23 அதோடு, இரண்டு முழ நீளத்திலும் ஒரு முழ அகலத்திலும் ஒன்றரை முழ உயரத்திலும் வேல மரத்தால் ஒரு மேஜை+ செய்ய வேண்டும்.+ 24 அதற்கு சுத்தமான தங்கத்தால் தகடு அடித்து, சுற்றிலும் தங்கத்தால் அலங்கார வேலைப்பாடு செய்ய வேண்டும். 25 அதாவது, நான்கு விரலளவு அகலத்துக்கு* சுற்றிலும் சட்டம் அடித்து, அந்தச் சட்டத்தின் ஓரங்களில் தங்கத்தால் அலங்கார வேலைப்பாடு செய்ய வேண்டும். 26 தங்கத்தில் நான்கு வளையங்களைச் செய்து, மேஜையின் நான்கு கால்கள் இருக்கிற நான்கு மூலைகளிலும் பொருத்த வேண்டும். 27 இந்த வளையங்களைச் சட்டத்துக்குப் பக்கத்தில் பொருத்த வேண்டும். மேஜையைத் தூக்கிக்கொண்டு போவதற்கான கம்புகளை அவற்றில் செருகி வைக்க வேண்டும். 28 அந்தக் கம்புகளை வேல மரத்தால் செய்து, அவற்றுக்குத் தங்கத் தகடு அடிக்க வேண்டும். அந்தக் கம்புகளால் மேஜையைத் தூக்கிக்கொண்டு போக வேண்டும்.