MAGUMU INAYALA MU DUNIA

4 | Ulinde Tumaini Yako

JUU YA NINI NI JAMBO YA MAANA?

Magumu yenye kuwa mu hii dunia inaweza kufanya watu wahangaike kimwili na kihisia. Wengi wenye wameteseka na ile magumu wanawaza kama hali haitabadilikaka. Ile inafanya watende namna gani?

Wamoja hawapende hata kuwaza juu ya wakati wenye kuja.
Wengine wanakunywa pombe ao wanatumia dawa za kulewesha juu ya kusahau magumu yao.
Na wengine wanapenda hata kufa kuliko kuishi. Wanajiuliza, “Juu ya nini tuendelee kuishi?”

Mambo Yenye Unapaswa Kujua

Magumu fulani yenye unapambana nayo inaweza kuwa ya wakati kidogo tu na mambo inaweza kubadilika na kuwa muzuri, mu njia yenye hauwazie.
Hata kama magumu yako haiishe, kuko mambo fulani yenye unaweza kufanya yenye inaweza kukusaidia uvumilie.
Biblia inatoa tumaini ya kweli kabisa. Inaonyesha nini njo itamaliza magumu ya wanadamu.

Mambo Yenye Unaweza Kufanya Sasa

Biblia inasema hivi: “Musihangaike hata kidogo juu ya kesho, kwa maana kesho itakuwa na mahangaiko yake yenyewe. Kila siku iko na matatizo yake yenye yanaeneana na siku hiyo.”—Matayo 6:34.

Usihangaike sana juu ya kesho. Usihangaike kupita kiasi juu ya mambo yenye inaweza kutokea kesho mupaka ufikie kushindwa kufanya mambo yenye unaweza kufanya leo.

Kama unaanza kuogopa juu ya mambo ya mubaya yenye inaweza kutokea, ile itafanya tu uhangaike tena zaidi na itaregeza tumaini yako juu ya wakati ya muzuri yenye kuya.

MAMBO YA KUFANYA—Mashauri Yenye Inaweza Kusaidia

UKAZIE AKILI MAMBO YA MUZURI

Biblia inasema hivi: “Siku zote za mutu mwenye kuteseka ziko mubaya, lakini mutu mwenye moyo wa furaha iko na karamu sikuzote.” (Mezali 15:15) Ukivunjika moyo, unaweza kushindwa kuona mambo yenye unaweza kufanya juu utoke mu magumu yenye uko nayo. Lakini, kukuwa na mawazo ya muzuri kunaweza kukusaidia ufikirie mambo mbalimbali yenye unaweza kufanya juu ya kumaliza magumu yenye uko nayo.

Usipitishe wakati mingi ku vyombo vya habari.
Kila mangaribi, ufikirie mambo mbili ao tatu yenye inaweza kufanya ukuwe mwenye shukrani.
Uandike liste ya mambo yenye unapanga kufanya, na ku ile liste uandike tu mambo yenye unaweza kufanya. Kama uko na kazi kubwa yenye unapenda kutimiza, uigabule mu sehemu za kidogo-kidogo. Ku mwisho wa siku, ile itakusaidia ujisikie kuwa umetimiza jambo fulani.

UTAFUTE MUSAADA

Biblia inasema hivi: “Kila mutu mwenye anajitenga na wengine . . . anakataa hekima yote yenye kutumika.” (Mezali 18:1) Hauwezi kujitosha weye peke mu shimo ya murefu, lakini mutu akikusaidia unaweza kutoka.

Uombe watu wa familia na marafiki wakusaidie.
Tena, ufikirie mambo yenye weye unaweza kufanya juu ya kusaidia wengine. Kufanyia wengine mambo ya muzuri itakusaidia usihangaikie sana magumu yako.
Ikiwa umepoteza tumaini na unaona kama hakuna faida ya kuendelea kuishi, inaweza kuwa muzuri uende kuona munganga. Wakati fulani, kuwa na mahangaiko mingi inaweza kuwa alama ya matatizo ya afya, sawa vile kushuka moyo. Watu wengi wamejisikia muzuri kisha kupata matunzo.a

a Gazeti Amuka! haichochee watu wafuate aina fulani ya matunzo.

Biblia Inatupatia Tumaini ya Kweli

Muandikaji fulani wa zaburi alisemaka hivi wakati alikuwa anasali kwa Mungu: “Neno lako ni taa ya muguu wangu, na mwangaza wa njia yangu.” (Zaburi 119:105) Ona mambo yenye kuonyesha kama njo vile Biblia, Neno ya Mungu, inakuwaka kabisa.

Usiku, taa inaweza kutusaidia tujue fasi kwenye tuko tunaenda. Ni vile pia na Biblia. Mu Biblia muko mashauri ya hekima yenye inaweza kutuongoza wakati tunataka kukamata maamuzi fulani ya nguvu.

Taa inaweza kuangazia njia yetu na inaweza kutusaidia kuona mbali zaidi. Vilevile, Biblia inaweza kuangazia mawazo yetu juu tuone kama mbele kuko tumaini.

Biblia ni kitabu takatifu yenye inaonyesha historia ya mwanadamu, lakini pia inatoa tumaini ya kweli juu ya wakati yenye kuya. Inajibia hii maulizo:

Namna gani?

Namna gani mateso ilianza? Biblia inasema kama “kupitia mutu mumoja zambi iliingia katika ulimwengu na kifo kupitia zambi, na ni vile kifo kilienea kwa watu wote kwa sababu wote walikuwa wamefanya zambi.”—Waroma 5:12.

Juu ya nini?

Juu ya nini utawala wa mwanadamu umeshindwa kumaliza magumu yetu? Biblia inasema kama “mwanadamu mwenye kutembea hana hata uwezo wa kuongoza hatua yake.” (Yeremia 10:23) Ukiangalia tu mambo yenye iko inatokea mu dunia, utaona kama ile ni kweli.

Ni nini?

Ni nini Mungu atafanya juu ya kumaliza magumu ya wanadamu? Biblia inaonyesha kama “atapanguza kila chozi katika macho yao, na kifo hakitakuwa tena, wala maombolezo wala kilio wala maumivu havitakuwa tena.” —Ufunuo 21:4.