Vichapo Vyenye Kutajwa mu Buku ya Mukutano Utumishi na Maisha
TAREHE 2-8/5
UTAJIRI WA NENO YA MUNGU | 1 SAMWELI 27-29
“Ufundi wa Daudi wa Kupigana Vita”
it-1-F uku. 71
Akishi
Wakati Daudi alikuwa namukimbia Sauli, alipata kimbilio mara mbili mu eneo ya Mufalme Akishi. Kwa mara ya kwanza, watu waliwaza kama Daudi ni adui, kwa hiyo alijifanya kuwa mwendawazimu, na ile ilifanya Akishi amuachilie. (1Sa 21:10-15; Zb 34:Utangulizi; 56:Utangulizi) Kwa mara ya pili, Daudi alikuwa na wapiganaji-vita wake 600 na familia zao. Kwa hiyo Akishi aliwaomba waishi Siklagi. Mu mwaka moya na miezi ine yenye walifanya kule, Akishi aliamini kama Daudi na wanaume wake, walikuwa wanashambulia miji ya Yudea; lakini kusema kweli, alikuwa anamudanganya juu ni Wageshuri, Wagirzi, na Waamaleki njo wenye Daudi alikuwa nashambulia. (1Sa 27:1-12) Ile ujanja ya Daudi ilibana na ikafanya Akishi amuweke kuwa mulinzi wake wakati Wafilisti walikuwa wanapanga kuenda shambulia Mufalme Sauli. Lakini ku mwisho, “mabwana” wa Wafilisti, walikatala Daudi kuenda pamoya nao. Kwa hiyo Daudi na wanaume wake walirudishwa Siklagi. (1Sa 28:2; 29:1-11) Wakati Daudi alikuwa Mufalme na kushambulia muji wa Gati, inawezekana Akishi hakuuawa juu alikuwa angali muzima ku mwanzo wa utawala wa Sulemani.—1Fa 2:39-41; ona GATI.
Vijana—Munaweza Kufanya Nini juu Wengine Wawatumainie?
8 Tuzungumuzie hali ingine yenye Daudi alikutana nayo. Kisha kutiwa mafuta ili akuwe mufalme, Daudi alipaswa kungojea miaka mingi mbele aanze kutawala juu ya Yuda. (1 Sa. 16:13; 2 Sa. 2:3, 4) Ni nini ilimusaidia Daudi angojee kwa uvumilivu mu ile kipindi? Kuliko kuvunjika moyo sana, Daudi alikaza akili juu ya mambo yenye angeweza kufanya. Kwa mufano, wakati alikuwa mukimbizi mu eneo la Wafilisti, Daudi alitumia ile nafasi ili kupigana na maadui wa taifa la Israeli. Kwa kufanya vile, alilinda mipaka ya eneo la Yuda.—1 Sa. 27:1-12.
it-2-F uku. 255 fu. 6
Uongo
Hata kama Biblia inakataza kabisa kusema uongo kimakusudi, ile haimaanishe kama mutu analazimika kufunua habari fulani ya kweli kwa watu wenye hawastahili kuijua. Yesu Kristo alishauri hivi: “Musipatie imbwa kitu kitakatifu, wala musitupe lulu zenu mbele ya nguruwe, ili wasizikanyange-kanyange chini ya miguu yao, kisha wageuke na kuwapasua-pasua.” (Mt 7:6) Njo maana wakati fulani, Yesu alijizuia kutoa habari kamili ao kujibia moja kwa moja maulizo fulani wakati aliona kama kufanya vile kungeleta magumu yenye haina maana. (Mt 15:1-6; 21:23-27; Yoh 7:3-10) Njo vile pia tunapaswa kuona mambo yenye Abrahamu, Isaka, Rahabu, na Elisha walifanya wakati waliongoza mubaya na kuficha kweli watu wenye hawakukuwa waabudu wa Yehova.—Mwa 12:10-19; sura ya 20; 26:1-10; Yos 2:1-6; Yak 2:25; 2Fa 6:11-23.
Mali ya Kiroho
w10-SW 1/1 uku. 20 fu. 5-6
Je, Wafu Wanaweza Kuwasaidia Walio Hai?
Fikiria jambo hili. Biblia inasema kwamba mtu anapokufa ‘anarudi kwenye udongo wake’ na kwamba “mawazo yake hupotea.” (Zaburi 146:4) Sauli na Samweli walijua kwamba Mungu anawashutumu watu wanaowasiliana na pepo. Hapo awali, Sauli alikuwa amewaongoza Waisraeli kukomesha nchini mazoea ya kuwasiliana na pepo!—Mambo ya Walawi 19:31.
Fikiria kisa hicho kwa makini. Kama Samweli mwaminifu alikuwa bado hai akiwa kiumbe wa roho, je, angevunja sheria ya Mungu na kushirikiana na mwanamke mwenye kuwasiliana na pepo ili azungumze na Sauli? Yehova alikuwa amekataa kuzungumza na Sauli. Je, mwanamke huyo angemlazimisha Mungu Mweza-Yote azungumze na Sauli kupitia Samweli aliyekufa? Hapana. Bila shaka, “Samweli” huyu hakuwa kwa vyovyote yule nabii mwaminifu wa Mungu. Alikuwa kiumbe wa roho—roho mwovu aliyejifanya kuwa Samweli.
TAREHE 9-15/5
UTAJIRI WA NENO YA MUNGU | 1 SAMWELI 30-31
“Ujitie Nguvu kwa Musaada wa Yehova Mungu Wako”
w06-SW 1/8 uku. 28 fu. 12
Mwogope Yehova, Uwe Mwenye Furaha!
