மெய்யான கடவுளைப் பற்றிய அறிவு ஜீவனுக்கு வழிநடத்துகிறது

¹ இயேசு, ஜெபத்தில் தம்முடைய பிதாவிடம் இவ்வாறு சொன்னார்: ‘ஒன்றான மெய்த் தேவனாகிய உம்மை . . . அறிவதே நித்திய ஜீவன்.’ (யோவா. 17:3) இது எத்தகைய தயாளமான ஈகை! நித்திய ஜீவனுக்கு வழிநடத்துகிற அறிவு பிரசுரத்தைப் பயன்படுத்துவதன்மூலம், என்றென்றும் வாழ்வதற்கு, தாங்கள் என்ன செய்யவேண்டுமென்பதைக் கற்றுக்கொள்ள மற்றவர்களுக்கு நாம் உதவி செய்யலாம். அவர்களுடைய அக்கறையைத் தூண்டியெழுப்புவதற்கும் அறிவு புத்தகத்தை வாசிக்க விரும்பும்படி அவர்களை ஊக்குவிப்பதற்கும் நாம் என்ன சொல்லலாம்?

² இவ்வாறு நடைமுறையான வழிக்காட்டுதலுக்குரிய மூல ஆதாரமாக நீங்கள் சாதுரியமாய் பைபிளைக் குறிப்பிடலாம்:

◼ “வாழ்க்கையின் பிரச்சினைகளைச் சமாளிப்பதற்கு நடைமுறையான வழிகாட்டுதலுக்குரிய மூல ஆதாரம் ஒன்றை எங்கே கண்டடைவது என்பதைப் பற்றி எங்கள் அயலகத்தாருடன் நாங்கள் கலந்துபேசுகிறோம். பைபிள் உட்பட பல்வேறு மத புத்தகங்களை ஆட்கள் ஆராய்ந்து பார்க்கிறார்கள். ஆனால் ஆட்களுடைய மனப்பான்மைகள் மாறிக்கொண்டிருக்கின்றன; சிலர், தங்கள் மத புத்தகங்கள் மனிதரால்தானே எழுதப்பட்டிருப்பதாகக் கருதி அவற்றை சந்தேகிக்கின்றனர். உங்களுடைய கருத்து என்ன? [பதில் சொல்ல நேரம் அனுமதியுங்கள்.] பைபிள் நம்முடைய நாளுக்கான நடைமுறைக்கு உகந்ததாக இருக்கிறதென்று சொல்வதற்கு மிக நல்ல ஒரு காரணம் இருக்கிறது. [2 தீமோத்தேயு 3:16, 17-ஐ வாசியுங்கள்.] பைபிளை எழுதும்படி கடவுள் ஏவின அந்த சமயத்தில் எவ்வாறு பைபிள் நியமங்கள் பொருந்தினவோ, அதே விதமாகவே இன்றும் அவை பொருந்துகின்றன.” அறிவு புத்தகத்தில் 16-ம் பக்கத்துக்குத் திருப்பி, இயேசுவின் மலைப் பிரசங்கத்தில் காணப்படுகிற நடைமுறைக்கு உகந்த போதனையின்பேரில் சுருக்கமாய் குறிப்புகள் சொல்லுங்கள். பத்தி 11-ல் உள்ள மேற்கோளை அல்லது பத்தி 13-ல் இருப்பதை வாசியுங்கள். புத்தகத்தை அளித்து, பைபிளில் அடங்கியுள்ள அறிவிலிருந்து நாம்தாமே தனிப்பட்ட முறையில் எவ்வாறு பயனடையலாம் என்ற கேள்விக்குப் பதிலளிக்க மறுசந்திப்புக்கு ஏற்பாடு செய்யுங்கள்.

