ভবিষ্যতের বিষয়ে আফনে কিতা মনে করইন?

পবিত্র ইঞ্জিল শরিফে লেখা আছে

“তাইন এরার চখুর পানি ফুছিয়া দিবা। আর কুনু মরন অইতো নায়, দুঃখ, কান্দন, কষ্ট আর রইতো নায়, আগর ইতা হক্কলতাউ শেষ অইগেছে।”—প্রকাশিত বাক্য ২১:৪, পবিত্র ইঞ্জিল শরিফ, ছিলটি তরজমা।

আফনার লাগি ই সত্য জানার অর্থ অইলো

কাম-কাজে সন্তোষ্ট আর আনন্দ ফাওয়া।—যিশাইয় ৬৫:২১-২৩.

কুনু ধরনের বেমার বা দুঃখকষ্ট আর থাকতো নায়।—যিশাইয় ২৫:৮; ৩৩:২৪.

আফনার ফরিবার আর কুটুম-কেশের লগে সুখে আর আনন্দে চিরজীবন কাটাইবায়।—গীতসংহিতা ৩৭:১১, ২৯.

পবিত্র কিতাবের কথা আমরা বিশ্বাস করতাম ফারমুনি?

অবশ্য করতাম ফারমু, এর দুইটা কারণ আছে:

• আল্লায় যে ওয়াদা করছইন তা ফুরা করবার ক্ষমতা তাঁইনের আছে। পবিত্র কিতাবে লেখা আছে যে শুধুমাত্র যিহোবা আল্লা অইলা “সর্ব-শক্তিমান” কারণ তাঁইনের অসীম ক্ষমতা আর শক্তি আছে। (প্রকাশিত বাক্য ১৫:৩) এর কারণে আমরার জগতের অবস্থা ভালা করবার বা বদলাইবার যে ওয়াদা আল্লায় করছইন তা ফুরা করতা ফারবা। পবিত্র কিতাবে আরও লেখা আছে যে আল্লার লাগি সকলতাউ সম্ভব।—মথি ১৯:২৬.

• আল্লায় তাঁইনের ওয়াদা বা কথা ফুরা করবার আকাঙ্ক্ষা আর ইচ্ছা আছে। পবিত্র কিতাবে লেখা আছে যে যারা মারা গেছইন তারারে অনন্ত জীবন দিবার লাগি যিহোবা আল্লার আকুল ইচ্ছা আছে।—ইয়োব ১৪:১৪, ১৫.

  আরও লেখা আছে যে নবী ঈসায় বেমারি মানুষরে ভালা করছিলা। কেনে ভালা করছিলা? কারণ নবী ঈসার মানুষরে সাহায্য করবার ইচ্ছা আছলো। (মার্ক ১:৪০, ৪১) নিখুঁতভাবে নবী ঈসায় দেখাইছলা যে তাইন আল্লার লগে একমত কারণ যিহোবা আল্লার মতো তাইনও হক্কলরে সাহায্য করতা চাইন।—যোহন ১৪:৯.

  এর লাগি আমরা নিশ্চত থাকতাম ফারমু যে যিহোবা আল্লার আর নবী ঈসার ইচ্ছা অইলো যে আমরা সুখীতে জীবন কাঠাই।—গীতসংহিতা ৭২:১২-১৪; ১৪৫:১৬; ২ পিতর ৩:৯.