12 Kumwogopa Yehova hakukumzuia tu Daudi asitende dhambi. Kulimwimarisha achukue hatua na kutenda kwa hekima katika hali ngumu. Kwa muda wa mwaka mmoja na miezi minne, Daudi na watu wake walikimbilia Siklagi, katika maeneo ya mashambani ya Ufilisti, ili kumwepuka Sauli. (1 Samweli 27:5-7) Wakati mmoja ambapo wanaume hao walikuwa wameondoka, Waamaleki walishambulia na kuliteketeza jiji na kuchukua wake wote wa wanaume hao, watoto, na mifugo yao yote. Daudi na watu wake waliporudi na kuona kile kilichotukia, walilia sana. Kwa ghafula, huzuni yao ikageuka kuwa hasira, na watu wa Daudi wakataka kumpiga Daudi kwa mawe. Ingawa Daudi alitaabishwa na jambo hilo, hakuvunjika moyo. (Methali 24:10) Alimtegemea Yehova kwa sababu alimwogopa, naye “akajitia nguvu kwa Yehova.” Kwa msaada wa Mungu, Daudi na watu wake waliwafuata Waamaleki na kukomboa vitu vyote vilivyoporwa.—1 Samweli 30:1-20.
Yehova Anatulinda Ili Tupate Wokovu
14 Katika maisha yake, Daudi alipatwa na taabu nyingi sana ambazo zingeweza kumuvunja moyo. (1 Sam. 30:3-6) Maneno yake yanayopatikana katika Biblia yanaonyesha kama Yehova alijua namna alivyokuwa anajisikia. (Soma Zaburi 34:18; 56:8.) Mungu anajua pia namna sisi tunavyojisikia. ‘Tunapovunjika moyo’ ao ‘tunapopondwa roho,’ anatukaribia. Kujua hilo tu kunaweza kutufariji, kama kulivyomufariji Daudi aliyeimba hivi: ‘Nitakuwa na shangwe na kushangilia katika fazili zako zenye upendo, kwa kuwa umeona mateso yangu; umejua juu ya taabu za nafsi yangu.’ (Zab. 31:7) Yehova anajua kabisa mateso yetu lakini anatusaidia pia kuyavumilia. Anatutia nguvu kwa kututolea faraja na vitia-moyo. Njia moja ambayo anatumia ni mikutano ya Kikristo.
Mali ya Kiroho
w05-SW 15/3 uku. 24 fu. 8
Mambo Makuu Katika Kitabu cha Samweli wa Kwanza
30:23, 24. Uamuzi huo unaotegemea Hesabu 31:27, unaonyesha kwamba Yehova anathamini wale wanaotegemeza kutaniko. Lolote tufanyalo, na ‘tulifanye kwa nafsi yote kama kwa Yehova, na si kama kwa wanadamu.’—Wakolosai 3:23.
TAREHE 16-22/5
UTAJIRI WA NENO YA MUNGU | 2 SAMWELI 1-3
“Tunajifunza Nini Kutokana na ‘Upinde’?”
w00-SW 15/6 uku. 13 fu. 9
Waheshimuni Waliopewa Mamlaka Juu Yenu
9 Je, Daudi alihuzunika alipodhulumiwa? “Watu watishao wananitafuta nafsi yangu,” Daudi akamlilia Yehova. (Zaburi 54:3) Alimweleza Yehova hisia zake: “Ee Mungu wangu, uniponye na adui zangu . . . Wenye nguvu wamenikusanyikia; Ee BWANA, si kwa kosa langu, wala si kwa hatia yangu. Bila kosa langu huenda mbio, hujiweka tayari; uamke uonane nami, na kutazama.” (Zaburi 59:1-4) Je, umewahi kuhisi hivyo—kwamba japo hujamkosea mtu fulani mwenye mamlaka, bado anaendelea kukutatiza? Daudi hakukosa kumstahi Sauli. Sauli alipokufa, Daudi hakushangilia bali alitunga wimbo huu wa maombolezo: “Sauli na Yonathani walipendwa na kupendeza maishani . . . Walikuwa wepesi kuliko tai, walikuwa hodari kuliko simba. Enyi binti za Israeli, mlilieni huyo Sauli.” (2 Samweli 1:23, 24) Ni mfano bora kama nini wa staha ya kweli kwa mtiwa-mafuta wa Yehova, hata ingawa Sauli alikuwa amemkosea Daudi!
Kuwasaliti Wengine—Alama ya Siku za Mwisho!
8 Biblia inazungumuzia pia watu wengi waliokuwa washikamanifu. Acheni tuzungumuzie watu wawili na tuone mambo tunayoweza kujifunza kutoka kwao. Mufano wa kwanza ni ule wa Yonathani aliyekuwa mushikamanifu kwa Daudi. Yonathani alikuwa mwana muzaliwa wa kwanza wa Mufalme Sauli, na kwa hiyo, labda ni yeye ndiye angeriti kiti cha ufalme cha Israeli. Lakini Yehova alimuchagua Daudi awe mufalme mahali pa Sauli. Yonathani aliheshimu uamuzi wa Mungu. Hakumusikilia Daudi wivu. Lakini, “nafsi ya Yonathani ikashikamana na nafsi ya Daudi” na akamuahidi Daudi kama atakuwa mushikamanifu kwake. Ili kumuonyesha Daudi heshima ya kifalme, Yonathani alimupatia hata mavazi yake, mupanga, upinde, na mushipi wake. (1 Sam. 18:1-4) Yonathani alifanya yote awezayo ili ‘autie nguvu mukono wa Daudi,’ na alitia hata maisha yake katika hatari ili kumutetea Daudi mbele ya Sauli. Ili kumuonyesha Daudi kama kweli alikuwa mushikamanifu kwake, Yonathani alimuambia hivi: ‘Wewe utakuwa mufalme juu ya Israeli, na mimi nitakuwa wa pili kwako.’ (1 Sam. 20:30-34; 23:16, 17) Si jambo la kushangaza kwamba kisha kifo cha Yonathani, Daudi alitunga wimbo wa maombolezo ili kuonyesha huzuni yake na namna alivyomupenda Yonathani.—2 Sam. 1:17, 26.
