ஊழியத்தில் திறமைகளை மெருகூட்ட... பைபிள் படிப்பை நடத்தி காட்டுங்கள்

ஏன் முக்கியம்? நாம் ஊழியத்தில் பார்க்கிற நிறைய பேருக்கு பைபிள் படிப்பு என்றால் என்னவென்றே தெரியாது. எங்கேயாவது போய் பைபிள் க்ளாஸில் (class) கலந்துகொள்வதுதான் பைபிள் படிப்பு என்று அவர்கள் நினைப்பார்கள். இல்லையென்றால், மாதா மாதம் வரும் புத்தகங்களை படிப்பதுதான் பைபிள் படிப்பு என்று நினைப்பார்கள். அதனால், வெறுமனே ‘நாங்க பைபிள் படிப்பு நடத்துறோம்’ என்று சொல்லாமல், பைபிள் படிப்பு என்றால் எப்படி இருக்கும் என்று அவர்களுக்கு நடத்தி காட்டுங்கள். வீட்டு வாசலில் நின்றுகூட அவர்களுக்கு படிப்பு நடத்தலாம். அப்படி செய்தால், கொஞ்ச நேரத்திலேயே பைபிளில் இருந்து எவ்வளவு விஷயம் கற்றுக்கொள்ள முடியும் என்று அவர்கள் புரிந்துகொள்வார்கள்.

எப்படிச் செய்யலாம்?

ஊழியத்தில் பார்க்கிற ஆட்களிடம் இப்படி கேளுங்கள்: “உங்க எதிர்காலம் நல்லா இருக்கனும்னு ஆசைப்படுறீங்களா?”
‘நிறைய பேர் அப்படி ஆசைப்படுறாங்க’ என்று சொல்லுங்கள். பிறகு, பைபிள் கற்பிக்கிறது புத்தகத்தின் பொருளடக்கத்தை காட்டுங்கள். அல்லது, நற்செய்தி சிறுபுத்தகத்தில் இருக்கிற கடைசி பக்கத்தை காட்டுங்கள். எதிர்காலத்தை பற்றியும் இன்னும் நிறைய விஷயங்கள் பற்றியும் அந்தப் புத்தகத்தில் இருக்கிறது என்று சொல்லுங்கள். எந்த தலைப்பை பற்றி அவர்கள் தெரிந்துகொள்ள விரும்புகிறார்கள் என்று கேளுங்கள்.
அவர்கள் சொன்ன அதிகாரத்தின் ஆரம்பத்தில் இருக்கிற கேள்விகளை காட்டுங்கள் (நற்செய்தி சிறுபுத்தகம் கொடுத்திருந்தால் அந்த அதிகாரத்தை காட்டுங்கள்). அதே அதிகாரத்தில் அதற்கு பதில் இருக்கிறது என்று சொல்லுங்கள்.
முதல் பாராவை படிக்க சொல்லுங்கள். அப்புறம், அந்தப் பாராவின் கேள்வியை கேளுங்கள். பதில் கண்டுபிடிக்க அவங்களுக்கு உதவி செய்யுங்கள். தேவையான வசனங்களை வாசித்து, என்ன புரிந்துகொண்டார்கள் என்று கேளுங்கள். நீங்கள் குறித்து வைத்த பதிலை காட்டுங்கள்.
பிறகு இரண்டாவது பாராவை படிக்க சொல்லுங்கள். இந்த முறை, பதிலை பாராவில் இருந்து வாசிக்காமல், மனதிலிருந்து சொல்ல சொல்லுங்கள்.
நன்றாக பதில் சொன்னதற்காக அவர்களை பாராட்டுங்கள். இதே மாதிரி மற்ற பாராவையும் அடுத்த முறை படிக்கலாம் என்று சொல்லுங்கள்.
jw.org-ல இருந்து“பைபிள் படிப்பு எப்படி இருக்கும்?” என்ற வீடியோவை தேவைப்பட்டால் காட்டுங்கள்.

இந்த மாதம் இதை முயற்சி செய்யுங்கள்:

பைபிள் படிப்பை ஆரம்பிக்க வேண்டும் என்று யெகோவாவிடம் ஜெபம் செய்யுங்கள்.—பிலி. 2:13.
ஊழியத்தில், ஒரு வீட்டிலாவது பைபிள் கற்பிக்கிறது புத்தகத்தில் இருந்தோ நற்செய்தி சிறுபுத்தகத்தில் இருந்தோ பைபிள் படிப்பை நடத்தி காட்ட முயற்சி செய்யுங்கள். அல்லது, “பைபிள் படிப்பு எப்படி இருக்கும்?” என்ற வீடியோவை காட்டுங்கள்.