MAULIZO JUU YA HABARI ZA BIBLIA YANAJIBIWA

Sababu gani tunapaswa kusali?

Yehova Mungu anataka tujisikie huru kuzungumuza naye kwa ukawaida juu ya mahangaiko yetu. (Luka 18:1-7) Anatusikiliza kwa kuwa anatupenda. Kwa sababu Baba yetu wa mbinguni anatuomba kwa upendo tusali, linaweza kuwa jambo la upumbavu kukataa kusali kwake.—Soma Wafilipi 4:6.

Sala haiko tu njia ya kuomba musaada. Lakini, inatusaidia kumukaribia Mungu. (Zaburi 8:3, 4) Wakati tunamuelezea Mungu kwa ukawaida namna tunajisikia moyoni, tunakuwa na urafiki wa sana pamoja naye.—Soma Yakobo 4:8.

Tunapaswa kusali namna gani?

Wakati tunasali, Mungu hapendi tutumie maneno ya kujionyesha ao kurudilia sala tulizoweka katika akili. Na hatuombe kuwa katika kikao fulani, ni kusema, kuwa wenye kukaa, kulala, ao kusimama. Yehova anatuomba tusali kutoka moyoni. (Mathayo 6:7) Kwa mufano, katika Israeli ya zamani, Hana alisali juu ya tatizo la familia yake lililomuhangaisha. Kisha, wakati huzuni yake iligeuka kuwa furaha, alimushukuru Mungu kupitia sala yenye kutoka moyoni.—Soma 1 Samweli 1:10, 12, 13, 26, 27; 2:1.

Tuko na pendeleo nzuri sana! Tunaweza kumukaribia Mungu na kumuelezea mahangaiko yetu. Tunaweza pia kumusifu na kumushukuru kwa mambo anayofanya. Kwa kweli hatupaswe kupuuza pendeleo nzuri sana kama hilo.—Soma Zaburi 145:14-16.