Mali ya Kiroho
it-1-F uku. 928 fu. 3
Ndugu
Neno “Ndugu” inatumiwa pia ku wale wenye wako na miradi na kusudi yenye inafanana. Kwa mufano, Mufalme Hiramu wa Tiro alimuita Mufalme Sulemani ndugu yake, hapana juu tu walikuwa na cheo ya kufanana, lakini pengine pia ni juu wote walifurahia kutoa mierezi na vitu vingine ili kujenga hekalu. (1Fa 9:13; 5:1-12) Daudi alionyesha kama, haiko tu uhusiano wa damu njo unafanyaka kukuwe amani na umoja kati ya ndugu wa kimwili. Alisema hivi: “Angalia! Ni muzuri sana na inapendeza sana ndugu kukaa pamoja kwa umoja!” (Zb 133:1) Kama Daudi alimuita Yonatani ndugu yake, haiko kusema walikuwa mu familia moya, lakini ni juu walipendana sana na walifurahia mambo ileile. (2Sa 1:26) Watu wenye kuwa na muelekeo na tabia za kufanana, hata kama zinaweza kuwa za mubaya, nao pia wanaitwa ndugu.—Mez 18:9.
TAREHE 23-29/5
UTAJIRI WA NENO YA MUNGU | 2 SAMWELI 4-6
“Endelea Kuogopa Kumuchukiza Yehova”
w05-SW 15/5 uku. 17 fu. 8
Mambo Makuu Katika Kitabu cha Pili cha Samweli
6:1-7. Ingawa Daudi alikuwa na nia nzuri, jaribio lake la kuhamisha Sanduku katika gari la kukokotwa lilikuwa kinyume cha amri ya Mungu, naye hakufaulu. (Kutoka 25:13, 14; Hesabu 4:15, 19; 7:7-9) Pia, yaliyotokea wakati Uza alipolishika Sanduku, yanaonyesha kwamba matakwa ya Mungu hayabadiliki hata kama mtu ana nia nzuri.
w05-SW 1/2 uku. 27 fu. 20
Sikuzote Yehova Hufanya Yaliyo Sawa
20 Kumbuka kwamba Uza alipaswa kuijua Sheria. Sanduku liliwakilisha kuwapo kwa Yehova. Sheria ilitaja kwamba halikupaswa kuguswa na watu wasiostahili, na kuonya wazi kwamba watu waliokiuka sheria hiyo wangepewa adhabu ya kifo. (Hesabu 4:18-20; 7:89) Kwa hiyo, kuhamishwa kwa Sanduku hilo takatifu kulipaswa kuonwa kuwa jambo nzito. Yaelekea Uza alikuwa Mlawi (ingawa hakuwa kuhani), hivyo alipaswa kuijua Sheria. Isitoshe, miaka kadhaa mapema Sanduku hilo lilikuwa limehamishwa kwa nyumba ya baba yake ili lilindwe. (1 Samweli 6:20–7:1) Lilikuwa limekaa huko kwa miaka 70 hivi hadi Daudi alipoamua kulihamisha. Hivyo, tangu utotoni yaelekea Uza alijua sheria zilizohusu Sanduku hilo.
w05-SW 1/2 uku. 27 fu. 21
Sikuzote Yehova Hufanya Yaliyo Sawa
21 Kama ilivyotajwa mapema, Yehova anaweza kusoma mioyo. Kwa kuwa Neno lake linataja tendo la Uza kuwa “tendo lisilo la heshima,” huenda Yehova aliona nia fulani ya kibinafsi ambayo haitajwi kihususa katika simulizi hilo. Je, labda Uza alikuwa mtu mwenye kimbelembele, ambaye alikuwa na mwelekeo wa kuvuka mipaka? (Methali 11:2) Je, kusafirisha hadharani Sanduku hilo ambalo familia yao ilililinda kisiri kulimfanya ahisi kuwa mtu wa maana? (Methali 8:13) Je, Uza alikosa imani sana hivi kwamba afikiri kuwa mkono wa Yehova ulikuwa mfupi sana asiweze kulinda sanduku hilo takatifu ambalo liliwakilisha kuwapo Kwake? Vyovyote vile, tunaweza kuwa na uhakika kwamba Yehova alifanya yaliyo sawa. Yaelekea aliona jambo fulani katika moyo wa Uza ambalo lilifanya atekeleze hukumu bila kukawia.—Methali 21:2.
Mali ya Kiroho
w96-SW 1/4 uku. 29 fu. 1
Sikuzote Umtwike Yehova Mzigo Wako
Ilikuwa lazima Daudi akiwa mfalme alaumike kwa kadiri fulani juu ya tukio hilo. Itikio lake laonyesha kwamba hata wale ambao wana uhusiano mzuri pamoja na Yehova pindi kwa pindi waweza kuitikia vibaya hali zenye kujaribu. Kwanza Daudi alipandwa na hasira. Kisha akaanza kuogopa. (2 Samweli 6:8, 9) Uhusiano wake wenye utumainifu pamoja na Yehova ulijaribiwa kwelikweli. Hii ilikuwa ni pindi ambapo inaonekana alikosa kumtwika Yehova mzigo wake, alipokosa kufuata amri zake. Je, nyakati nyingine hali hiyo hutupata? Je, sisi hupata kumlaumu Yehova kwa ajili ya matatizo yatokeayo kwa sababu twapuuza maagizo yake?—Mithali 19:3.
Hotuba: “Mumuogope Mungu na Kumupatia Utukufu.”—Ufu 14:7
w05-SW 1/10 uku. 23 fu. 14-15
“Endeleeni Kukesha”—Saa ya Hukumu Imefika!