³ ஜெபம், பல ஆட்களுக்கு அக்கறைக்குரிய பேச்சுப் பொருளாக இருப்பதால், பின்வருமாறு கேள்வி கேட்பதன்மூலம் அதைப் பற்றி கலந்து பேசுவதற்கு நீங்கள் விரும்பலாம்:

◼ “தற்கால வாழ்க்கையில் நாம் எதிர்ப்பட வேண்டியதாயுள்ள சவாலான எல்லா பிரச்சினைகளின் மத்தியில் ஜெபம் நமக்கு உண்மையான உதவியாயிருக்குமென்று நீங்கள் நினைக்கிறீர்களா? [பதிலுக்காகக் காத்திருங்கள்.] கடவுளிடம் ஜெபிப்பதன்மூலம் தாங்கள் அவரிடமாக நெருங்கியிருப்பதாயும் அவ்வாறு செய்வது தங்களுக்கு உள்ளார்ந்த பலத்தைத் தந்திருப்பதாயும் பலர் உணருகின்றனர். இதையே பைபிள் வாக்குக்கொடுக்கிறது. [அறிவு புத்தகத்தை 156-ம் பக்கத்துக்குத் திருப்பி, பிலிப்பியர் 4:6, 7-ஐ வாசியுங்கள்.] இருப்பினும், தன்னுடைய ஜெபங்கள் சிலசமயங்களில் பதிலளிக்கப்படாமல் போகின்றன என்று ஒருவர் உணரலாம். ‘கடவுளிடம் நீங்கள் எவ்வாறு நெருங்கிவரலாம்’ என்று இந்த அதிகாரம் விவரித்துக் கூறுகிறது. [புத்தகத்தை அளியுங்கள்.] கடவுளோடு பேச்சு பரிமாற்றம், ஒருவழி பேச்சல்ல, ஆதலால், கடவுளுக்கு நாம் எவ்வாறு செவிகொடுத்துக் கேட்கலாம் என்பதையும் இது விளக்குகிறது. அடுத்த தடவை நான் வரும்போது அதை நாம் கலந்துபேசலாம்.”

⁴ பைபிளுக்கு மதிப்புதரும் ஆட்களிடம் பேசும்போது, ஒரு படிப்பைத் தொடங்குவதற்கு நேரடியான அணுகுமுறையைப் பயன்படுத்த நீங்கள் முயற்சி செய்யலாம். உங்களுக்குப் பயன்படக்கூடிய ஒன்று இங்கே உள்ளது:

◼ “இலவச வீட்டு பைபிள் படிப்பு திட்டம் ஒன்றை நாங்கள் உங்களுக்கு அளிக்கிறோம். இதற்கு முன்பாக பைபிள் படிப்பு திட்டம் எதையாவது நீங்கள் மேற்கொண்டது உண்டா? [பதில் சொல்வதற்கு நேரம் அனுமதியுங்கள்.] நாங்கள் பயன்படுத்தும் படிப்பு உதவியை நான் உங்களுக்குக் காண்பிக்கிறேன்.” அறிவு புத்தகத்தைக் காட்டுங்கள், பொருளடக்கத்தை வீட்டுக்காரர் காணும்படி 3-ம் பக்கத்துக்குத் திருப்பி, “இந்த விஷயங்களைப் பற்றி பைபிள் என்ன சொல்கிறது என்று எப்போதாவது சிந்தித்திருக்கிறீர்களா?” என்று கேளுங்கள். வீட்டுக்காரர் அதிகப்படியான அக்கறையைக் காட்டும் அதிகாரத்துக்குத் திருப்பி, உபதலைப்புகளை வாசியுங்கள். நம்முடைய படிப்பு தொடர்முறையில், இந்தத் தகவலை கலந்தாலோசிப்பது எவ்வாறு என்பதைச் சுருக்கமாக நடப்பித்துக் காட்ட நீங்கள் விரும்புகிறீர்களென்று விளக்கிக் கூறுங்கள். ஒரு படிப்பைத் தொடங்கினாலும் அல்லது தொடங்காவிட்டாலும், புத்தகத்தை அளித்து, அதை வாசிக்குமாறு வீட்டுக்காரரை உற்சாகப்படுத்துங்கள்.

⁵ மெய்யான கடவுளைப் பற்றிய திருத்தமான அறிவை இன்று பேரெண்ணிக்கையான மக்கள் ஏற்று செயல்படுகின்றனர். (ஏசா. 2:2-4) யெகோவாவைப் பற்றி கற்று, ஜீவனுக்கு வழிநடத்தப்படும்படி நம்மால் கூடிய அத்தனைபேருக்கும் உதவி செய்வது நம்முடைய சிலாக்கியமாக உள்ளது.—1 தீ. 2:4.

