பைபிளில் இருப்பது வெறும் மனிதர்களின் கருத்துக்களா?

பைபிள் தரும் பதில்

பைபிளை பொதுவாக பரிசுத்த வேதாகமம் என்று சொல்வார்கள். அதில், நிறைய ஞானமான அறிவுரைகள் இருக்கிறது. பைபிளில் இருக்கும் அறிவுரைகளை பற்றி பைபிளே இப்படி சொல்கிறது: “வேதவசனங்கள் எல்லாம் கடவுளுடைய சக்தியினால் அருளப்பட்டிருக்கின்றன.” (2 தீமோத்தேயு 3:16) இந்த விஷயத்தை நம்புவதற்கு நிறைய ஆதாரங்கள் இருக்கிறது. சில உண்மைகளை இப்போது பார்க்கலாம்:

• பைபிளின் வரலாற்றுத் தகவல்கள், தவறு என்று யாருமே இதுவரைக்கும் நிரூபித்தது இல்லை.

• பைபிளை எழுதியவர்கள் நேர்மையாக, உள்ளதை உள்ளபடியே எழுதியிருக்கிறார்கள். அதனால், பைபிளில் இருக்கும் தகவல்கள் உண்மையாக இருக்கிறது.

• பைபிளின் முக்கிய பொருள்: மனிதர்களை ஆட்சி செய்வதற்கு கடவுளுக்கு மட்டும்தான் உரிமை இருக்கிறது. அவருடைய ஆட்சியின் மூலம் அவருடைய எல்லா விருப்பத்தையும் நிறைவேற்றுவார்.

• பைபிளை ஆயிரக்கணக்கான வருஷங்களுக்கு முன் எழுதினார்கள். அந்த சமயத்தில் சில தவறான விஞ்ஞான கருத்துகள் பரவலாக நம்பப்பட்டது. ஆனால், அப்படிப்பட்ட எந்த தவறான விஞ்ஞான கருத்தும் பைபிளில் எழுதப்படவில்லை. அதில் உண்மைகள் மட்டுமே இருக்கிறது.

• பைபிளில் சொல்லப்பட்டிருக்கும் தீர்க்கதரிசனங்கள், அதாவது எதிர்காலத்தில் நடக்கும் என்று முன்னதாகவே சொல்லப்பட்ட விஷயங்கள், உண்மையிலேயே நடந்திருக்கிறது. இதை வரலாற்றுச் சம்பவங்கள் நிரூபிக்கிறது.