14 Tunapaswa kutarajia nini tunapoendelea kukesha? Kitabu cha Ufunuo kinaonyesha jinsi kusudi la Mungu litakavyotimizwa hatua kwa hatua. Kutii mambo yanayosemwa katika kitabu hicho ni muhimu ili tuwe tayari. Unabii huo unaonyesha waziwazi matukio ambayo yangetukia katika “siku ya Bwana,” ambayo ilianza wakati Kristo alipotawazwa kuwa mfalme mbinguni mwaka wa 1914. (Ufunuo 1:10) Kitabu cha Ufunuo hutueleza kuhusu malaika aliyepewa “habari njema ya milele ili aitangaze.” Anatangaza hivi kwa sauti kubwa: “Mwogopeni Mungu na kumpa utukufu, kwa sababu saa ya hukumu yake imefika.” (Ufunuo 14:6, 7) “Saa” hiyo ya hukumu ni kipindi kifupi; ambacho kinatia ndani tangazo hilo na utekelezaji wa hukumu zinazoelezwa katika unabii huo. Tunaishi katika kipindi hicho sasa.
15 Sasa, kabla ya saa ya hukumu kwisha, tunahimizwa hivi: “Mwogopeni Mungu na kumpa utukufu.” Hiyo inatia ndani nini? Tukimwogopa Mungu kwa njia inayofaa hatutafanya mabaya. (Methali 8:13) Ikiwa tunamheshimu Mungu, tutamsikiliza kwa heshima nyingi. Hatutajishughulisha sana na mambo mengine hivi kwamba tupuuze kusoma Neno lake, Biblia, kwa ukawaida. Hatutapuuza shauri lake la kuhudhuria mikutano ya Kikristo. (Waebrania 10:24, 25) Tutathamini sana pendeleo la kutangaza habari njema za Ufalme wa Kimasihi wa Mungu, na tutafanya hivyo kwa bidii. Tutamtegemea Yehova nyakati zote na kwa moyo wetu wote. (Zaburi 62:8) Kwa kuwa tunatambua kwamba Yehova ndiye Mwenye Enzi Kuu ya Ulimwengu Wote, tunamheshimu kwa kujitiisha kwake kwa hiari na kukubali aongoze maisha yetu. Je, wewe humwogopa Mungu kikweli na kumpa utukufu katika njia hizo zote?
TAREHE 30/5–TAREHE 5/6
UTAJIRI WA NENO YA MUNGU | 2 SAMWELI 7-8
“Yehova Anafanya Agano Pamoya na Daudi”
w10-SW 1/4 uku. 20 fu. 3
‘Ufalme Wako Hakika Utakuwa Imara’
Yehova anapendezwa na tamaa ya Daudi ya moyoni. Kwa hiyo, kupatana na unabii, na pia kwa sababu ya kujitolea kwa Daudi, Mungu anafanya agano naye kwamba atainua mtu fulani katika ukoo wa kifalme wa Daudi ambaye atatawala milele. Nathani anamjulisha Daudi ahadi hii yenye uzito kutoka kwa Mungu: “Nyumba yako na ufalme wako hakika zitakuwa imara mpaka wakati usio na kipimo mbele yako; nacho kiti chako cha ufalme kitafanywa imara mpaka wakati usio na kipimo.” (Mstari wa 16) Ni nani aliye Mrithi wa kudumu wa agano hilo—Yule atakayetawala milele?—Zaburi 89:20, 29, 34-36.
w10-SW 1/4 uku. 20 fu. 4
‘Ufalme Wako Hakika Utakuwa Imara’
Yesu wa Nazareti alikuwa wa uzao wa Daudi. Alipotangaza kuzaliwa kwa Yesu, malaika alisema: “Yehova Mungu atampa kiti cha ufalme cha Daudi baba yake, naye atatawala akiwa mfalme juu ya nyumba ya Yakobo milele, na ufalme wake hautakuwa na mwisho.” (Luka 1:32, 33) Kwa hiyo, agano kati ya Mungu na Daudi linatimizwa katika Yesu Kristo. Hivyo, anatawala, si kwa kuchaguliwa na wanadamu, bali kupitia ahadi ya Mungu yenye uzito ambayo inampa haki ya kutawala milele. Na tukumbuke kwamba sikuzote ahadi za Mungu zinatimia.—Isaya 55:10, 11.
Ukuwe na Imani Yenye Nguvu Katika Ufalme
14 Tuchunguze sasa ahadi ya Yehova kwa Mufalme Daudi ambayo ilitolewa kupitia agano na Daudi. (Soma 2 Samweli 7:12, 16.) Wakati Daudi alikuwa mufalme wa Yerusalemu, Yehova alifanya naye agano hilo kwa kumuahidi kwamba Masiya atatokea katika kizazi chake. (Lu. 1:30-33) Kwa hiyo, kisha kipindi fulani Yehova alitoa mafasirio zaidi kuhusu kizazi ambamo uzao ungetokea na akaonyesha kwamba muriti wa Daudi atakuwa na “haki ya kisheria” ya kukaa kwenye kiti cha Ufalme wa Masiya. (Eze. 21:25-27) Kupitia Yesu, ufalme wa Daudi ‘utafanywa imara mupaka wakati usio na kipimo [ao milele].’ Bila shaka, uzao wa Daudi ‘utakuwa mupaka wakati usio na kipimo; na kiti chake cha ufalme kama vile jua.’ (Zab. 89:34-37) Utawala wa Masiya hautaharibiwa hata kidogo, na baraka za utawala huo ni za milele.
Mali ya Kiroho
it-2-F uku. 623 fu. 2
Siku za Mwisho
Unabii wa Balaamu. Mbele Waisraeli waingie mu Inchi ya Ahadi, nabii Balaamu aliambia hivi Mufalme Balaki wa Moabu: “Kuja na uache nikuambie mambo yenye watu hawa [Israeli] watatendea watu wako wakati wenye kuja. . . . Nyota itatoka katika Yakobo, na fimbo ya Ufalme itainuka katika Israeli. Na hakika atapasua paji la uso la Moabu na mufupa wa kichwa wa wana wote wa fujo.” (Hes 24:14-17) Mu utimizo wa kwanza wa huu unabii, ile “nyota” ilikuwa Mufalme Daudi, mwenye alishinda Wamoabu. (2Sa 8:2) Mu ule utimizo wa huu unabii wa pekee sana, “wakati wenye kuja” ulianza wakati Daudi aliwekwa kuwa Mufalme. Juu Daudi alikuwa kivuli ya Yesu akiwa Mufalme wa Kimasia, ile unabii ingetimia tena wakati Yesu angeshinda maadui wake.—Isa 9:7; Zb 2:8, 9.
