Jibu Tunalopaswa Kufikiria

KISHA kuchunguza uhakikisho mbalimbali, watu wengi wamefikia kuona kuwa uzima uliumbwa na mutu mwenye akili ya hali ya juu. Fikiria mufano wa Antony Flew, profesa wa filozofia mwenye wakati fulani alikuwa muteteaji mukubwa wa imani ya kuwa hakuna Mungu. Wakati alijifunza juu ya mambo ya kushangaza na yaliyo magumu kueleweka kuhusu uzima na sheria za asili za ulimwengu, Flew alibadilisha mawazo yake. Alitaja namna ya kufikiri ya wanafilozofia wa zamani kwa kuandika hivi: “Tunapaswa kukubali mambo ya hakika yanayoonyeshwa wazi hata ikiwa hatukubaliane nayo.” Kulingana na Profesa Flew, mambo mbalimbali yanahakikisha kuwa kuna Muumbaji.

Gerard, aliyetajwa katika habari iliyotangulia, alifikia uamuzi kama huo. Hata ikiwa alisoma sana na kazi yake katika elimu ya wadudu, alisema hivi: “Sikuona jambo lolote linalohakikisha kuwa uzima ulijitokeza wenyewe tu kutokana na kitu kisichokuwa na uzima. Utaratibu na mambo yasiyoeleweka kuhusu vitu vyenye uzima vilinisadikisha kuwa kunapaswa kuwa Mupangaji na Muumbaji.”

Kama vile mutu anaweza kujifunza kutokana na muchoraji kwa kuchunguza mambo aliyochora, Gerard alifikia kutambua sifa za Muumbaji kwa kujifunza uumbaji. Tena, Gerard alichukua wakati wa kuchunguza Biblia, kitabu kilichotoka kwa Muumbaji. (2 Timotheo 3:16) Katika kitabu hicho, alipata majibu kwa maulizo juu ya wakati uliopita wa watu na njia mbalimbali za muzuri za kupambana na magumu yenye kutupata leo. Kwa kufanya hivyo, alifikia kusadiki kuwa Biblia ni kitabu kutoka kwa mutu mwenye akili ya juu sana.

Kama vile Gerard aliona, majibu ya Biblia yanapaswa kufikiriwa. Tunakutia moyo uyachunguze wewe mwenyewe.