Ngozi ya Nyoka

KWA SABABU nyoka wanatambaa bila mikono na miguu, wanahitaji ngozi ngumu yenye haiwezi kukwaruzika wanapotembea kila mara juu ya vitu vigumu. Aina fulani za nyoka wanapanda juu ya miti migumu, na nyoka wengine wanachimba mashimo ndani ya muchanga mugumu. Ni nini inayofanya ngozi ya nyoka iwe ngumu sana?

Fikiria hili: Ngozi za nyoka zinaweza kutofautiana katika unene na umbo kulingana na aina za nyoka. Hata hivyo, ngozi ya nyoka wote inafanana katika jambo moja: Ni ngumu inje na inakuwa teketeke zaidi hatua kwa hatua kuelekea upande wa ndani. Jambo hilo linasaidia nyoka namna gani? Muchunguzi wa Biolojia, Marie-Christin Klein, anasema hivi: “Kitu chochote kinachogusa sehemu ya inje iliyo ngumu, kinasikika kwenye sehemu ya ndani iliyo teketeke na kinaweza kuwa na matokeo makubwa katika mwili wote.” Umbo la pekee la ngozi ya nyoka linafanya nyoka awe na uwezo wa kutosha ili kutambaa mwili wake unapogusana na udongo, na wakati huohuo, ngozi hiyo inatoa nguvu ambayo inawezesha nyoka kutambaa juu ya mawe yenye kuchongoka bila ngozi hiyo kuharibika sana. Ni jambo la maana ngozi kuwa ngumu kwa sababu kwa kawaida nyoka wanaondoa ao kubadilisha ngozi yao kisha kila miezi mbili ao tatu.

Vitu vinavyotokana na sehemu fulani za ngozi ya nyoka vinaweza kusaidia katika matunzo, kwa mufano, vinaweza kusaidia kutengeneza vitu vya kupandikiza, ni kusema, vitu vya kuweka kwenye mwili ambavyo ni laini, vigumu, na vyenye kudumu kama ngozi ya nyoka. Tena, mafundi wameiga namna ngozi ya nyoka imefanyizwa na hivyo wametengeneza mashini zenye mikaba migumu inayotembeza na kusafirisha vitu. Mashini hizo hazihitaji mafuta mengi ili kuzilainisha.

Unawaza namna gani? Ngozi ya nyoka ilijifanya yenyewe? Ao je, iliumbwa?