TAREHE 6-12/6
UTAJIRI WA NENO YA MUNGU | 2 SAMWELI 9-10
“Daudi Alionyesha Upendo-mushikamanifu”
w06-SW 15/6 uku. 14 fu. 6
Naam, Unaweza Kupata Furaha
“Mwenye furaha ni mtu yeyote anayetenda kwa kumfikiria mtu wa hali ya chini,” Daudi aliandika. Aliongeza hivi: “Katika siku ya msiba Yehova atamwokoa. Yehova mwenyewe atamlinda na kumhifadhi hai. Atatangazwa kuwa mwenye furaha.” (Zaburi 41:1, 2) Jinsi Daudi alivyomshughulikia kwa upendo Mefiboshethi yule mwana mwenye kulemaa wa Yonathani, rafiki mpendwa wa Daudi, ni mfano mzuri wa mtazamo unaofaa kuwaelekea watu wa hali ya chini.—2 Samweli 9:1-13.
w05-SW 15/5 uku. 17 fu. 12
Mambo Makuu Katika Kitabu cha Pili cha Samweli
9:1, 6, 7. Daudi alitimiza ahadi yake. Tunapaswa pia kujitahidi kutimiza ahadi zetu.
w02-SW 15/2 uku. 14 fu. 10
Walikabiliana na Miiba Katika Miili Yao
10 Miaka kadhaa baadaye, Mfalme Daudi alimwonyesha Mefiboshethi fadhili-upendo. Alifanya hivyo kwa sababu alimpenda sana Yonathani baba ya Mefiboshethi. Daudi alimpa Mefiboshethi shamba lote la Sauli na kumweka Siba mtumishi wa Sauli alitunze. Daudi pia alimwambia Mefiboshethi hivi: ‘Utakula chakula mezani pangu daima.’ (2 Samweli 9:6-10) Yaelekea fadhili-upendo za Daudi zilimfariji Mefiboshethi na zilimpunguzia mateso yaliyotokana na ulemavu wake. Ni somo zuri kama nini! Sisi pia tunapaswa kuwaonyesha fadhili wale wanaopambana na mwiba katika mwili.
Mali ya Kiroho
it-1-F uku. 270 fu. 2
Ndevu
Kati ya watu wa zamani wa mashariki, kutia ndani Waisraeli, ndevu zilipendwa sana na ilikuwa alama ya heshima kwa wanaume. Sheria ya Mungu, “ilikataza” Waisraeli kunyoa nywele zenye zilikuwa kwenye kila upande ya kichwa yao, nywele zenye zilikuwa kati ya sikio na jicho, na kunyoa mwisho mwisho wa ndevu zao. (Law 19:27; 21:5) Walikatazwa kufanya vile juu ilikuwa desturi za kidini za wapagani fulani.
TAREHE 13-19/6
UTAJIRI WA NENO YA MUNGU | 2 SAMWELI 11-12
“Usiache Tamaa za Mubaya Zikutawale”
Unaweza Kuepuka ao Kutoka Katika Mitego ya Shetani!
10 Pupa ilifanya Mufalme Daudi asahau mambo yote yenye Yehova alimupatia, ni kusema, utajiri, kujulikana, na ushindi mbalimbali juu ya maadui wake. Daudi alimushukuru Mungu kwa zile zawadi zenye alimupatia na alisema kama “zilikuwa nyingi sana kusimulia!” (Zb. 40:5) Lakini, hata vile, alisahau ile mambo yote yenye Yehova alikuwa amemupatia. Hakutosheka na mambo alikuwa nayo, alipenda zaidi ya ile. Hata kama Daudi alikuwa na bibi wengi, alifikia kutamani bibi ya mutu mwingine. Ule mwanamuke alikuwa Bat-sheba na bwana yake alikuwa Uria Muhiti. Daudi alifanya uzinifu pamoja na Bat-sheba na akapata mimba. Lakini Daudi hakuishia pale, alienda mbali zaidi, akakamata mipango ili Uria auawe! (2 Sa. 11:2-15) Daudi alikuwa anawaza nini? Aliwaza kama Yehova hangemuona? Ijapokuwa alimutumikia Yehova kwa miaka mingi alifikia kuwa mutu wa pupa na ile ilimuletea mateso mingi. Lakini, jambo ya kufurahisha, Daudi alifikia kukubali kosa yake na akatubu. Alimushukuru sana Yehova juu alimusamehe!—2 Sa. 12:7-13.
Ukuwe Tayari Kujitiisha kwa Yehova, Juu ya Nini na Namna Gani?
15 Yehova alimuweka Daudi kuwa kichwa cha familia yake na pia kichwa cha taifa lote la Israeli. Kwa sababu Daudi alikuwa mufalme, alikuwa na mamlaka makubwa. Wakati fulani, alitumia mubaya mamlaka yake na akafanya makosa mazito. (2 Sa. 11:14, 15) Lakini alionyesha kama alijitiisha kwa Yehova kwa kukubali nizamu. Katika sala, alimuambia Yehova mambo yote yenye ilikuwa mu moyo wake. Na alijikaza sana ili kutii mashauri ya Yehova. (Zb. 51:1-4) Tena, alikuwa munyenyekevu sana, na hilo lilifanya akubali mashauri yenye wanaume wenzake walimutolea, na hata wanamuke. (1 Sa. 19:11, 12; 25:32, 33) Daudi alijifunza mambo fulani kupitia makosa yake na alitia utumishi wa Yehova pa nafasi ya kwanza mu maisha yake.
