“Hii Ni Picha Nzuri Kabisa!”

Ni mara ngapi umejiambia hivyo ao kuambia wengine maneno hayo kisha kufungua gazeti mupya la Munara wa Mulinzi? Picha nzuri zinatayarishwa kwa uangalifu ili kutimiza kusudi fulani. Tunazitumia ili kufundisha na zinafanya tufikiri na kuwazia mambo tunayosoma. Zaidi sana zinaweza kutusaidia tunapotayarisha na kutoa maelezo kwenye funzo la Munara wa Mulinzi.

Kwa mufano, fikiria sababu gani picha fulani imewekwa mwanzoni mwa kila habari ya kujifunza. Picha hiyo inaeleza nini? Ina uhusiano gani na kichwa cha habari ao andiko la musingi la habari? Fikiria namna kila picha nyingine inavyohusiana na habari inayozungumuziwa na namna inavyohusiana na maisha yako.

Kiongozi wa funzo la Munara wa Mulinzi atafurahia kuwapa ndugu na dada nafasi ya kufasiria kila picha, kueleza namna inavyohusiana na habari na wao wenyewe wanajifunza nini kutokana nayo. Kuhusu picha fulani, maelezo yanatolewa ili kuonyesha kwamba picha hiyo inahusiana na fungu fulani. Kuhusu picha zingine, kiongozi anaweza kuamua ni fungu gani linalohusiana na kila picha na atawaalika wasikilizaji wafasirie picha hiyo atakapofika kwenye fungu hilo. Kwa njia hiyo, wote watafaidika vizuri na kazi inayofanywa ili kusaidia musomaji awazie mambo tunayojifunza kutokana na habari zinazopatikana katika Biblia.

Ndugu mumoja alizungumuzia hilo kwa kusema hivi: “Kisha kusoma habari iliyoandikwa vizuri, kutazama picha kunafanya habari hiyo iwe yenye kupendeza zaidi.”