Kitabu cha Zamani Chenye Kinatuletea Faida Leo
Watu mingi wanaheshimia Biblia juu inawaongoza mu mambo ya dini. Lakini, haituongoze tu mu mambo ya dini. Iko na mashauri yenye inaweza kutuletea faida mu maisha yetu ya kila siku.
Ona kwa mufano, faida zenye watu fulani wamepata kwa kusoma na kutumikisha mashauri ya Biblia mu maisha yao.
“Maisha yangu imekuwa ya muzuri zaidi. Pia, namna yangu ya kufikiri imekuwa muzuri zaidi, na ninajisikia muzuri zaidi. Nimekuwa mwenye furaha zaidi.”—Fiona.
“Kwa kujifunza Biblia, nimekuwa na maisha yenye kusudi kabisa.”—Gnitko.
“Maisha yangu imekuwa muzuri zaidi. Kwa sasa situmike sana, na ninapitisha wakati mingi na watu wa familia yangu.”—Andrew.
Ile ni mifano kidogo tu kati ya mifano mingi yenye kuonyesha namna Biblia inasaidia watu mu maisha yao ya kila siku. Mu dunia yote, watu mingi wamejionea ile.
Tuone namna Biblia inaweza kutuletea faida mu mambo yenye kufuata:
Afya ya kimwili
Afya ya moyoni
Maisha ya familia na urafiki
Mambo ya feza
Hali ya kiroho
Habari zenye kufuata zitaonyesha kama Biblia haiko tu kitabu kitakatifu, lakini pia kama inaweza kabisa kutuletea faida mingi mu maisha yetu ya kila siku.