Uache Sheria na Kanuni za Mungu Zizoeze Zamiri Yako
7 Haiko lazima tujionee katika maisha yetu matokeo ya mubaya ya kuvunja sheria za Mungu ili tujifunze mambo yenye kuwa sawa na yenye kuwa makosa. Tunaweza kujifunza mambo fulani kwa kuchunguza mifano fulani ya watu wenye walifanya makosa zamani. Mifano hiyo iko katika Biblia. Methali 1:5 inasema hivi: ‘Mutu mwenye hekima anasikiliza na kupata mafundisho zaidi.’ Mafundisho hayo yanatoka kwa Mungu na ni mafundisho ya muzuri zaidi! Kwa mufano, fikiria namna Daudi aliteseka sana wakati alikosa kumutii Mungu na kufanya uzinifu na Bath-sheba. (2 Sam. 12:7-14) Wakati unasoma habari hiyo, ujiulize hivi: ‘Namna gani Daudi angeepuka matatizo hayo? Ningefanya nini katika hali kama hiyo? Ikiwa ninajaribiwa kufanya mambo ya uasherati, nitakuwa kama Daudi ao kama Yosefu?’ (Mwa. 39:11-15) Ikiwa tunafikiria kwa uangalifu matokeo ya mubaya sana ya zambi, ‘tutachukia yaliyo mabaya’ zaidi na zaidi.
Mali ya Kiroho
it-1-F uku. 600 fu. 6
Daudi
Lakini, Yehova alikuwa anaona, na alifunua kisa yote. Kulingana na Sheria ya Musa, Yehova angeruhusu waamuzi washugulikie kisa ya zambi yenye ilihusu Daudi na Bat-sheba, wote wawili wangeuawa. Tena, uzao wenye ungetokana na ule uzinifu, na mama ya ule uzao wangekufa pia. (Kum 5:18; 22:22) Lakini, Yehova alishugulikia ile kisa yeye mwenyewe na alimuonyesha Daudi rehema juu ya agano ya Ufalme (2Sa 7:11-16), juu Daudi pia alionyesha wengine rehema (1Sa 24:4-7; linganisha na Yak 2:13) na juu aliona vile watenda-zambi wote wawili walitubu. (Zb 51:1-4) Lakini hawakuponyoka malipizi yote. Yehova alisema hivi kupitia nabii Natani: “Ninaleta juu yako musiba kutoka katika nyumba yako mwenyewe.”—2Sa 12:1-12.
TAREHE 20-26/6
UTAJIRI WA NENO YA MUNGU | 2 SAMWELI 13-14
“Kukosa Kujizuia Kuliletea Amnoni Magumu”
it-1-F uku. 31 fu. 2
Absalomu
Amnoni anauawa. Uzuri wa Tamari, dada yake na Absalomu, ulifanya ndugu yake nusu mukubwa, Amnoni, avutiwe naye sana. Amnoni alijifanya kuwa mugonjwa, na akaomba Tamari amupikie chakula, na kisha akamulala kinguvu. Amnoni mwenye alimupenda sana kimapenzi Tamari, aligeuka na kumuchukia sana na kisha akamufukuza. Kisha kupasula kanzu yake ya muzuri yenye ilimutambulisha kuwa mutoto wa Mufalme mwenye kuwa bikira, na kutia majivu kwenye kichwa yake, Tamari alikutana na Absalomu. Palepale Absalomu akaamua na kuonyesha kama tangu zamani alikuwaka alishaona vile Amnoni alikuwa anapendezwa na dada yake. Lakini Absalomu aliambia dada yake kama asimushitaki Amnoni, kwa hiyo akabeba Tamari na kuenda ishi naye kwake.—2Sa 13:1-20.
Komalisha Sifa ya Kujizuia
11 Biblia inazungumuzia mifano yenye kuonya ya watu wenye walikosa kujizuia juu ya mambo ya uasherati. Inaonyesha pia matokeo ya mubaya yenye mutu anaweza kupata ikiwa hazuie tabia kama hiyo. Mutu yeyote mwenye kupambana na hali kama ya Kimberly anapaswa kufikiria mufano wa kijana mwanaume mwenye alitenda bila kufikiri mwenye kuzungumuziwa katika Methali sura ya 7. Fikiria pia, mufano wa Amnoni na matokeo ya mubaya sana ya matendo yake. (2 Sam. 13:1, 2, 10-15, 28-32) Wazazi wanapaswa kusaidia watoto wao wakomalishe sifa ya kujizuia na hekima juu ya mambo ya urafiki wa kimapenzi kwa kuzungumuzia katika ibada ya familia mifano yenye tumetaja.
it-1-F uku. 32 fu. 1
Absalomu
Miaka mbili ilipita. Wakati kipindi ya kukata manyoya ya kondoo ilifika, kipindi yenye watu walikuwa nafurahia sana, Absalomu alipanga karamu ku Baal-hasori yenye ilikuwa ku kilometre 22 hivi, kaskazini-mashariki ya Yerusalemu. Alialika Mufalme Daudi na watoto wake wanaume. Wakati baba yake alimuambia kama hataenda, Absalomu alimukaza atume Amnoni, mutoto wake wa kwanza, pa nafasi yake. (Mez 10:18) Kule ku karamu, wakati Amnoni alichangamuka kwa sababu ya “divai,” Absalomu aliambia watumishi wake wamuue. Watoto wengine walirudia Yerusalemu, na Absalomu akakimbilia kwa tate yake Musiria mu Ufalme wa Geshuri, upande wa mashariki wa bahari ya Galilaya. (2Sa 13:23-38) “Upanga” wenye ulitabiriwa na nabii Natani ulikuwa sasa umeingia mu “nyumba” ya Daudi na ungeendelea kubakia mule, maisha yake yote.—2Sa 12:10.
Mali ya Kiroho
g04-SW 22/12 uku. 8-9
Urembo Ulio Bora Zaidi
Kwa upande mwingine, mfikirie Absalomu, mwana wa Daudi. Japo alikuwa na sura nzuri sana, alikuwa mtu mwenye kuchukiza. Biblia inasema hivi kumhusu: “Basi, kwa kulinganisha na Absalomu, hakuna mwanamume aliyekuwa na sura nzuri sana katika Israeli yote kuweza kusifiwa sana hivyo. Hakuwa na kasoro yoyote, kuanzia wayo wa mguu wake mpaka kipaji cha kichwa chake.” (2 Samweli 14:25) Hata hivyo, tamaa ya makuu ya Absalomu ilimchochea kumwasi baba yake na kunyakua ufalme. Hata alilala na masuria wa baba yake. Hivyo, Mungu akamkasirikia, naye akafa kwa maumivu mengi.—2 Samweli 15:10-14; 16:13-22; 17:14; 18:9, 15.
