LECCIONI 57
¿Chu ikimela ju ne eʼkasa?
Rekó mué asíriga ʼwe galé Jeobá ʼlige wériga nóchame mué apirigá tabilé ʼsímala tábiri napu Jeobá tabilé galé, iʼsínimi cha ʼsímala mué, nobi jaré eʼkali asíriga ʼwe chátiri ju (1 Corintios 6:9, 10). Néléwa, mué ʼwe chátiri ʼsísaká, Jeobá abijí ʼwe galeme ju mué ʼlige boʼné eʼkánali ʼlige guʼírnali mué.
1. ¿Cho nokiboli ju apirigá Jeobá eʼkámala ramué?
Alué ralámuli napu ʼla galeme Jeobá, ʼwe seweka mochí napuʼlige namsa ʼwe cha nokisá. Jeobá oilárime ju aʼboi alué raʼíchalite napu boʼné anele boʼné puéblola: «Rekó ʼeme eʼkágame ju sejtákame apirigá eskarlata, gainámala rosákame apirigá bilé gepá» (Isaías 1:18). Napuʼlige ramué ʼwe seweka mochisa napugiti chibi nokale, Jeobá ʼla eʼkámala. Nobi, abiena aʼrémili ju cha noká ʼlige aʼkuepi tania Jeobá apirigá eʼkámala. ʼWe iwériga nocha chigó apirigá ku aʼlá naʼtámala ʼlige yaʼmá tabilé netea alué uʼtá tábiri apirigá oʼtobárime nile ramué apirigá eʼkámala ʼlige eʼwá ʼwe ʼla biʼígame rejcholi napu Jeobá nulá (leériwa Isaías 55:6, 7).
2. Napu ramué eʼkasa, ¿churigá Jeobá nejkuri unegá alué bajchá jágame?
Napu ramué eʼkasa ʼwe chátiri, Jeobá aní ramué apirigá bayémili júkuru «alué eʼwélala Onorúgame oyérame nuleme» (leériwa Santiago 5:14, 15). Ye riótiri, chaʼpirúgame Onorúgame aʼwalílate, ʼwe galeme ju Jeobá ʼlige ʼwe galeme ju alué Onorúgame oyérame. Aʼboi ʼwe ʼla machime ju churigá nejkuri ramué apirigá uchéchigo Onorúgame amígola niwa (Gálatas 6:1).
¿Churigá guʼiri alué bajchá jágame napu ramué bilé tábiri ʼwe chátiri nokisá? Oká o baikiá bajchá jágame guʼírimala ramué alué Biblia unegá apirigá námala chonigá ʼwe chátiri ju napu ramué nokale. Abiena rejcholi nejímala ʼlige oilárimala apirigá tabilé uchéchigo ʼwe chátiri nokiboa. Alué bajchá jágame alé kongregacionchi maʼchí pámala alué ralámuli napu chátiri netéasa ʼlige tabilé aʼré netea, arigá repútiame nímala ujché jaré ermano.
ABÉ BENIBOA
Abé ʼla nauwa ʼlige ʼwe aʼlá niraga etewa napu Jeobá neteme ju apirigá guʼírimala ramué napu ramué netéasa tábiri ʼwe chátiri.
3. Ramue raʼichasa ramué eʼkáriame ʼliko guʼiri ʼwe aʼlá mochiwa
Apiépiri eʼkali napu ramue netériame ju ʼwe okome ju Jeobá, alekeri ramué raʼichámala ju Jeobá si. Leériwa Salmo 32:1-5 ʼlige raʼichawa ye:
¿Chonigá ʼwe aʼlá ju api ramué raʼichawa Jeobá si napu ramué ʼwe chátiri netéasa?
Napu ramué raʼichasa Jeobá si abienachigó ʼyáawa alué bajchá jágame alé kongregacionchi apirigá guʼírimala ramué, arigá ʼwe ganíliga mochímala. Eʼnewa alué VIDEO ʼlige raʼichawa ye:
Alé vidéochi, ¿churigá guʼírale alué bajchá jágame alué Canon anilime apirigá ku roʼímala Jeobá si?
