Hakuna Kitu Kingeweza Kuwazuia Kuhubiri

Mwanaume mumoja mwenye hakukuwa anatembea alikuwa anazoea kuomba-omba karibu na mulango mukubwa wa hekalu. Alikuwa anakaa pale kila siku. Siku moja, mangaribi, aliona Petro na Yohana wanaingia mu hekalu. Akawaambia: ‘Tafazali, munipatie kitu fulani.’ Petro akamuambia: ‘Niko na kitu kizuri sana cha kukupatia chenye kinapita feza. Katika jina la Yesu, simama na utembee!’ Kisha Petro akamusimamisha, na ule mwanaume akaanza kutembea! Watu wengi walifurahi sana kuona ule muujiza na wengi wakakuwa waamini.

Lakini makuhani na Wasadukayo walikasirika. Walikamata mitume, wakawapeleka ku tribinali, na kuwauliza: ‘Nani njo aliwapatia nguvu ya kuponyesha ule mutu?’ Petro akasema: ‘Yesu, mwenye muliua, njo alitupatia ile nguvu.’ Viongozi wa dini wakalalamika: ‘Muache kuzungumuza juu ya Yesu!’ Lakini mitume wakawaambia: ‘Tunapaswa kusema juu yake. Hatutaacha.’

Kisha tu Petro na Yohana kuachiliwa, walienda kuelezea wanafunzi wengine mambo yenye ilitokea. Wote pamoja, wakasali: ‘Tafazali Yehova, utupatie uhodari ili tuendelee kufanya kazi yako.’ Yehova akawapatia roho yake takatifu, na wakaendelea kuhubiri na kuponyesha. Watu mingi sana wakakuwa waamini. Wasadukayo wakasikia wivu sana mupaka wakafikia kukamata mitume na kuwafunga. Lakini usiku, Yehova akatuma malaika afungue milango ya gereza na akaambia mitume: ‘Murudie kwenye hekalu, na mufundishe watu.’

Asubui ya siku yenye ilifuata, walinzi wakaambia Sanhedrini (tribinali ya viongozi wa dini ya Wayahudi): ‘Gereza ingali inafungwa, lakini wanaume wenye mulikamata hawako ndani! Wako wanafundisha watu mu hekalu!’ Mitume wakakamatwa tena na kupelekwa mbele ya Sanhedrini. Kuhani mukubwa akawaambia: ‘Tuliwakataza kusema juu ya Yesu!’ Lakini Petro akajibu: ‘Tunapaswa kumutii Mungu kuliko wanadamu.’

Viongozi wa dini walikasirika sana na walitaka kuua mitume. Lakini Mufarisayo mumoja mwenye aliitwa Gamalieli akasimama na kusema: ‘Mufanye angalisho! Pengine Mungu iko pamoja na watu hawa. Munapenda kabisa kupigana na Mungu?’ Wakasikiliza shauri lake. Kisha kupiga mitume fimbo, wakawakataza tena kuhubiri, na kisha wakawaacha waende. Lakini ile haikufanya mitume wavunjike moyo. Waliendelea kuhubiri habari njema bila woga, mu hekalu na nyumba kwa nyumba.