Je, wewe huvutiwa na Absalomu? Bila shaka huvutiwi naye. Kwa ujumla, alikuwa mtu mwenye kuchukiza. Sura yake nzuri haikufunika kiburi na ukosefu wake wa uaminifu, wala haikumzuia asiangamie. Kwa upande mwingine, Biblia inataja mifano mingi ya watu wenye hekima na wenye kuvutia bila kufafanua lolote kuhusu sura yao. Ni wazi kwamba urembo wao wa ndani ndio uliokuwa muhimu zaidi.
TAREHE 27/6–TAREHE 3/7
UTAJIRI WA NENO YA MUNGU | 2 SAMWELI 15-17
“Absalomu Aliasi juu ya Kiburi”
it-2-F uku. 630 fu. 2
Mutangulizi
Kulingana na desturi ya watu wa mashariki, kulikuwa watu wenye walikuwa nakimbia mbele ya gari ya kifalme juu ya kutayarisha na kutangaza kuya kwake, na kwa kawaida ili kumusaidia. (1Sa 8:11) Juu ya kuiga ile desturi ya kuheshimisha mufalme, na kufanya uasi wao usionekane, Absalomu na Adonia, waliweka wanaume 50 wa kukimbia mbele ya magari yao.—2Sa 15:1; 1Fa 1:5; ona WAKIMBIAJI.
Umutumikie Mungu Anayetoa Uhuru
5 Biblia inazungumuzia mifano ya watu ambao walikuwa na uvutano mubaya juu ya wengine. Tuchukue mufano wa Absalomu, mwana wa Mufalme Daudi. Absalomu alikuwa na sura nzuri sana. Hata hivyo, kisha muda fulani, alianza kukomalisha tamaa mbaya kama Shetani, kwa kutamani kiti cha ufalme cha baba yake, ijapokuwa hakuwa na haki ya kuwa mufalme.* Kwa njia ya ujanja Absalomu alitaka awe mufalme mahali pa baba yake, na akaanza kujionyesha kama anawahangaikia Waisraeli sana kuliko baba yake. Kama vile Shetani alivyofanya katika shamba la Edeni, Absalomu aliwafanya watu wafikiri kama yeye atawasaidia kabisa, na wakati huohuo alikuwa akisema mambo ya uongo kuhusu baba yake.—2 Sam. 15:1-5.
it-1-F uku. 1101 fu. 4
Hebroni
Kisha miaka fulani, Absalomu mutoto wa Daudi, alirudia Hebroni; na ni kule njo alianzisha mupango wake wenye haukufanikiwa wa kutafuta kunyanganya mamlaka ya kifalme ya baba yake. (2Sa 15:7-10) Kulingana na historia, wakati fulani Hebroni ilikuwaka muji mukubwa wa Yuda, na ni kule njo Absalomu alizaliwaka. Kwa hiyo, inawezekana ile njo ilifanya Absalomu aanzie kule uasi wake wa kutafuta kunyanganya kiti ya ufalme. Kisha, Mufalme Rehoboamu, mujukuu wa Daudi, alijenga upya Hebroni. (2Ny 11:5-10) Kisha Babiloni kuacha Yuda ukiwa, na kisha kurudia kwa Wayahudi wenye walikuwa mu utekwa, Wayahudi fulani walienda kuikala Hebroni (Kiriat-arba).—Ne 11:25.
Mali ya Kiroho
Unajua Ukweli wa Mambo?
11 Wakati fulani, tunaweza kuumizwa kwa sababu watu wameeneza juu yetu habari zenye kuwa na uongo fulani. Jambo hilo lilimufikia Mefibosheti. Mufalme Daudi alimupatia kwa ukarimu shamba lote lenye lilikuwa la Sauli, tate (nkambo) yake. (2 Sa. 9:6, 7) Lakini, kisha Daudi alisikia habari ya uongo juu ya Mefibosheti. Hakuchunguza ili kujua ikiwa habari hiyo ilikuwa ya kweli, na akamunyanganya Mefibosheti vitu vyake vyote. (2 Sa. 16:1-4) Kisha, wakati Daudi alizungumuza na Mefibosheti, alitambua kama alikuwa amekosea. Basi akamurudishia Mefibosheti sehemu fulani ya vitu. (2 Sa. 19:24-29) Ikiwa Daudi angechukua wakati wa kuchunguza mambo yote kuliko kutenda haraka-haraka kulingana na habari yenye haikukuwa na maelezo yote, Mefibosheti hangetendewa hata kidogo kwa njia hiyo ya ukosefu wa haki.
Hotuba: Iga Bidii ya Itai mu Utumishi Wako
w09-SW 15/5 uku. 27-28
Iga Ushikamanifu wa Ittai
Inadhaniwa kwamba Itai alikuwa mwenyeji wa jiji maarufu la Ufilisti lililoitwa Gathi, nyumbani kwa lile jitu Goliathi na maadui wengine wenye kuogopesha wa Israeli. Katika Biblia, shujaa huyu wa vita, Itai, anatajwa kwa mara ya kwanza wakati Absalomu anapomwasi Mfalme Daudi. Wakati huo, Itai na wanaume 600 Wafilisti waliokuwa wamemfuata waliishi uhamishoni karibu na Yerusalemu.
