Je, Roho Waovu Wako Kabisa?

Jibu la Biblia

Ndiyo. Roho waovu ni ‘malaika waliofanya zambi,’ viumbe wa kiroho walioasi Mungu. (2 Petro 2:4) Malaika wa kwanza kujifanya roho muovu alikuwa Shetani Ibilisi, ambaye Biblia inaita ‘mutawala wa roho waovu.’—Mathayo 12:24, 26.

Uasi katika siku za Noa

Biblia inasema hivi kuhusu uasi uliotokezwa na malaika mbele ya Garika ya siku za Noa: “Wana wa Mungu wa kweli wakaanza kuwaona mabinti wa wanadamu, kwamba ni wenye sura ya kupendeza; nao wakajichukulia wake, yaani, wote waliowachagua.” (Mwanzo 6:2) Malaika hao wabaya, ‘waliacha makao yao wenyewe yanayofaa’ mbinguni na walivaa miili ya kibinadamu ili kuja kulala na wanawake.—Yuda 6.

Garika ilipokuja, malaika hao waasi waliacha miili yao ya kibinadamu na kurudi mbinguni. Lakini, Mungu aliwafukuza katika familia yake. Na kama sehemu ya malipizi yao, roho hao waovu hawawezi tena kuvaa miili ya kibinadamu.—Waefeso 6:11, 12.