LECCIONI 13
Alué relijioni tabilé bijchiá ju cha anime napu Onorúgame ju
ʼLa Onorúgame galeme ju ʼlige alué relijioni aní napu noká api Onorúgame nulá, ¿chonigá neteme tábiri ʼwe chátiri? Napugiti tabilé bijchiá ju. Alué ʼyégame ʼlige suwábaga tábiri chátiri napu noká cha anime Onorúgame ju. ¿Churigá nokame ju? ¿Chu níliame ju Onorúgame? ¿Chu ʼsímala boʼné?
1. ¿Churigá cha anime Onorúgame napu aʼboi beníriame si?
Alué relijioni tabilé bijchiá ju tabilé bijchigi «napu aní Onorúgame, pe ʼwe ʼla bijchígime ju alué ʼyégali» (Romanos 1:25). Weʼká relijioni tabilé beníriame ju alué ralámuli napu ju Onorúgame rewalá. Napu ju alué Biblia aní unewa Onorúgame rewalá (Romanos 10:13, 14, TNM). Jaré balé aní tábiri ʼwe chátiri simírachi anime ju Onorúgame najkí alarigá. Ye ʼyégame ju. Tabilé siné boʼné chojkila ju alué tábiri chátiri simírachi (leériwa Santiago 1:13). ʼWe resítiri ju ye, alué ʼyégame si alué ralámuli tabilé machinali Onorúgame.
2. ¿Churigá cha anime napu Onorúgame napu aʼboi chátiri nokame ju?
Alué relijioni tabilé bijchiá ju tabilé neraga alué ralámuli napurigá Jeobá. Alué Biblia aní napu «ʼwe cha nokame ʼwe waʼlú ju ʼpa rewagachi si seba» (Apocalipsis 18:5, TNM). Alué relijioni weʼká bamí bajkime ju napu ju político, nejkúrime ju alué najkóliame ʼlige chojkila ju weʼka ralámuli suwílame. Jaré balé nígame ju weʼká tábiri ʼwe najteme aminami aní alué ralámuli ʼyámili boʼné enomí apirigá nígame mochígame alué tábiri. Ye tábiri chátiri napu neteme ju etériame boʼné tabilé machime ju Onorúgame. ʼLiko ¿churigá aní oyérame Onorúgame ju? (Leériwa 1 Juan 4:8).
3. ¿Chu níliame Onorúgame napu eté napu neteme ju alué relijioni tabilé bijchiá ju?
ʼLa mué etea ayome ju napu neteme ju alué relijioni tabilé bijchiá ju, ¡naʼtawa chu níliame ju Jeobá! Alué ʼwe galeme ralámuli, nobi ʼwe ayome ju alué balé si napu cha anime boʼné ʼlige cha olame alué ralámuli napu najátame ju. Onorúgame aní alué relijioni tabilé bijchiá ju gajunárime nímala ʼlige «ʼma tabilé siné uché jamio» (Apocalipsis 18:21). Pe ʼwe ʼyati suwibámala suwábaga relijioni tabilé bijchiá ju (Apocalipsis 18:8).
ABÉ BENIBOA
Eʼnewa ujché rajpé napu tachiri ʼnata Jeobá alué relijioni tabilé bijchiá ju. Abiena eʼnewa ujché rajpé alué relijioni ʼma nokale. ʼMa nujubapi beniboa, rekó cha nokame ju mué tabilé aʼrémala beniá ujché rajpé Jeobá.
4. Onorúgame tabilé galé suwábaga relijioni
Weʼká ralámuli mayé alué relijioni ju seʼwinátiri alué bowé napu oʼtome ju Onorúgame. ¿ʼLa bijchiá ju ye? Leériwa Mateo 7:13, 14, TNM, ʼlige raʼichawa ye:
Napu aní alué Biblia, ¿churigá ju alué bowechi napu oʼtó napu nabí ejperélima?
Eʼnewa alué VIDEO ʼLige raʼichawa ye:
¿Beniri alué Biblia napu Onorúgame galé weʼká relijioni?
5. Alué relijioni tabilé bijchiá ju tabilé galega napurigá Onorúgame
Alué relijioni cha anime Onorúgame weʼsá tábiri, bilé tábiri ʼwe chátiri ju alué ʼwe guʼíriga mochí alué najkólime. Apirigá machiboa, eʼnewa alué VIDEO. ʼLige raʼichawa ye:
¿Tachiri netele alué reʼobachi napu ju Osá Najkóliame Bochígime Gawichí?
