Namna ya Kushinda Tabia ya Kupiga Punyeto

Kupiga punyeto ni zoea ao tabia chafu inayomuchukiza Mungu; tabia hiyo inamufanya mutu afikirie kujitosheleza yeye mwenyewe, na inaharibu akili ya mutu.a Mutu huyo anaweza pia kufikia kuwaona watu wengine kuwa ni vyombo tu vilivyofanywa ili kutosheleza tamaa ya ngono. Yeye haone ngono kuwa alama ya upendo kati ya watu wawili, lakini anaiona kuwa njia ya kujipatia raha haraka na kutuliza tamaa zake za ngono. Lakini kitulizo hicho ni cha muda tu. Kwa kweli, kuliko kuua viungo vya mwili ‘kwa habari ya uasherati, uchafu, na hamu isiyofaa ya ngono,’ kupiga punyeto kunaviamusha.—Wakolosai 3:5.

Mutume Paulo aliandika: ‘Wapendwa, kwa kuwa tuna ahadi hizi, acheni tujisafishe wenyewe kila unajisi [ao uchafu] wa mwili na roho, tukiukamilisha utakatifu katika kumuogopa Mungu.’ (2 Wakorintho 7:1) Ikiwa una magumu ya kutii maneno hayo, usikate tumaini. Kila siku, Yehova iko “tayari kusamehe” na kusaidia. (Zaburi 86:5; Luka 11:9-13) Kwa kweli, kwa kuwa moyo wako unakuhukumu na kwa sababu unafanya nguvu ili kuachana na zoea hilo, hata ikiwa unaanguka mara mojamoja, hizo ni alama zinazoonyesha kwamba una mawazo mazuri. Kumbuka pia kwamba, ‘Mungu ni mukubwa kuliko mioyo yetu naye anajua mambo yote.’ (1 Yohana 3:20) Mungu haone tu zambi zetu; anaona namna tulivyo kwelikweli. Kwa kuwa anajua kila jambo kutuhusu, hilo linamufanya asikilize kwa huruma sala zetu tunapomuomba atusamehe. Kwa hiyo, usichoke kuzungumuza na Mungu katika sala kwa unyenyekevu na kwa moyo wote, kama vile mutoto anavyomuendea baba yake anapokuwa katika shida. Yehova atakupatia zamiri safi. (Zaburi 51:1-12, 17; Isaya 1:18) Ndiyo, unapaswa kutenda kulingana na sala yako. Kwa mufano, unapaswa kuepuka kuangalia aina zote za ponografia (picha ao habari za ngono) na pia kuepuka kushirikiana na marafiki wabaya.b

Ikiwa tatizo lako la kupiga punyeto linaendelea, tafazali zungumuza jambo hilo na muzazi fulani Mukristo ao rafiki yako fulani anayejulikana kuwa mutu mwenye kukomaa kiroho.c—Methali 1:8, 9; 1 Wathesalonike 5:14; Tito 2:3-5.