ʼWe najtékame ju api ramué bijchiá raʼichámala alué bajchá jágame alé kongregacionchi si; aʼboi mochí alé apirigá ramué guʼírimala. Leériwa Santiago 5:16 ʼlige raʼichawa ye:
¿Chonigá alué bajchá jágame alé kongregacionchi abé ʼla guʼírimala napu ramué ʼla raʼichasa aʼboi si ʼla bijchiá raʼíchiga?
Raʼichawa Jeobá si, ruyewa bijchiá alué bajchá jágame alé kongregacionchi ʼlige narewa guʼírali api Jeobá nejí napugiti ʼwe galeme mué.
4. Jeobá ’we na’temame ju alué ralámuli cha nokame
Bilé ralámuli netéasa tábiri ʼwe chátiri tabilé najkisá eʼwániga alué nulalí Jeobá, yaʼmá tabilé asimela ju alé kongregacionchi. ʼLiko machí pátiame nímala. Tabilé napuítiame ju boʼné ʼyuga, tabiléchigo go’meli ju alué tabilé e’wame ralámuli ’yuga. Leériwa 1 Corintios 5:6, 11, TNM, ʼlige raʼichawa ye:
Napurigá alué kawali gayéname ju alué parsi, ¿tachiri simíramala ramué netéasa tábiri bilé ralámuli si tabilé aʼreme netea alué tábiri chátiri?
Achigórigá Jeobá ’we na’temame ju alué ralámuli napu netele ’we chátiri, alué bajchá jágame gu’iro alué api ma’chí pátiame alé kongregasionchi. Rekó ʼwe okóliame nile maʼchí pátiame nisa, ye guʼírale apirigá námala aʼboi netele ʼwe chátiri nile (Salmo 141: 5).
¿Churigá etériame ju napu Jeobá gu’iro alué cha nokame napu alueka ’we ’la ’nátame, na’temame ’lige galériame ju?
5. Jeobá eʼkame ju ramué napu ramué ʼwe sewékame mochisa napu ʼwe chátiri nokisá
Esusi benírile bilé tétali ramué guʼiri namia chu nílime ju Jeobá napu bilé ralámuli ʼwe sewékame mochisa napu ʼwe chátiri olasa. Leériwa Lucas 15:1-7 ʼlige raʼichawa ye:
¿Tachiri beniri ramué ye tétali chieti ju Jeobá?
Leériwa Ezequiel 33:11 ʼlige raʼichawa ye:
¿Cho nokiboli ju apirigá machíriwa ramué ʼwe sewékame mochiru cha nokisá?
Jeobá ju napurigá bilé boʼelo, ʼwe najkí alué boʼala.
JARÉ RALÁMULI ANÍ: «Ne majame ju raʼicha alué bajchá jágame si. Ne ruyésaká api ne ʼsile, maʼchí pátiame nímala».
¿Tachiri animela ju mué bilé ralámuli arigá ʼnátisa ju?
ABÉ NAJTÉKAME
Napuʼlige ʼwe chátiri nokisá nobi ʼwe sewékame mochiru ʼlige wériga nóchame ju apirigá tabilé ku netémala alué chátiri, Jeobá eʼkámala ramué.
Api mué ʼma benile
¿Chonigá ʼwe aʼlá nejkuri ramué raʼichasa Jeobá si napu ramué seʼwiná nokisá?
¿Cho nokiboli ju apirigá Jeobá eʼkámala ramué?
Napu ramué ʼwe chátiri nokisá, ¿chonigá ʼyáamili ju alué bajchá jágame alé kongregacionchi apirigá nejkúrimala?
UCHÉ RAJPÉ ʼYÁAWA
Eʼnewa churigá Jeobá ʼwe naʼtemale bilé rió, arigá napurigá aní Isaías 1:18.
¿Churigá gu’iro alué bajchá jágame alué napu ’we chátiri netele?
Beníriwa churigá galériame ’lige na’temame etériame ju alué cha nokame ’lige tabilé a’rewa netea ’we chátiri.
«Churigá gu’íriame ju napu ma’chí pátiame ju alé kongregacionchi» (La Atalaya, agosto de 2024)
Alé tétali anilime «Ne ku roʼínale Jeobá si» beníriwa churigá bilé rió ʼnátale churigá Jeobá boʼné ku aʼpale alué bijchiá.
«Alué Biblia guʼírile apirigá seʼwinátiri niwa» (La Atalaya, 1 de abril 1 de 2012)