ஜீவனுக்கு வழிநடத்துகிற அறிவை அடையும்படி மற்றவர்களுக்கு உதவிசெய்யுங்கள்

¹ “எல்லா வகையான மனிதரும் சத்தியத்தின் திருத்தமான அறிவைப் பெற வேண்டும் என்பது கடவுளுடைய சித்தம்” என்று அப்போஸ்தலன் பவுல் விளக்கினார். (1 தீ. 2:4, NW) அந்த அறிவை ஏற்க மற்றவர்களுக்கு நாம் எவ்வாறு உதவி செய்யலாம்? நித்திய ஜீவனுக்கு வழிநடத்துகிற அறிவு புத்தகத்தின் மூலமாக அக்கறை தூண்டப்பப்பட்டிருக்கிற ஆட்களிடம் மறுசந்திப்பு செய்வது ஒரு வழியாக இருக்கிறது. பைபிள் சத்தியத்தை இந்தப் பிரசுரம், தெளிவான, எளிதான, நன்றாய்த் தேர்ந்தெடுக்கப்பட்ட வார்த்தைகளில் கூறுகிறது. இதைப் படிப்பதன் மூலம் எல்லா வகையான ஆட்களும் ஜீவனுக்கு வழிநடத்தப்படலாம். இதை நம்முடன் படிப்பதற்கு மற்றவர்களை ஊக்கப்படுத்தும்படி நாம் என்ன சொல்லலாம்?

² நடைமுறையான வழிகாட்டி என்று பைபிளை நீங்கள் அறிமுகப்படுத்தினவர்களிடம், ஒரு படிப்பை ஏற்கச் செய்வதற்கு நீங்கள் திரும்பிச் சென்று இவ்வாறு சொல்லலாம்:

◼ “முன்பு நான் இங்கு வந்தபோது, பைபிளை நடைமுறைக்குரிய வழிகாட்டு மூல ஆதாரமாக நாம் ஏன் நம்பலாம் என்பதைக் கலந்தாலோசித்தோம். பைபிள் கடவுளால் ஏவப்பட்டெழுதப்பட்டதாக உரிமைபாராட்டுகிறது, மற்றும் அத்தகையதாக அது, அதன் எழுத்தாளர் ஒருவர்தாமே சொன்னபடி, ஆறுதலுக்கும் நம்பிக்கைக்கும் ஊற்றுமூலமாக உள்ளது. [ரோமர் 15:4-ஐ வாசியுங்கள்.] பைபிளில் அடங்கியுள்ள அறிவிலிருந்து நாம்தாமே தனிப்பட்ட முறையில் எவ்வாறு பயனடையலாம் என்ற கேள்வியை, நம்முடைய முந்தைய உரையாடலின் முடிவின்போது நான் எழுப்பினேன்.” அறிவு புத்தகத்தில் 11-ம் பக்கத்திலுள்ள பத்தி 18-ஐ வாசியுங்கள். யெகோவாவின் சாட்சிகள் உலகமெங்கும் ஏறக்குறைய ஐம்பது லட்சம் பைபிள் படிப்புகளை நடத்தி, நித்திய ஜீவனுக்கு வழிநடத்துகிற அறிவை அடையும்படி எல்லா இடங்களிலுமுள்ள ஆட்களுக்கு உதவிசெய்கிறார்கள் என்பதைக் குறிப்பிட்டுக் காட்டுங்கள். அதிகாரம் 1-ல் முதல் ஐந்து பத்திகளைப் பயன்படுத்தி, ஒரு படிப்பு எவ்வாறு நடத்தப்படுகிறது என்பதை சுருக்கமாய் நடித்துக் காட்டுங்கள்.

