7 இஸ்ரவேல் முழுவதையும் கவனித்துக்கொள்ள 12 நிர்வாகிகளை சாலொமோன் நியமித்திருந்தார். ராஜாவுக்கும் அவருடைய அரண்மனையில் இருந்தவர்களுக்கும் தேவையான உணவுப் பொருள்களைக் கொண்டுவந்து கொடுக்க வேண்டிய பொறுப்பு அவர்களுக்கு இருந்தது. அவர்கள் ஒவ்வொருவரும் வருஷத்தில் ஒவ்வொரு மாதம் உணவுப் பொருள்களைக் கொண்டுவந்து கொடுத்தார்கள்.+

22 சாலொமோனின் அரண்மனையில் தினமும் 30 கோர் அளவு* நைசான மாவும், 60 கோர் அளவு சாதாரண மாவும், 23 கொழுத்த 10 மாடுகளும் மேய்ச்சல் நிலத்திலிருந்து வந்த 20 மாடுகளும், 100 செம்மறியாடுகளும் பலவகை மான்களும்* கொழுத்த குயில்களும் சாப்பாட்டுக்காகப் பயன்படுத்தப்பட்டன.

4 எல்லா விஷயங்களிலும் சாலொமோனுக்கு இருந்த ஞானம்,+ அவர் கட்டிய அரண்மனை,+ 5 மேஜையில் பரிமாறப்பட்ட உணவு,+ ஊழியர்கள் உட்கார்ந்திருந்த வரிசை, உணவு பரிமாறப்பட்ட விதம், பரிமாறுகிறவர்களின் உடை, பானம் பரிமாறுகிற ஆட்கள், யெகோவாவின் ஆலயத்தில் அவர் வழக்கமாகச் செலுத்திய தகன பலிகள் ஆகியவற்றைப் பார்த்து சேபா தேசத்து ராணி வாயடைத்துப்போனாள்.*

21 சாலொமோன் ராஜா குடிக்கப் பயன்படுத்திய பாத்திரங்கள் எல்லாமே தங்கத்தில் செய்யப்பட்டிருந்தன. ‘லீபனோன் வன மாளிகையில்’+ இருந்த எல்லா பாத்திரங்களும் சுத்தமான தங்கத்தில் செய்யப்பட்டிருந்தன, எதுவும் வெள்ளியில் செய்யப்படவில்லை. ஏனென்றால், சாலொமோன் காலத்தில் வெள்ளி ஒரு பொருட்டாகவே மதிக்கப்படவில்லை.+