மொட்டைமாடிகளைக் கொண்ட வீடுகள்

ஒரு வீட்டின் மொட்டைமாடி முக்கியமான நிறைய விஷயங்களுக்காகப் பயன்படுத்தப்பட்டது. உதாரணத்துக்கு, ஒரு அப்பா தன் குடும்பத்தார் எல்லாரையும் அங்கே ஒன்றுகூட்டி யெகோவாவைப் பற்றிப் பேசினார். சேகரிப்புப் பண்டிகையின்போது மொட்டைமாடிகளில் கூடாரங்கள் போடப்பட்டன. (லேவி 23:41, 42; உபா 16:13-15) ஆளிவிதைச் செடியின் தட்டைகளைக் காய வைப்பது போன்ற வேலைகள் அங்கே செய்யப்பட்டன. (யோசு 2:6) சிலசமயங்களில், வீட்டில் இருந்தவர்கள் அங்கே படுத்துத் தூங்கினார்கள். (1சா 9:25, 26) மொட்டைமாடியில் செய்யப்பட்ட எல்லாவற்றையும் மற்றவர்களால் சுலபமாகப் பார்க்க முடிந்தது. (2சா 16:22) அங்கிருந்து ஏதாவது அறிவிப்பு செய்யப்பட்டபோது, அக்கம்பக்கத்தில் இருந்தவர்களாலும் தெருவில் போய்க்கொண்டிருந்த ஆட்களாலும் அதை உடனடியாகக் கேட்க முடிந்தது.