Kutembelea Inchi ya Azerbaijani

AZERBAIJANI ndio inchi kubwa kati ya inchi tatu za Kusini mwa Caucase. Karibu miaka 1​000 iliyopita, makabila ya Waturuki yalianza kuhamia kwa uwingi katika eneo hilo. Wahamiaji hao waliiga desturi fulani za wenyeji wa inchi na pia wenyeji wa inchi wakaiga desturi fulani za wahamiaji hao. Hata hivyo, haishangaze kwamba luga ya Azerbaijani inafanana sana na luga ya Kituruki na Kiturkmeni.

Waazeri wanajulikana kuwa watu wenye upendo na wachangamufu. Watu wa familia za Waazeri wana uhusiano wenye nguvu, na watu wa jamaa wanaungana mukono wakati wa magumu.

Waazeri wanapenda muziki na kutunga mashairi ao maandishi yaliyopangwa kwa utaratibu. Katika aina fulani ya muziki unaoitwa mugam, mwimbaji anaimba kwa kutaja mashairi ya zamani ya Waazeri huku akipiga vyombo vya asili vya muziki vya Waazeri. Mwanamuziki anayecheza muziki unaoitwa mugam, anapaswa kujua vizuri jumla ya nyimbo zote za muziki huo wa asili na pia anapaswa kuwa na ufundi wa kutunga nyimbo zake mwenyewe.

Chai ni kinywaji cha maana katika desturi za Waazeri. Wanakunywa chai katika bilauri vidogo​-vidogo wakiwa na chombo kidogo cha sukari pembeni. Labda wanakunywa chai pamoja na mbegu zinazofanana karanga, lozi, na zabibu. Nyumba za kuuzishia chai zinapatikana hata katika miji midogo sana.

Bahari ya Kaspiani, iliyo mashariki mwa inchi, inajaa samaki wakubwa wanaoitwa sturgeon. Samaki anayeitwa beluga, ambaye ni aina nyingine ya sturgeon, anaweza kuishi zaidi ya miaka 100. Mumoja wa beluga wakubwa zaidi ambaye alikamatwa alikuwa na urefu wa meta 8.5 na uzito wa kilo 1 297! Samaki hao wanaonwa kuwa wa maana sana kwa sababu ya mayai yao, ambayo ni chakula kinachopendwa sana na chenye bei ya juu sana.

Waazeri ni watu ambao wanapenda mambo ya dini na wanapenda kuzungumuza juu ya Mungu. Waazeri wengi ni Waislamu. Katika inchi hiyo kuna pia dini zingine, kutia ndani Mashahidi wa Yehova zaidi ya elfu moja, na wengi wao ni wazaliwa wa Azerbaijani.