Alué Biblia nígame ju Onorúgame raʼíchala

Jeobá nejí ye líburu ramué ʼwe najtékame ju: alué Biblia nígame ju 66 líburu. Kerékó mué rukéliame ju: «¿Koche maʼchina alué Biblia? ¿Chieri netele?». Nejériame ye rukériame, eʼnewa churigá ʼwe nirárime ju Onorúgame raʼíchala jipe rawé.

1. Alué Biblia osale bilé rió, ¿chonigá aniame ju Onorúgame netele?

40 rió—seʼwinátiri nóchame nile—osale alué Biblia. Chojkile osá ʼlige bamí 1513 ʼwe ʼya ramué ye bamí, suwánale osá ʼlige bamí 98 ramué ye bamí. Simírile 1600 bamí osá. Tabilé najkúrigame ju raʼíchali. ¿Chonigá alarigá ju? Onorúgame netele (leériwa 1 Tesalonicenses 2:13). Ye rió tabilé osale napu aʼboi najkí, alué «Onorúgame aʼwalila ʼsile guʼiria napurigá ʼla semáriga ruwimela» (2 Pedro 1:21, TNM).a Onorúgame unele boʼné aʼwalila apirigá alué rió osimela nile napu boʼné Onorúgame ʼnata (2 Timoteo 3:16).

2. ¿Chieri nígame ju ye Biblia?

Suwábaga ralámuli napu ekí mochí jena wijchimoba, alué «napu iʼwani raʼíchali nígame ju aʼpílipi chojkégame» suwábaga akemela ju ʼwe aʼlá raʼíchali alué Biblia uchúkame (leériwa Apocalipsis 14:6). Onorúgame netele apirigá uchúkame nímala weʼkaná raʼíchali. Alué Biblia ju bilé líburu netériame ju weʼkaná raʼíchali, tabilé nerú uchechi bilé líburu napurigá ye. Amulí suwábaga ralámuli machí napu aní alué Biblia, rekó koche bejtégame ju ʼlige napu tachiri raʼíchame ju mué.

3. ¿Churigá repule Jeobá alué Biblia?

Alué Biblia oserúgame nile bilena ʼwe yati chiwame. Aminami unériame nile bilé apeli kabítigame apu nile ajágame wijchila abiena unele rojá saʼwala rewégame papiro. ʼLige alué ralámuli ʼwe galeme alué Biblia netele weʼká copia sekálate aminami ʼwe naʼtemaka. Rekó weʼká ralámuli enátiri cha nokame suwánali alué oselí, uché jaré ralámuli ʼwe repule rekó meʼliame nile. Jeobá tabilé ʼwesi aʼrémala ju apirigá ramué si raʼichámala. Alué Biblia anime ju: «Onorúgame raʼíchali nabí nímala» (Isaías 40:8).

ABÉ BENIBOA

4. Alué Biblia anime ju chieri osale

Eʼnewa alué VIDEO. ʼLige leériwa 2 Timoteo 3:16 ʼlige raʼichawa ye:

VIDEO: ¿Ichka newale alué Biblia? (uʼteli) (2:48)

• Alué Biblia osale alué ralámuli, ¿chonigá anime ju Onorúgame Raʼíchali ju?

• ¿ʼLa bijchiá ju Onorúgame náule boʼné ʼnátali moʼólachi alué ralámuli apirigá osimela?

5. Alué Biblia abiena ajtí rekó suwánali

VIDEO: Aʼboi ʼwe ʼla niraga etele alué Biblia (uʼteli William Tyndale) (6:17)

• Mué ʼma machí jaré ralámuli ʼwe aʼlá repule alué Biblia ʼlige meʼlínale ju, ¿uché rajpé leérimala najkí mué alué Biblia? ¿Chonigá?

Leériwa Salmo 119:97 ʼlige raʼichawa ye:

• ¿Chonigá weʼká ralámuli mukule osá alué Biblia uchechi bilé raʼíchali apirigá uché jaré nígame nímala?

6. Bilé líburu nígame nímala suwábaga ralámuli

Bilé líburu weʼká nerúgame ju alué Biblia ʼlige oserúgame ju weʼkaná raʼíchali. Leériwa Hechos 10:34, 35 ʼlige raʼichawa ye:

• ¿Chonigá najkí Onorúgame boʼné Raʼíchali weʼkaná raʼíchali nímala, weʼkaná kachi asimela?

• ¿Tachiri ʼwe niraga eté mué alué Biblia?

ABÉ NAJTÉKAME

Alué Biblia ju Onorúgame Raʼíchali, ʼlige boʼné náume ju alué ralámuli apirigá nígame nímala alué Biblia.

Api mué ʼma benile

• ¿Churigá netele Onorúgame alué ralámuli apirigá osimela alué Biblia?

• ¿Tachiri ʼnata mué napu alué ralámuli ʼma suwánali alué Biblia? ¿Mué tachiri ʼnata alué Biblia weʼkaná raʼíchali oʼkágame ju ʼma ʼlige suwábaga ralámuli nígame ju ʼma?

• ¿Chu nili mué Jeobá ʼwe aʼlá repule alué Biblia apirigá mué si raʼíchali?

UCHÉ RAJPÉ ʼYÁAWA

Benimela chu ikile alué Biblia: alué bajchá oserúgame aminá nuebo apeli.

«Churigá sébale ramué alué Biblia» (¡Despertad!, noviembre de 2007)

Leériwa churigá alué Biblia abiena ajtí jipe rekó baikiá tábiri suwánali.

«Chu ikile apirigá alué Biblia abijí nerú jipe» (La Atalaya, núm. 4 2016)

Eʼnewa tachiri tábiri resítiri simírale jaré ralámuli napuʼlige osálichi alué Biblia uché jaré raʼíchali.

Aʼboi ʼwe ʼla niraga etele alué Biblia (14:26)

Nerú weʼká copia Bíbliaka ʼlige weʼká Biblia oserúgame ju seʼwinátiri raʼíchali. ¿Churigá mué ʼla machí Onorúgame raʼichálila tabilé nakulígame ju?

«¿ʼLa nakulígame ju alué Biblia?» (Artículo de jw.org)