i tsaha.

IYO I MIANGISHIO MITWAHARIFU I RONGOAO JU LA YA MAHAƁA

« I lazimu u mu vendze munyaho mauri ɗe i heli u dji vendzao i nafusi yaho » (SHARIA YA WALAWI 19:18).

« Namuv̄endze maanduyi yanyu » (MATIYO 5:44).

I MANA YA UVENDZA

Ngalia i namna Mungu a onao ya mahaɓa. Risu i para harimwa Urongozi wahe harimwa 1 Makorintiyo 13:4-7 :

« Mahaɓa yayo na usuɓirifu na uwema. »

Fikiria ini : Wawe utso dji kia jeje makati munyaho a hu onesao usuɓirifu na uwema wala kasu jaya hasera makati wa kosa ?

« Mahaɓa kaya kia uwivu. »

Fikiria ini : Wawe utso dji kia jeje makati mutru a hu oneyao uwivu swafi au a hu tuhumuo na shitru ?

Mahaɓa « kaya zunguha ɗe mupariyo wayo tu ».

Fikiria ini : Wawe utso dji kia jeje makati mutru kasu hu sukuma u fikiri mauri ɗe waye ɓe a stehio i namna yaho u fikirio ?

Mahaɓa « kayana trongo za rohoni ».

Fikiria ini : Mungu u swamihi ha kusudi wawo wa fanya dhambi ɓe wa jutsao. « Waye ka lumu vavo na vavo wala kana koha » (Zaɓur 103:9). Makati mutru raka ra mu kosa a ri swamihi, iyo u vinga utrulivu ! Ɓasi, nari ke tayari ya uswamihi wawo wa ri kosao (Zaɓur 86:5).

Mahaɓa « kaya jiviwa na udhuluma ».

Fikiria ini : Makati ri parihanao na trongo mbovu, wasi kari jiviwa amba watru wangina wa ri tsesheye. Ɓasi, risu tsesheye watru wa parihana na mbovu, laukana wa ri rendre nayi.

Ile ri ɓarikishiwe na Mungu, ri lazimu ri vendze wanyatru namna zini, ɓila ungalia maha yao, tsi yao, wala dini yao. Namna ndjema ya uonesa mahaɓa ɗe usaidia wawo wa liona hadja.