Nyimbo Mupya kwa Ajili ya Ibada!
1 Kwenye mukutano wa kila mwaka wa Watch Tower Bible and Tract Society of Pennsylvania uliofanywa tarehe 4 Mwezi wa 10, 2014, kulikuwa tangazo juu ya mupango wa kurekebisha kitabu cha nyimbo ambacho tunatumia sasa. Tangazo hilo lilifurahisha sana! Wahuzuriaji wote walikumbushwa kwamba nyimbo zetu za Ufalme ni sehemu ya maana sana ya ibada yetu.—Zab. 96:2.
2 Unaweza kujiuliza, ‘sababu gani ni lazima kurekebisha kitabu chetu cha nyimbo?’ Kuna sababu fulani. Kwanza, uelewaji wetu wa Maandiko unaendelea kuwa muzuri zaidi, na hilo linakuwa na matokeo fulani juu ya maneno ya nyimbo zetu. (Met. 4:18) Sababu ingine: Maneno mengi ambayo yanatumiwa katika kitabu chetu cha nyimbo yanatoka katika Tafsiri ya Ulimwengu Mpya ya zamani. Maneno hayo yanapaswa sasa kubadilishwa ili yapatane na maneno ya tafsiri ya sasa ya Kiingereza. Kwa kuwa inaomba kazi nyingi ili kubadilisha maneno hayo na kutumia maneno ya sasa, uamuzi wa kuongeza nyimbo fulani mupya katika kitabu hicho cha nyimbo ulichukuliwa.
3 Je, tutangoja mupaka kitabu hicho kipya kichapishwe ili tuanze kutumia nyimbo hizo mupya? Hapana. Tunafurahi kuwajulisha kwamba kwa muda wa miezi fulani inayokuja, nyimbo fulani mupya zitawekwa kwenye adresi yetu ya Internete, jw.org. Wakati wimbo mupya unawekwa kwenye jw.org, wimbo huo utapangwa uimbwe ili kumalizia Mukutano wa Utumishi, na maneno “wimbo mupya” yataandikwa kwenye programu.
4 Namna ya Kujifunza Nyimbo Hizo Mupya: Inaweza kuwa vigumu kujifunza wimbo mupya. Hata hivyo, kama vile mutunga-zaburi, tunapaswa kuimba kwenye mikutano yetu, ‘hatupaswe kunyamaza.’ (Zab. 30:12) Ili tujifunze nyimbo mupya, tufuate hatua hizi:
Tusikilize tena na tena muziki uliorekodiwa wa wimbo ambao unawekwa kwenye jw.org. Ikiwa tunafanya hivyo, itakuwa rahisi kwetu kukumbuka wimbo huo.
Tujifunze maneno ya wimbo na kuyaweka katika akili yetu.
Tuimbe kwa kufuata muziki uliorekodiwa wa piano. Tufanye hivyo tena na tena mupaka tujue kuimba wimbo huo vizuri.
Tutumie muda fulani wakati wa Ibada yetu ya Familia ili kujifunza nyimbo mupya mupaka familia yetu ijue nyimbo hizo vizuri.
5 Katika miezi inayokuja, wakati wimbo fulani utapangwa ili kumalizia Mukutano wa Utumishi, kutaniko litafuata kwanza muziki uliorekodiwa wa piano. Kisha, wasikilizaji wataimba wimbo huo kwa kufuata muziki uliorekodiwa kama ilivyo kawaida.
6 Kuunganisha sauti zetu pamoja kwenye mikutano yetu ili kumuimbia Yehova sifa kunatuletea furaha. Kwa hiyo, hatupaswe kuwa na tabia ya kutoka kwenye nafasi yetu bila sababu wakati tunaombwa kuimba kwenye mikutano yetu.
7 Tunaweza kuonyesha kwamba tunapendezwa na nyimbo zetu takatifu katika njia ingine pia. Kwenye mikusanyiko, kuna kipindi cha kusikiliza muziki mbele programu ianze. Mara mbili kwa mwaka, ndugu na dada wenye kujitolea kutoka inchi mbalimbali duniani pote, wanatumia feza zao ili kuenda huko Patterson, New York, ili kutayarisha muziki mutamu utakaotumiwa kwa ajili ya ibada yetu. Kwa hiyo, wakati mwenye-kiti wa mukusanyiko anatuomba tukae kwenye nafasi zetu ili kusikiliza muziki uliotayarishwa, tunapaswa kufanya hivyo. Kufanya hivyo kutatusaidia kutayarisha mioyo yetu kwa ajili ya mafundisho ambayo yatafuata.—Ezra 7:10.
8 Ili kumalizia mukutano wetu wa leo, tutaimba wimbo mupya wenye kichwa, “Ufalme Umeanza Kutawala—Na Uje.” Wimbo huo ulitolewa kwenye mukutano wa kila mwaka wa hivi karibuni na umetayarishwa zaidi sana kwa ajili ya kuenea kwa miaka 100 tangu Ufalme uanze kutawala.
9 Bila shaka, nyimbo mupya ni ‘mambo mazuri’ kutoka kwa Yehova. (Mt. 12:35a) Basi, na tuazimie kujifunza nyimbo hizo mupya na kuziimba kutoka moyoni ili tumutolee Mungu wetu sifa na utukufu ambao anastahili!—Zab. 147:1.