¿Tachiri mué ʼnata napu aʼboi netele?
Leériwa Juan 13:34, 35 ʼlige 17:16. ʼLige raʼichawa ye:
¿Chu níliame ju Jeobá napu alué relijioni nejkúrime napu ju najkóliame?
Alué relijioni tabilé bijchiá ju chojkila ju weʼká chátiri simíriami, tabilé benírame ju napu Onorúgame galériame ju. ¿Tachiri tábiri eté mué alarigá ju?
Alué relijioni tabilé bijchiá ju tabilé etériame ju galériame napu ju Onorúgame.
6. Onorúgame guʼírnale alué ralámuli apirigá buyánamala alué relijioni tabilé bijchiá ju
Leériwa Apocalipsis 18:4a ʼlige raʼichawa ye:
Onorúgame guʼírnale alué ralámuli napu ʼyégame raʼicháriame alué relijioni tabilé bijchiá ju gite. ¿Tachiri mué ʼnata ye?
7. Tabilé aʼrewa beniá alué Onorúgame bijchiá
¿ʼWe aʼlá ju mué chátiri naʼtáriwa Onorúgame napu netériame ju alué relijioni tabilé bijchiá ju? Mué ʼnata bilé inolá tabilé ʼnátame ju alué ʼwe aʼlá rejcholi napu alué oʼnola ʼyale, simime ju napu oʼnola galila ʼlige tabilé ʼwe aʼlá bejtégame ju. Alué oʼnola tabilé ʼwe aʼlá eté napu inolá neté. ¿ʼWe aʼlá ju aniá oʼnola chojkila ju napu neteme alué inolá?
¿ʼWe aʼlá ju aniá Onorúgame chojkila ju napu neteme alué relijioni tabilé bijchiá ju ʼlige aʼréliwa beniá ujché rajpé boʼné?
JARÉ RALÁMULI ANÍ: «Ne tabilé machinale Onorúgame; alué relijioni netele weʼká tábiri chátiri».
¿ʼNata mué alieri?
¿Chonigá tabilé naʼtawa ʼwe chátiri Jeobá napu neteme alué relijioni tabilé bijchiá ju?
ABÉ NAJTÉKAME
Alué relijioni tabilé bijchiá ju cha anime Onorúgame rewalá alué beníriame tabilé bijchiá si ʼlige aʼboi chátiri nokame. ʼWe ʼyati Onorúgame suwibámala alué.
Api mué ʼma benile
¿Tachiri ʼnata mué napu netele ʼlige beníriame alué relijioni tabilé bijchiá ju?
¿Tachiri ʼnata Jeobá alué relijioni tabilé bijchiá ju?
¿Tachiri ʼsímala Onorúgame alué relijioni tabilé bijchiá ju?
UCHÉ RAJPÉ ʼYÁAWA
Amulí weʼká relijioni tabilé galé Onorúgame ye oká tábiri gite. Eʼnewa chieri ju.
«¿Suwábaga relijioni guʼiri ramué aʼbeka mochiru Onorúgame si?» (Artículo de jw.org)
¿Chonigá najkí Jeobá napurigá niráliwa apirigá napuíka, tabilé ramué ʼoni?
«¿ʼWe aʼlá ju apirigá mochíriwa bilé relijioni?» (Artículo de jw.org)
Bilé balé weʼká rukélime nile napu ju boʼné relijioni. Abiena umébale beniá napu ju bijchiá Onorúgame.
«Bilé balé aʼrele napu ju Reʼobá» (¡Despertad!, febrero de 2015)
Weʼká bamí, alué relijioni aní ʼyégame alué Onorúgame ʼlige alué ralámuli mayé tabilé galé ralámuli ʼlige ʼwe chátiri ju. Machimela churigá chojkile ye baikiá ʼyégame.
«Alué ʼyégame aminacho aʼrérigame ju Onorúgame» (La Atalaya, 1 de noviembre de 2013)
a Alué líburu Apocalipsis aní alué relijioni tabilé bijchiá ju napurigá bilé mukí ju «Babilonia la Grande» anilime. Apirigá machí chonigá, eʼnewa alé jena aní 1.