MAULIZO JUU YA HABARI ZA BIBLIA YANAJIBIWA

Tunaweza kujua kweli juu ya Mungu?

Mungu alizungumuza na watu. Alitumia roho yake takatifu, ao nguvu yake ya utendaji, ili kuweka mawazo yake katika akili ya waandikaji wa Biblia. (2 Petro 1:20, 21) Tunaweza kujua kweli juu ya Mungu kwa kusoma Biblia.—Soma Yohana 17:17; 2 Timotheo 3:16.

Katika Biblia, Mungu anafunua mambo mengi juu yake. Anaonyesha sababu gani aliumba watu, mambo yenye atawafanyia, na namna anapenda tuishi. (Matendo 17:24-27) Yehova Mungu anapenda tujue kweli juu yake.—Soma 1 Timotheo 2:3, 4.

Sababu gani Mungu anakubali watu wenye kupenda kweli?

Yehova ni Mungu wa kweli, na alituma Mwana wake, Yesu, ili afundishe watu kweli. Kwa hiyo, watu wenye kupenda kweli wanavutwa kwa Yesu. (Yohana 18: 37) Mungu anataka watu kama hao wakuwe waabudu wake.—Soma Yohana 4:23, 24.

Shetani Ibilisi amezuia watu wengi kumujua Mungu kwa kueneza mafundisho ya uongo juu ya Mungu. (2 Wakorintho 4:3, 4) Watu wenye hawapendi kweli wanavutiwa na mafundisho hayo. (Waroma 1:25) Lakini, mamilioni ya watu wenye kuwa na moyo muzuri wako wanapata kweli juu ya Mungu kwa kujifunza Biblia.—Soma Matendo 17:11.