দুঃখকষ্ট কুনু সময় শেষ অইবো নী?
আফনে কিতা মনে করইন . . .
অয়?
না?
মনে কয়?
পবিত্র ইঞ্জিল শরিফে লেখা আছে
“তাঁইন এরার চুখের পানি ফুছিয়া দিবা। আর কুনু মরন অইতো নায়, দুখ, কান্দন, কষ্ট আর রইতো নায়, আগের ইতা হকলতাউ শেষ অইগিছে।”—প্রকাশিত বাক্য ২১:৩, ৪, পবিত্র ইঞ্জিল শরিফ, সিলটি তরজমা।
আফনার লাগি ই সত্য জানার অর্থ অইলো
নিশ্চিত থাকতাম ফারমু যে, আমরার সমস্যাঅকলের লাগি আল্লা দায়ী বা দোষি নায়।—যাকোব ১:১৩.
সান্ত্বনা মিলে জানিয়া যে, আমরার কষ্ট দেখলে আল্লার মনেও কষ্ট লাগে।—সখরিয় ২:৮.
আশা আছে যে, সকল দুঃখকষ্ট হাছাঅউ শেষ অইজিবো।—গীতসংহিতা ৩৭:৯-১১.
পবিত্র কিতাবের কথা আমরা বিশ্বাস করতাম ফারমুনি?
অবশ্য করতাম ফারমু, এর দুইটা করণ আছে:
আল্লায় দুঃখকষ্ট আর অবিচার ঘিন্না করইন। খিয়াল করউক্কা, আগের দিনে যুদি কেউ আল্লার মানুষের লগে নিষ্টুরভাবে ব্যবহার করতো, তখন আল্লার কিলা লাগতো। পবিত্র কিতাবে লেখা আছে যে, আল্লার মনে বেশি কষ্ট ফাইতা কারণ তারা খারাফ মানুষের আতে খুব যন্ত্রণা আর কষ্ট ফাইতা।—বিচারকর্ত্তৃগণের বিবারণ ২:১৮.
যারা অইন্য মানুষের ক্ষতি করতো ছায়, তারারে আল্লায় ঘিন্না করইন। পবিত্র কিতাবে লেখা আছে যে, যারা নির্দ্দোষ মানুষরে খুন করে তারারে আল্লায় জঘন্য মনে করইন।—হিতোপদেশ ৬:১৬, ১৭.
আল্লায় ফরত্যেক জনের লাগি চিন্তা করইন। জেলা আমরার নিজের যন্ত্রনা আর কষ্ট বোঝি, অউলা আল্লায়ও আমরার যন্ত্রনা বোঝইন!—২ বংশাবলি ৬:২৯, ৩০.
যিহোবা আল্লায় তাঁইনের রাজ্য বা সরকার স্থাফন করছইন, যার দ্বারা খুব জলদি ফরত্যেকজন মানুষের দুঃখকষ্ট শেষ করবা। (মথি ৬:৯, ১০) কিন্তু অখন, যারা দুঃখকষ্টয় আছইন, তারারে আল্লায় সান্ত্বনা দেইন যুদি তারা তাঁইনরে খাঁটি মনদি খোঁজইন।—প্রেরিত ১৭:২৭; ২ করিন্থীয় ১:৩, ৪.
চিন্তা করার মতো বিষয়
কেনে আল্লায় দুঃখকষ্ট ঘটতে দেইন?
পবিত্র কিতাবের মাজে উত্তর ফাওয়া যায় রোমীয় ৫:১২ আর ২ পিতর ৩:৯ ফদ দেখউক্কা।