Namna ya Kupata Marafiki wa Kweli

MAGUMU

Leo, kupitia teknolojia, unaweza kuzungumuza na watu wengi, na unaweza kufanya hivyo kwa njia yenye kufaa zaidi kuliko wakati mwengine wowote. Lakini, urafiki wenye unafanya pamoja nao unaweza kuonekana kuwa wa kijuu-juu tu. Kijana mumoja mwanaume anasema hivi: “Ninaona sawa vile urafiki wangu wote unaweza kuvunjika polepole. Lakini, baba yangu ana marafiki wa sana kwa miaka mingi!”

Sababu gani leo ni vigumu kupata marafiki wazuri na wa muda murefu?

MAMBO UNAPASWA KUJUA

Teknolojia inaweza pia kuwa na kosa. Kutuma ujumbe kupitia telefone, ao kupitia adresi za Internete kunafanya ionekane kuwa mutu anaweza kuendeleza urafiki na mutu mwengine hata kama hawaonane. Kutumiana ujumbe mwingi wa haraka-haraka kumekamata nafasi ya mazungumuzo ya maana. Kitabu kimoja kinasema hivi: “Watu wanazungumuza na wengine bila kuonana sana uso kwa uso. Wanafunzi wanapitisha wakati mwingi mbele ya ordinatere lakini wanapitisha wakati kidogo pamoja na wengine.” (Artificial Maturity)

Katika hali fulani, teknolojia inaweza kufanya watu waonekane kuwa marafiki sana, hata kama kwa kweli haiko vile. Briana, mwenye miaka 22, anasema hivi: “Hivi karibuni nilitambua kama kila mara ni mimi nilikuwa wa kwanza kuandikia marafiki wangu ujumbe kwenye telefone ili kujua hali yao. Kisha niliacha kuwaandikia ili kuona ni wangapi kati yao wangekumbuka kuniandikia. Kusema kweli, wadogo tu ndio walikumbuka kuniandikia. Ilionekana kama marafiki fulani hawakukuwa wa kweli kama vile nilikuwa ninawazia.”

Lakini, kutuma ujumbe kupitia telefone na kupitia adresi za Internete kunaweza kukusaidia uzungumuze na watu na kufanya urafiki nao ukuwe nguvu? Ndiyo, zaidi sana ikiwa unazungumuza nao kupitia njia ingine. Hata hivyo, mara nyingi, adresi za Internete zinajenga vilalo tu kati yako na wengine kuliko kukufanya uwakaribie.

MAMBO UNAWEZA KUFANYA

Uelewe maana ya urafiki wa kweli. Biblia inaonyesha kama rafiki ‘anashikamana na mutu kwa ukaribu zaidi kuliko ndugu.’ (Methali 18:24) Unapenda kuwa na rafiki wa namna hiyo? Wewe uko rafiki wa namna hiyo? Ili kukusaidia kujibia maulizo hayo, uandike sifa tatu zenye ungependa rafiki yako akuwe nazo. Kisha, uandike sifa tatu zenye unaleta katika urafiki. Ujiulize hivi: ‘Kati ya marafiki wenye ninazungumuza nao kwenye Internete, ni nani anaonyesha sifa zenye ninapenda rafiki akuwe nazo? Ni sifa gani marafiki hao wanasema ninaleta katika urafiki?’—Kanuni ya Biblia: Wafilipi 2:4.

Ujue mambo ya maana katika urafiki. Mara nyingi, watu wanakuwa marafiki kwenye Internete kwa sababu wanafurahia jambo lilelile wote wawili, kama vile namna fulani ya kujifurahisha. Lakini kuwa na kanuni zilezile ni kwa maana zaidi kuliko kupendezwa na mambo yaleyale. Leanne, mwenye miaka 21, anasema hivi: “Pengine sina marafiki wengi, lakini marafiki wenye niko nao wananifanya nikuwe mutu muzuri.”—Kanuni ya Biblia: Methali 13:20.

Ujikaze kukutana na watu uso kwa uso. Hakuna jambo lenye linaweza kulinganishwa na mazungumuzo ya uso kwa uso. Kuzungumuza hivyo kunasaidia kuona namna mutu mwengine anabadilisha sauti, ishara za uso, na za mwili, naye anaweza kuona pia mambo hayo kwako.—Kanuni ya Biblia: 1 Wathesalonike 2:17.

Uandike barua. Kuandikia mutu mwengine barua kunaweza kuonekana kuwa njia ya zamani, lakini kunaonyesha kama unamukazia uangalifu yeye mwenyewe. Jambo hilo halifanyike sana katika dunia hii kwenye watu wanafanya mambo mengi wakati uleule. Kwa mufano, katika kitabu chake, Sherry Turkle, aliandika juu ya kijana mwanaume mwenye anasema kuwa hakumbuke hata kama alipokea barua katika maisha yake. (Alone Together) Kuhusu wakati watu walikuwa wanaandika barua, kijana huyo anasema hivi: “Ninakosa sana siku hizo hata kama nilikuwa sijazaliwa.” Sababu gani usitumie ‘teknolojia hiyo ya zamani’ ili kupata marafiki?

Jambo la maana: Urafiki wa kweli haiko tu kuzungumuza. Unaomba wewe na rafiki yako muonyeshane upendo, huruma, uvumilivu, na musameheane. Mwishowe, sifa hizo zinafanya urafiki ukuwe wenye kuleta baraka. Lakini, ni vigumu kuonyesha sifa hizo kama munazumgumuza tu kupitia Internete.