Je, Kutaniko Lenu Lina Eneo Kubwa?
1 Kutoka miji ya Yudea hadi vijiji vya Galilaya, Yesu alitoa ushahidi kamili kotekote katika eneo kubwa la Israeli ya kale. (Mk. 1:38, 39; Luka 23:5) Nasi vilevile lazima tufikishe habari njema kwa watu wengi zaidi iwezekanavyo. (Mk. 13:10) Hata hivyo, hilo linaweza kuwa jambo gumu. Kwa nini?
2 Makutaniko mengi yana eneo ambalo kwa sehemu kubwa linaundwa na vijiji, likiwa na ukubwa wa mamia ya kilometa. Huenda makutaniko ya lugha za kigeni yakatumika katika maeneo ya miji mikuu yenye watu wengi, yakitafuta watu wanaosema lugha yayo. Tunaweza kufanya nini ili kusaidia watu wanaoishi katika maeneo makubwa hayo wajifunze kweli kuhusu Yehova, Yesu, na Ufalme?
3 Pangeni Mambo kwa Uangalifu: Mwangalizi wa utumishi na ndugu anayeshughulika na maeneo wanahitaji kusimamia jitihada za kutaniko ili zitimize mambo mazuri zaidi. Labda Siku za Posho za pekee zinaweza kupangwa wakati wengi zaidi wanapoweza kupitisha siku nzima katika kazi. Mnapofanya kazi katika maeneo ya mbali, pangeni kupitisha siku ndefu zaidi katika utumishi wa shambani ikiwezekana, mkichukua chakula cha mchana mtakachotumia wakati wa mchana-kati. Mnaweza kukutana kwa ajili ya utumishi mapema zaidi kuliko ilivyo kawaida ili kuacha wakati wa kusafiri kwenda katika eneo, au mnaweza kufanya mkutano kwa ajili ya utumishi karibu na eneo litakalotumikwa. Iweni na wahubiri wachache katika kila gari ili wote wawe na nyumba za kutosha za kuhubiri. Pangeni kutumika katika maeneo ya vijijini wakati hali ya hewa na ya njia ni zenye kufaa.
4 Wale wanaofanya kazi katika maeneo ya lugha za kigeni wanaweza kukomboa wakati wenye thamani kwa kuwa na orodha ya sasa ya majina na anwani na ramani ya sasa. Pangeni maeneo ili kikundi kimoja cha utumishi kiweze kutembelea watu wote wanaokaa kwenye anwani zote katika eneo fulani.
5 Hakikisheni kwamba mnachukua kiasi cha kutosha cha vichapo. Ikiwa eneo linatumikwa mara chache, huenda likawa jambo lenye kufaa kuacha trakti au gazeti la zamani kwa ajili ya wale wasiokuwa nyumbani. Ikiwa trakti Je, Ungependa Kujua Mengi Zaidi Kuhusu Biblia? inapatikana katika lugha yenu, toeni hiyo kwa kila mtu mnayekutana naye, na mwache moja kwa wale wasiokuwa nyumbani.
6 Shirikianeni Kikamili: Kutumika eneo kubwa kunataka ushirikiano wa kila mmoja katika kutaniko. Uendeshaji-gari mkubwa unapohitajika, wale wanaosafiri pamoja wanaweza kuchangia gharama ya petroli. Utambuzi unapaswa kutumiwa mnapokuta wenye nyumba ambao wanapenda kuzungumza. Wakati wote, tambueni uhitaji wa kufikia wote katika eneo, na mwafikirie wale wanaongojea katika gari la kikundi chenu. Ikiwa mnatamani kuendelea na mazungumzo kwa muda mrefu pamoja na mtu anayependezwa, je, mipango inaweza kuchukuliwa ili sehemu nyingine ya kikundi isicheleweshwe?
7 Chukueni mipango kamili ili kurudilia wale wote waliopendezwa. Zaidi ya anwani, jaribuni kupata namba ya simu ya mtu anayependezwa ili mweze kupashana habari naye na kumtolea ushahidi zaidi kwa njia ya simu. Ikiwa barabara za vijijini hazina majina au kwamba nyumba hazina namba, chapeni plani kwa uangalifu au mwandike maelezo ya namna mnavyoweza kupata yule anayependezwa wakati wa ziara ya kurudia
8 Ni pendeleo kama nini kutimiza maagizo ya Yesu: “Katika jiji lolote lile au kijiji chochote kile mwingiamo, tafuteni kabisa ni nani humo anayestahili”! (Mt. 10:11) Hakika Yehova atabariki jitihada zenu mnapojitoa kwa kutaka kwenu wenyewe katika kazi hii yenye kuthawabisha zaidi kuliko zote!