Kumbukumbu la Torati

21 “Kama mutu anapatikana ameuawa katika eneo la mashamba la inchi yenye Yehova Mungu wako anakupatia ili uiriti na haijulikane ni nani alimuua, 2 wazee na waamuzi wako+ wataenda na kupima umbali kutoka kwenye maiti hiyo mupaka kwenye miji yenye kuizunguka. 3 Kisha wazee wa muji wa karibu sana na maiti hiyo watakamata katika mifugo mwana-ngombe mwenye hajatumiwa hata siku moja kufanya kazi, mwenye hajakokota nira hata siku moja, 4 na wazee wa muji huo watapeleka mwana-ngombe huyo kwenye bonde* lenye kutiririka maji lenye halijalimwa wala kupandwa mbegu, na watamuvunja shingo mwana-ngombe huyo kule katika bonde.+

5 “Na makuhani, Walawi, watakaribia kwa sababu Yehova Mungu wako amewachagua wamutolee utumishi,+ watangaze baraka katika jina la Yehova.+ Watatangaza namna kila mabishano yenye kuhusisha jeuri yanapaswa kumalizwa.+ 6 Kisha wazee wote wa muji wenye kuwa karibu sana na maiti hiyo watanawa mikono yao+ juu ya mwana-ngombe huyo mwenye alivunjwa shingo katika bonde, 7 na watasema, ‘Mikono yetu haikumwanga damu hii, wala macho yetu hayakuona wakati ilimwangwa. 8 Usihesabie jambo hili juu ya watu wako Israeli, wenye ulikomboa,+ Ee Yehova, na usiache hatia ya damu yenye haina kosa ibakie kati ya watu wako Israeli.’+ Basi hatia hiyo ya damu haitahesabiwa juu yao. 9 Katika njia hiyo utaondoa hatia ya damu yenye haina kosa katikati yako kwa kufanya mambo yenye kuwa sawa mbele ya macho ya Yehova.

10 “Kama unaenda kupigana vita na maadui wako na Yehova Mungu wako anawashinda kwa ajili yako na unawakamata mateka,+ 11 na unaona mwanamuke mwenye sura na umbo ya muzuri kati ya watu hao wenye walikamatwa mateka na unavutiwa naye na unataka kumukamata akuwe bibi yako, 12 unaweza kumuleta katika nyumba yako. Kisha atanyoa kichwa chake, atatunza kucha zake, 13 na kutosha nguo yake ya utekwa, na atakaa katika nyumba yako. Atamulia baba yake na mama yake kwa mwezi muzima,+ na kisha unaweza kulala naye; utakuwa bwana yake naye atakuwa bibi yako. 14 Lakini kama haupendezwe naye, basi utamuacha aende zake+ mahali popote penye anataka.* Lakini hauwezi kumuuzisha ili upate feza ao kumutendea kwa ukali, kwa sababu umemupatisha haya.

15 “Kama mwanaume iko* na bibi wawili na anamupenda mumoja kupita mwingine* na wote wawili wamemuzalia wana na mwana muzaliwa wa kwanza ni wa mwanamuke mwenye hapendwe,+ 16 siku atapatia wana wake uriti wake, hataruhusiwa kumutendea mwana wa mwanamuke mwenye anapendwa sawa vile ni muzaliwa wake wa kwanza na kupuuza mwana wa mwanamuke mwenye hapendwe, ule muzaliwa wa kwanza. 17 Anapaswa kumutambua mwana wa mwanamuke mwenye hapendwe kuwa muzaliwa wa kwanza kwa kumupatia sehemu mbili za kila kitu chenye iko* nacho, kwa sababu mwana huyo ndiye mwanzo wa nguvu zake za uzazi. Haki ya muzaliwa wa kwanza ni yake.+

18 “Kama mutu iko* na mwana mwenye iko* kichwa-nguvu na muasi na hamutii baba yake ao mama yake,+ na wamejaribu kumurekebisha lakini anakataa kuwasikiliza,+ 19 baba yake na mama yake watamushika na kumupeleka kwa wazee kwenye mulango mukubwa wa muji wake 20 na kuambia wazee wa muji wake, ‘Huyu mwana wetu iko* kichwa-nguvu na ni muasi, anakataa kututii. Ni mulafi+ na mulevi.’+ 21 Basi watu wote wa muji wake wanapaswa kumuua kwa kumupiga majiwe. Ni vile unapaswa kuondoa mambo ya mubaya katikati yako, na Israeli wote watasikia na kuogopa.+

22 “Kama mutu anatenda zambi yenye kustahili hukumu ya kifo na ameuawa+ na umemutundika kwenye muti,+ 23 maiti yake haipaswe kubakia kwenye muti usiku wote.+ Lakini, utahakikisha kwamba unamuzika siku hiyo, kwa sababu mutu mwenye ametundikwa ni kitu chenye kulaaniwa na Mungu,+ na haupaswe kuchafua inchi yako yenye Yehova Mungu wako anakupatia kuwa uriti.+