Petro Anamukana Yesu

Wakati Yesu alikuwa na mitume wake mu chumba cha juu, aliwaambia: ‘Ninyi wote mutaniacha usiku wa leo.’ Petro akasema: ‘Hapana mimi! Hata kama wengine wote wanakuacha, mimi sitakuacha.’ Lakini Yesu akamuambia: ‘Mbele jogoo awike, utanikana mara tatu.’

Wakati maaskari walimukamata Yesu na kumupeleka kwa Kayafa, karibu mitume wote walikuwa wamekimbia. Lakini, mitume wawili walienda pamoja na wale watu wengi wenye walimukamata Yesu. Mumoja wao alikuwa Petro. Aliingia mu kiwanja cha nyumba ya Kayafa na kuanza kuota moto. Moto uliangazia sura yake na mutumishi fulani mwanamuke akamuona na kumuambia: ‘Ninakujua! Ulikuwa pamoja na Yesu!’

Petro akamujibu: ‘Hapana, mimi sikukuwa naye. Sijue unataka kusema nini.’ Kisha, Petro akatoka na kuenda kwenye mulango mukubwa. Lakini, mutumishi mwingine mwanamuke akamuona na kuambia watu: ‘Huyu mutu alikuwa pamoja na Yesu!’ Petro akajibu: ‘Simujue hata Yesu!’ Kisha, mwanaume mwingine akasema: ‘Na wewe uko mwanafunzi wake! Namna yako ya kusema inaonyesha kama uko Mugalilaya, sawa vile Yesu.’ Lakini Petro akaapa na kusema: ‘Simujue ule mutu!’

Ile wakati, jogoo akawika. Petro akaona Yesu anageuka na kumuangalia. Halafu Petro akakumbuka maneno yenye Yesu alimuambiaka. Akaenda inje na kulia kwa uchungu.

Ile wakati, Sanhedrini (tribinali kubwa ya Wayahudi) ilikuwa imekusanyika kwa Kayafa ili kumuhukumu Yesu. Walikuwa wameamua kama watamuua Yesu, lakini walikuwa wanatafuta sababu ya kumuua. Lakini, hawakupata kosa hata moja. Ku mwisho, Kayafa akamuuliza Yesu: ‘Uko Mwana wa Mungu?’ Yesu akajibu: ‘Ndiyo.’ Kayafa akasema: ‘Hatuna tena lazima ya ushuhuda mwingine. Munaona, amemutukana Mungu!’ Tribinali yote ikasema: ‘Anastahili kufa.’ Wakamupiga makofi, wakamutemea mate, wakafunika macho yake, wakamupiga na kumuambia: ‘Kama uko nabii, tuambie nani njo anakupiga!’

Wakati ilikuwa asubui, wakamupeleka Yesu mu chumba cha Sanhedrini na wakamuuliza tena: ‘Uko Mwana wa Mungu?’ Yesu akawajibu: ‘Ninyi wenyewe mumesema kama niko Mwana wa Mungu.’ Kwa hiyo, wakamuhukumu kwa kusema kama kosa lake ni kumutukana Mungu na wakamupeleka kwa Pontio Pilato, Gavana wa Roma. Kisha kulitokea nini? Tutaona ile mu sura ya kufuata.