³ தொடக்கத்தில் நீங்கள் ஒருவரோடு கலந்துபேசின விஷயம் ஜெபம் என்றால், ஒரு படிப்பைத் தொடங்க முயற்சி செய்வதில் இந்த அணுகுமுறையை நீங்கள் பயன்படுத்திப் பார்க்கலாம்:

◼ “நித்திய ஜீவனுக்கு வழிநடத்துகிற அறிவு புத்தகத்திலிருந்து நாம் கலந்தாராய்ந்த, ஜெபத்தைப்பற்றிய தகவலை நீங்கள் மகிழ்ந்தனுபவித்தீர்கள் என்று நம்புகிறேன். நான் திரும்ப வந்து, கடவுளிடம் ஜெபிப்போர், தங்கள் முறையாக அவருக்குச் செவிகொடுப்பது எவ்வாறு என்பதை உங்களுடன் கலந்தாலோசிப்பதாகச் சொன்னேன். 158-ம் பக்கத்தில் என்ன சொல்லியிருக்கிறது என்பதைக் கவனியுங்கள். [பத்தி 18-ஐ வாசியுங்கள்.] இவ்வாறு, நாமே பைபிளைப் படிப்பதன் மூலம், கடவுள் நமக்குச் சொல்லவிருப்பதற்குச் செவிகொடுத்துக் கேட்கிறோம். அதைச் செய்வது நம்மை அவரிடமாக இன்னும் நெருங்கும்படி இழுத்து, நாம் குறிப்பிட்டு ஜெபிக்கும் அன்றாட பிரச்சினைகளைக் கையாள நமக்கு உதவி செய்கிறது. பைபிளை உங்களுடன் படிப்பதில் நான் மகிழ்ச்சியடைவேன்.” அந்த நபர் மனமுள்ளவராக இருந்தால், அறிவு புத்தகத்தின் முதல் அதிகாரத்துடன் தொடங்குங்கள்.

⁴ ஒரு படிப்பைத் தொடங்குவதற்கு நேர்முக அணுகுமுறையை நீங்கள் பயன்படுத்தியிருந்தால், முதலில் கலந்து பேசினதைத் தொடர்ந்து விரிவாக்குவதற்கு இதை நீங்கள் சொல்லலாம்:

◼ “உங்களை மறுபடியும் சந்திப்பதற்கு விசேஷித்த முயற்சி எடுத்தேன், ஏனெனில் எங்கள் இலவச பைபிள் படிப்பு திட்டத்தைப் பற்றி உங்களுக்கு மேலுமதிகம் சொல்வதற்கு விரும்பினேன். நித்திய ஜீவனுக்கு வழிநடத்துகிற அறிவு என்ற இந்தப் புத்தகத்தின் ஒரு பிரதியை நான் உங்களிடம் விட்டுச் சென்றேன்; படிப்புக்குரிய உதவிப் புத்தகமாக இதையே நாங்கள் பயன்படுத்துகிறோம். கடவுளுடைய வார்த்தையை ஆலோசிப்பதற்கு இது எவ்வாறு ஊக்கமளிக்கிறது என்பதைக் கவனியுங்கள். [பக்கம் 22-ல் பத்தி 23-ஐ வாசியுங்கள்.] உங்கள் பிரதியாக இந்தப் புத்தகத்தை தயவுசெய்து நீங்கள் ஏற்றுக்கொண்டால், கடைசியாக நாம் விட்டதிலிருந்து தொடர்ந்து படிக்கலாம்.” முதல் சந்திப்பில் படிப்பைத் தொடங்கியிராவிட்டால், நீங்கள் இவ்வாறு சொல்லலாம்: “பைபிளை நாங்கள் எவ்வாறு படிக்கிறோம் என்பதை நான் நடித்துக்காட்ட இது நல்ல நேரமாக இருக்கலாம்.” சில பத்திகளை சிந்தித்தப் பிறகு, அடுத்த படிப்புக்காகத் திரும்பி வருவதற்கு திட்டமான ஒரு நேரத்தை ஏற்பாடு செய்யுங்கள்.

⁵ அறிவு புத்தகத்தை பயன்தரத்தக்க முறையில் உபயோகிப்பது, மற்றவர்களுக்கு ஆசீர்வாதமுண்டாக, திருத்தமான அறிவைப் பரவச் செய்வதை நமக்குச் சாத்தியமாக்கும். (நீதி. 15:7) நேர்மை இருதயமுள்ளோருக்கு, அப்படிப்பட்ட அறிவு மகிழ்ச்சியைக் கொண்டுவரும்; மேலும் யெகோவாவின் நீதிக்கு இசைவாக வாழ அவர்களுக்கு இது வல்லமைவாய்ந்த தூண்டுவிசையாக இருந்து, முடிவில் நித்திய ஜீவனுக்கு வழிநடத்தும்.