SOMO YA 1

Utangulizi Muzuri

Matendo 17:22

JAMBO LA KUFANYA: Utangulizi wako unapaswa kupatia watu hamu ya kukusikiliza, unapaswa kuonyesha habari yenye utazungumuzia, na kuonyesha sababu gani ile habari itafurahisha wasikilizaji wako.

NAMNA YA KUFANYA VILE:

Patia watu hamu ya kukusikiliza. Chagua ulizo, maneno fulani, jambo lenye lilionwa, ao jambo lenye lilizungumuziwa ku radio, ku televizyo ao mu gazeti fulani, lenye litafurahisha wasikilizaji wako.

Wazia mbele ya wakati mambo yenye inafurahishaka wasikilizaji wako na mambo yenye iko inawahangaisha na upatanishe utangulizi wako na ile mambo.
Onyesha habari yenye utazungumuzia. Hakikisha kama utangulizi wako unasaidia wasikilizaji waone waziwazi habari yenye utazungumuzia na kusudi la ile habari.
Onyesha juu ya nini habari yako ni ya lazima. Patanisha maneno yako na mahitaji ya wasikilizaji wako. Wanapaswa kuelewa waziwazi namna gani habari yako itawasaidia kipekee.

Wakati uko unatayarisha hotuba, ujiulize, ‘Ni mambo gani yenye ndugu na dada mu kutaniko langu wako wanakutana nayo?’ Kisha, upatanishe utangulizi wako na mahitaji yao.