Huenda hali ya Itai na wafuasi wake ilimkumbusha Daudi wakati alipokuwa mkimbizi, wakati yeye na mashujaa 600 Waisraeli walipohamia eneo la Ufilisti na kuingia katika milki ya Akishi, mfalme wa Gathi. (1 Sam. 27:2, 3) Itai na wanaume wake wangefanya nini wakati ambapo Daudi angekabiliana na uasi wa mwana wake Absalomu? Je, wangemuunga mkono Absalomu, wangeamua kutounga mkono upande wowote, au wangejiunga na Daudi na wanaume wake?
Wazia hali ilivyokuwa wakati Daudi alipokuwa akikimbia kutoka Yerusalemu na kusimama mahali panapoitwa Beth-merhaki, jina linalomaanisha “Nyumba ya Mbali.” Huenda ndiyo nyumba ya mwisho katika eneo la Mlima wa Mizeituni huko Yerusalemu kabla tu ya kuvuka Bonde la Kidroni. (2 Sam. 15:17) Akiwa hapo, Daudi anakagua tena majeshi yake yanapopita. Tazama! Daudi haandamani tu na Waisraeli washikamanifu bali pia na Wakerethi wote na Wapelethi wote. Zaidi ya hilo, Wagathi wote, yaani, Itai na mashujaa wake wa vita 600 wamefuatana naye.—2 Sam. 15:18.
Daudi anamwambia hivi Itai kwa huruma nyingi: “Kwa nini wewe pia uende pamoja nasi? Rudi, ukae na mfalme [huenda alimaanisha Absalomu]; kwa maana wewe ni mgeni, na tena, wewe ni mhamishwa kutoka mahali pako. Ulikuja jana tu na je, leo nikufanye utange-tange pamoja nasi, uende wakati ninapoenda na popote ninapoenda? Rudi, na uwachukue ndugu zako urudi pamoja nao, na Yehova akuonyeshe fadhili zenye upendo na uaminifu!”—2 Sam. 15:19, 20.
Itai anatangaza ushikamanifu wake usioyumbayumba. Anajibu hivi: “Kama Yehova anavyoishi na kama anavyoishi bwana wangu mfalme, mahali atakapokuwa bwana wangu mfalme, iwe ni kifo ama ni uzima, hapo ndipo mtumishi wako atakapokuwa!” (2 Sam. 15:21) Huenda hilo lilimkumbusha Daudi maneno yaliyosemwa na Ruthu, nyanya ya baba yake. (Rut. 1:16, 17) Daudi aliguswa moyo na maneno hayo ya Itai, hivi kwamba akamwambia hivi Itai: “Nenda uvuke” Bonde la Kidroni. Basi, “Itai Mgathi akavuka, na pia watu wake wote na watoto wadogo wote waliokuwa pamoja naye.”—2 Sam. 15:22.
Andiko la Waroma 15:4 linasema hivi: “Mambo yote yaliyoandikwa zamani yaliandikwa ili kutufundisha sisi.” Hivyo, tunapaswa kujiuliza hivi: Tunajifunza nini kutokana na mfano wa Itai? Fikiria mambo ambayo huenda yalimchochea awe mshikamanifu kwa Daudi. Hata ingawa alikuwa mgeni na mhamishwa kutoka Ufilisti, Itai alitambua kwamba Yehova ni Mungu aliye hai na Daudi ni mtiwa-mafuta wa Yehova. Itai hakuchochewa na chuki iliyokuwapo kati ya Waisraeli na Wafilisti. Hakuona tu kwamba Daudi ndiye aliyemuua yule shujaa Mfilisti Goliathi na Wafilisti wengine wengi. (1 Sam. 18:6, 7) Itai alimwona Daudi kuwa mtu aliyempenda Yehova na bila shaka aliona sifa nzuri za Daudi. Hivyo, Daudi akamheshimu sana Itai. Zaidi ya hayo, Daudi aliweka sehemu ya tatu ya majeshi yake “chini ya mkono wa Itai” katika vita vya mwisho juu ya majeshi ya Absalomu!—2 Sam. 18:2.
Sisi pia tunapaswa kujitahidi kuona sifa nzuri za wengine badala ya kukazia fikira tofauti za kitamaduni, kijamii, au kikabila—ubaguzi au chuki yoyote ambayo huenda bado tunayo. Uhusiano mzuri uliositawi kati ya Daudi na Itai unaonyesha kwamba kumjua na kumpenda Yehova kunaweza kutusaidia kushinda vizuizi hivyo.
Tunapotafakari kuhusu mfano wa Itai, tunaweza kujiuliza hivi: ‘Je, ninaonyesha ushikamanifu kama huo kwa Daudi Mkuu Zaidi, Kristo Yesu? Je, ninaonyesha kwamba mimi ni mshikamanifu kwa kushiriki kwa bidii katika kazi ya kuhubiri kuhusu Ufalme na kufanya wanafunzi?’ (Mt. 24:14; 28:19, 20) ‘Niko tayari kuvumilia mambo mengi kadiri gani ili nionyeshe kwamba mimi ni mshikamanifu?’
Vichwa vya familia pia wanafaidika kwa kutafakari kuhusu ushikamanifu wa Itai. Uaminifu wa Itai kwa Daudi na uamuzi wake wa kwenda pamoja na mfalme aliyetiwa mafuta na Mungu uliwachochea wanaume wa Itai. Vivyo hivyo, maamuzi ambayo vichwa vya familia wanafanya ili kutegemeza ibada ya kweli yanaweza kuwa na uvutano kwa familia zao na yanaweza hata kusababisha matatizo ya muda. Hata hivyo, tunahakikishiwa hivi: ‘Kwa mtu mshikamanifu Yehova atatenda kwa ushikamanifu.’—Zab. 18:25.
Baada ya vita kati ya Daudi na Absalomu, Maandiko hayasemi zaidi kuhusu Itai. Hata hivyo, masimulizi hayo mafupi kumhusu katika Neno la Mungu yanatusaidia kufahamu vizuri utu wake wakati wa kipindi kigumu katika maisha ya Daudi. Kwa kuwa Itai anatajwa katika Maandiko, hilo linaonyesha kwamba Yehova anaona na kuwathawabisha watu washikamanifu.—Ebr. 6:10.