Je, Unajua Maamuzi Unayoweza Kufanya?

Ulimwenguni pote, katika hopitali nyingi wagonjwa wanafanyiwa sasa upasuaji bila kutiwa damu. Je, unajua kabisa na kuelewa maamuzi unayoweza kufanya kuhusiana na kutunzwa bila kutiwa damu? Unahitaji kujua mambo hayo ili kuchukua maamuzi yanayolingana na ujuzi huo wakati wa matunzo na upasuaji. Tazama video Pas de sang : la médecine relève le défi. Kisha, tumia maulizo yafuatayo ili kuona kama unaelewa vizuri mambo hayo.—Tangazo: Kwa kuwa video hii ina vipindi vifupi vyenye kuonyesha upasuaji, wazazi watatumia hekima ili kuamua ikiwa watoto wadogo watatazama video hii.

(1) Ni sababu gani kubwa inayofanya Mashahidi wa Yehova wasikubali kutiwa damu mishipani? (2) Kuhusiana na matunzo ya kiganga, Mashahidi wa Yehova wanatamani nini? (3) Ni haki gani ambayo wagonjwa wanayo? (4) Kwa nini kuchagua aina ya matunzo isiyoomba kutumia damu ni jambo lenye akili na linaloonyesha kwamba mutu anahangaikia afya yake? (5) Ni mambo gani mawili ambayo waganga wanapaswa kufanya kwa haraka ikiwa mgonjwa anapoteza damu nyingi sana? (6) Kuna kanuni gani ine za aina ya matunzo isiyoomba kutumia damu? (7) Namna gani waganga wanaweza (a) kupunguza kuvuja kwa damu, (b) kuchunga chembe nyekundu za damu, (c) kufanya mwili uzae damu, na (d) kupata tena damu iliyopotezwa? (8) Eleza aina ya matunzo inayoitwa (a) mchanganyiko wa chembe-damu (hémodilution) na (b) kuokoa chembe za damu (récupération du sang épanché). (9) Utapenda kupata habari gani kuhusu aina yoyote ya matunzo isiyoomba kutumia damu? (10) Je, inawezekana kufanya upasuaji mkubwa na mgumu bila kutia mutu damu mishipani? (11) Ni maendeleo gani mazuri ambayo ni yenye kuonekana sasa katika mambo ya kiganga?

Kukubali aina fulani za matunzo zinazoonyeshwa katika video hiyo ni jambo la kila mutu kuamua peke yake akiongozwa na zamiri iliyozoezwa na Biblia. Je, umekwisha kuamua ni matunzo gani yasiyoomba kutumia damu ambayo utakubali kwa ajili yako mwenyewe na kwa ajili ya watoto wako na kujaza kadi ya kiganga DPA (Instructions médicales)? Ili kuzungumzia habari yote hii, chunguza kwa uangalifu “Maswali Kutoka kwa Wasomaji” katika Mnara wa Mlinzi wa 15/06/04, na wa 15/10/2000. Kisha tumia karatasi za maulizo na majibu za nyongeza ya Huduma Yetu ya Ufalme ya mwezi wa 11, 2006, iliyo na kichwa “Ninaona Namna Gani Sehemu za Damu na Namna Mbalimbali za Matunzo Zinazoomba Kutumia Damu Yangu Mwenyewe?” Karatasi hizo zitakusaidia kufanya maamuzi yako mwenyewe kuhusu matunzo unayoweza kukubali ao kukataa. Mwishowe, andika bila makosa kwenye kadi yako ya kiganga DPA mambo yaleyale yanayohusu maamuzi yako. Watu unaotumainia (personnes de confiance) ambao wanaandikwa kwenye kadi ya kiganga DPA na washiriki wa familia wowote wasio Mashahidi wanapaswa kujulishwa mambo yote kuhusu maamuzi yako.

[Kisanduku kwenye Ukurasa wa 3]

• Je, umekwisha kuamua ni matunzo gani yasiyohusisha damu ambayo wewe na watoto wako munaweza kukubali?

• Je, unatembea kila wakati ukiwa na kadi yako ya kiganga DPA yenye kujazwa vizuri kwa kuwa hali inayoomba kutenda kwa haraka inaweza kutokea?