Namna ya Kutia Nguvu Mapatano ya Ndoa

TATIZO

Siku ulifanya ndoa, ulifanya kiapo. Katika ahadi hiyo nzito, mulipatana kuishi pamoja maisha yenu yote, ni kusema, mulikusudia kushikamana ninyi wawili na kumaliza magumu yenye yatawapata.

Lakini kisha miaka mingi, matatizo ya ndoa yameharibisha ndoa yenu. Ungali unajisikia kuwa mapatano yenu ni yenye nguvu?

MAMBO UNAPASWA KUJUA

Mapatano haiko tatizo, lakini yanasaidia kumaliza matatizo. Watu wengi leo hawatumainie mapatano. Watu fulani wanasema kuwa mapatano ni kama kamba yenye kufungia mutu kwenye uamuzi mubaya. Kama vile nanga inasaidia mashua isibebwe na maji, mapatano yanasaidia ndoa yako isitikisike. Mwanamuke mumoja mwenye kuitwa Megan anasema hivi: “Wakati hamusikilizane, jambo moja la muzuri sana juu ya mapatano ya ndoa ni kujua kuwa, kati yenu wawili, hakuna mwenye ataondoka.”a Kuwa na uhakika kuwa ndoa iko salama, hata ikiwa kuna magumu fulani, kunaweza kuwasaidia kumaliza magumu yenu.—Soma kisanduku “Mapatano na Ushikamanifu.”

Jambo la maana: Ikiwa uko na magumu katika ndoa yako, huu ndio wakati wa kutia nguvu mapatano yenu ya ndoa, kuliko kuwa na mashaka juu ya mapatano hayo. Namna gani unaweza kufanya hivyo?

MAMBO UNAWEZA KUFANYA

Chunguza mawazo yako. “Ndoa ni ya maisha yote.” Maneno hayo yanakufanya ujisikie kama mufungwa ao yanakufanya ujisikie salama? Wakati magumu yanatokea, kila mara unawaza kuwa kumuacha bibi ao bwana yako ndiyo njia ya muzuri ya kuyamaliza? Ili kutia nguvu mapatano yenu ya ndoa, ni jambo la lazima uone ndoa kuwa muungano wa maisha yote.—Kanuni ya Biblia: Mathayo 19:6.

Chunguza maisha yako ya zamani. Unaweza kuwa na mawazo mabaya juu ya mapatano ya ndoa kwa sababu ya mambo uliona kwa wazazi wako. Mwanamuke mumoja mwenye kuitwa Lea anasema hivi: “Wazazi wangu walivunja ndoa yao wakati nilikuwa ninakomaa. Pengine jambo lenye liliwafikia linanifanya nikuwe na mawazo mabaya juu ya mapatano.” Ukuwe hakika kuwa, katika ndoa yako, unaweza kufanya mambo tofauti na wazazi wako. Haulazimike kurudilia makosa ya wazazi wako!—Kanuni ya Biblia: Wagalatia 6:4, 5.

Chunguza maneno yako. Wakati hausikilizane na bibi ao bwana yako, usiseme maneno yenye utahuzunikia kisha hapo, maneno kama vile “Nitakuacha!” ao “Nitapata mutu mwengine mwenye ananiona kuwa wa lazima!” Maneno kama hayo hayatie nguvu mapatano yenu ya ndoa. Kuliko kumaliza tatizo, yanafanya tu ninyi wawili mujibiane kwa matusi. Usiseme maneno yenye kuumiza, lakini unaweza kusema maneno kama vile: “Kwa kweli, sisi wawili tunakasirika. Namna gani tunaweza kumaliza tatizo hili pamoja?” —Kanuni ya Biblia: Methali 12:18.

Onyesha ‘alama za mapatano.’ Kwenye kazi, tia picha ya bibi ao bwana yako juu ya meza. Sema mambo ya muzuri juu ya ndoa yenu wakati unaongea na wengine. Fanya mupango wa kuita bibi ao bwana yako wakati hamuko pamoja kwa muda murefu. Tumia mara nyingi maneno “sisi,” “mimi na bibi yangu,” ao “mimi na bwana yangu.” Wakati unafanya hivyo, unakazia kwa wengine na kwako mwenyewe kuwa umefanya mapatano ya ndoa.

Tafuta mashauri kwa watu wenye kuonyesha mufano muzuri. Uende kuona bibi na bwana wenye wameweza kupambana na matatizo ya ndoa. Uwaulize, “Munaona namna gani mapatano ya ndoa yenye mulifanya, na namna gani yamewasaidia katika ndoa yenu?” Biblia inasema hivi: ‘Chuma kinanolewa kwa chuma. Ndivyo mutu ananoa uso wa mwingine.’ (Methali 27:17) Ukifuata kanuni hiyo, unaweza kupata faida katika mashauri ya watu wenye wamefanya ndoa yao ikuwe na furaha, sivyo?