Kutembelea Inchi ya Nikaragua

WATU wanaita mara nyingi Nikaragua kuwa inchi ya volkeno na ziwa (lac) nyingi. Inchi hiyo iko na ziwa kubwa zaidi katika Amerika ya Kati, ni kusema, Ziwa Nikaragua. Watu wa makabila ya wenyeji waliita ziwa hilo Cocibolca, jina lenye kumaanisha “Bahari Tamu.” Ziwa Nikaragua liko na mamia ya visiwa na ndilo ziwa pekee lisilokuwa na maji ya chumvi lenye samaki wenye kuwa katika bahari kama vile papa (requin), chuchunge, na tarpon.

Tena, inchi ya Nikaragua iko na moja kati ya maeneo ya mbali zaidi katika Amerika ya Kati, ni kusema, eneo la pembeni ya bahari lenye kuitwa côte des Mosquitos. Eneo hilo liko na ukubwa wa kilometa 65, linachukua maeneo mengi ya mashariki yenye kuwa pembeni ya bahari na linaendelea mupaka inchi jirani ya Honduras. Wamiskito (wanaitwa pia Wamosquito) ni kati ya vikundi vingi vya wenyeji vyenye kuwa Nikaragua. Historia ya vikundi hivyo ilianza mbele ya kufika kwa Wazungu kati ya mwaka wa 1501 na 1600.

Wamiskito ni watu wenye kuungana sana na wenye kuwa na desturi za pekee. Kwa mufano, katika luga ya Wamiskito hakuna maneno ya heshima ya kuita watu wenye hawako marafiki, maneno kama vile “Bwana” ao “Bibi.” Katika vijiji, watoto wanaita watu wakubwa “Mujomba” ao “Shangazi” hata kama ni watu wa jamaa yao ao hapana. Wamiskito wako na desturi yao ya zamani ya kusalimiana. Wakati mwanamuke anasalimia mutu wa jamaa ao rafiki, anaweka chafu lake kwenye chafu la mwengine.Kisha, mwenye alisalimia mwenzake anavuta pumzi kupitia pua lake.