Tukomalishe Ufundi Wetu wa Kuhubiri—Kutoa Ushahidi Katika Eneo la Biashara

Sababu Gani Ni Lazima Kufanya Hivyo: Watu wengi wanapitisha muda wao mwingi kwenye kazi, kwa hiyo ili wapate ujumbe wa Ufalme ni lazima tuwafuate mahali kwenye wanafanyia kazi. Kutoa ushahidi katika eneo la biashara kunaweza kuleta matokeo mazuri, kwa sababu watu hawakose kuwa kwenye kazi yao na tena wanaheshimia kila mutu mwenye anakuja kwenye kazi yao kwa kuwa wanafikiri kwamba anakuja kununua vitu. Ili wapate matokeo mazuri, wahubiri wanapaswa kuwa na utambuzi, kuvaa muzuri na kujipamba kwa kiasi. (2 Kor. 6:3) Kwa hiyo, mwangalizi wa utumishi anapaswa kujua kama eneo za biashara zimehubiriwa mara ngapi, na wahubiri gani.

Namna ya Kufanya:

Utayarishe ujumbe mufupi. Kama unachukua wakati murefu wa mufanya kazi, siku ingine anaweza kukataa kukukaribisha.
Uwatembelee wakati hawana mambo mengi sana ya kufanya, kwa mufano wakati wanafungua milango yao.
Ujikaze kuzungumuza kwanza na mukubwa wa kazi. Ukuwe muchangamufu na mwenye sura ya kicheko. Kwa mufano, unaweza kusema: “Tunawatembelea watu kwenye eneo lao la kazi kwa sababu mara nyingi hatuwakute kwao.” Umupe ujumbe mufupi, na umutolee trakte, magazeti, ao kichapo kingine. Ili tusionekane kuwa watu wenye kuuzisha vitabu, ni muzuri tusizungumuzie muchango wa kujipendea; tunaweza kuzungumuzia jambo hilo kama tu musikilizaji anatuuliza namna gani kazi yetu inategemezwa.
Kama mukubwa wa kazi anaonyesha urafiki, umuombe ruhusa ya kuwatolea ujumbe mufupi wafanya kazi wengine. Katika nyumba fulani za biashara, ni muzuri kuuliza kama unaweza kuacha vichapo fulani katika chumba cha kupumuzikia.
Utumie utambuzi, na ujipatanishe na kila hali. Kwa mufano, kama mufanya kazi anazungumuza na mutu mwenye kununua ao kama iko anafanya kazi fulani, umuchunge mupaka amalize.

Tumikisha Shauri Hili Katika Mwezi:

Katika Ibada ya Familia ya mangaribi, mufanye mazoezi kuhusu namna ya kutoa ujumbe mufupi wakati mutu anahubiri katika eneo la biashara.