INCHI NA WATU

Kutembelea Inchi ya Liechtenstein

Karte yenye kuonyesha kwa kifupi inchi ya Liechtenstein kwenye mipaka ya Uswisi na Austria

INCHI hiyo ni kati ya inchi ndogo sana katika dunia, inapatikana katika milima ya Alpes kati ya inchi ya Uswisi na Austria (Autriche). Kwa miaka mingi Waselti, Warhaetia, Waroma, na Waalemanni, wote wameishi katika eneo hilo. Leo, karibu sehemu 3 juu ya 4 ya wakaaji wa Liechtenstein wanatoka katika kabila la Alemanni, lenye liliishi katika eneo hilo kumepita miaka karibu 1500.

Kijerumani ndiyo luga ya taifa ya Liechtenstein, hata kama kinasemwa kwa namna mbalimbali katika vijiji. Kati ya vyakula vya kawaida vya Liechtenstein kuko Tüarka-Rebel, yenye kupikwa na mihindi, na Käsknöpfle, yenye kupikwa na vitu kama vile makaroni ao spageti na jibini (fromage).

Vyakula viwili kati ya vyakula vya kawaida vya Liechtenstein — *Käsknöpfle*

Mwanamuke na mutoto mudogo mwanamuke katika Liechtenstein wanavaa nguo za kienyeji zenye rangi mbalimbal — Nguo za kienyeji zenye rangi mbalimbali

Watu wenye kusafiri katika inchi hiyo wanaona milima yenye kufunikwa na seluji (neige), mabonde yenye majani, mashamba ya mizabibu, na mimea mbalimbali. Kwa mufano, katika inchi hiyo ndogo yenye kuwa katika milima ya Alpes kunaweza kupatikana aina karibu 50 za maua ya okidi ya pori. Tena, katika inchi hiyo kuko nyumba za kuwekea vitu vya zamani, vyumba vya michezo, na nafasi za kutengenezea divai. Kwa hiyo, watembeaji wanakuja katika kipindi cha joto na kipindi cha baridi.

Kazi ya kuhubiri ya Mashahidi wa Yehova katika inchi hiyo ilianza kati ya mwaka wa 1921 na 1930. Leo, kuko Mashahidi wa Yehova karibu 90 katika inchi hiyo, wanafundisha ujumbe wa Biblia kwa wakaaji na watembeaji.

Kitabu Biblia Inafundisha Kabisa Nini? kinachapishwa na Mashahidi wa Yehova katika luga ya Kijerumani, luga ya taifa ya Liechtenstein, na kinapatikana kwenye adresi yetu ya Internete www.jw.org.