LECCIONI 45
¿Tachiri ju apirigá tabilé einawa napu ju tábiri napu nerú gawichí?
Esusi benírale napu ju boʼné oyérame tabilé oyérame ju alué chátiri ʼnátili napu nerú jena gawichí (Juan 15:19). Ye aniame ju apirigá tabilé einawa napu ju tábiri napu nerú jena gawichí, napurigá alué polítika ʼlige alué najkóliame. Ye ʼwe nóchali ju apirigá arigá niwa. Jaré ralámuli achimela ramué etega. ¿Tachiri nejkuri apirigá tabilé einawa napu ju tábiri napu nerú gawichí ʼlige eʼwagá Jeobá?
1. ¿Churigá eteme ju alué kristiano ʼla bijchiá napu ju alué gobierno?
Alué kristiano ʼla niraga eteme ju alué eʼsélikame nulame. Esusi anile: «Napu alué Waʼlula Sésar nila ju, alueka alué Waʼlula Sésar ʼyáwaguru». ʼLige ramué ju alarigá netériame: eʼwame ju napu nulériame nerú alé país, napurigá napu tániwa nisa alué enomí napu najtétilime ju nabí bamí (Marcos 12:17). Alué Biblia beníriame ju alué ralámuli nulame jena wijchimóbachi napugiti Jeobá ʼyárime ju lisensia (Romanos 13:1). Alekeri, rekó machiaru aʼboi nulame ju, tabilé waʼlula ju meʼtigá Onorúgame. ʼWe aʼlá machiaru, ramué Onorúgame ʼlige boʼné Gobiérnola rewagachi ajtígame, gatémala alué tábiri chátiri napu nerú jena gawichí.
2. ¿Churigá etériame ju napu ramué tabilé eʼyéname ju napu ju alué tábiri napu nerú jena gawichí?
Apirigá Esusi, ramué tabilé eʼyéname ju alé polítika. Napuʼlige alué ralámuli etele bilé tábiri ʼwe semátiri napu Esusi ʼsile alué Onorúgame aʼwalílate ʼlige aʼboi najkile apirigá selígame nímala jena gawichí, boʼné tabilé najkile. (Juan 6:15). ¿Chonigá tabilé? Boʼné anile abé iʼlibeko: «Napu ne nulame ju, tabilé jena wijchimoba ju» (Juan 18:36). Napu niru Esusi oyérame etériame ju weʼsá kachi apirigá tabilé eʼyéname niru napu ju alué tábiri napu nerú gawichí. Alarigá, ramué tabilé simime ju alé najkóliame (leériwa Miqueas 4:3). Rekó ʼla niraga eteme ju alué símbolo nígame ju alué país —apirigá alué bandera—, nobi ramué tabilé niraga eteme ju apirigá churigá etériame ju alué Onorúgame (1 Juan 5:21). ʼLige ramué tabilé guʼíriame tabilé ʼwesi partido polítiko nibilé alué reʼeme apirigá selígame nímala ʼlige tabilé aʼboi saíla ju ramué. ʼLige napu ye netega ʼlige ujché jaré kachi etériame ju apirigá ramué ʼwe ʼla eʼwame ju alué Onorúgame Gobiérnola, alué Gobierno napu boʼné ʼma ajchale.
ABÉ BENIBOA
Eʼnewa chiéniko ʼwe nóchali ju tabilé einawa napu ju alué tábiri napu nerú jena gawichí ʼlige churigá mué ʼwe aʼlá naʼtámala apirigá ʼwe ʼla raʼsáláwa Jeobá.
3. Alué kristiano ʼla bijchiá tabilé eʼyéname ju alué tábiri napu nerú gawichí
Napu Esusi ʼlige boʼné oyérame netele, beníriame ju ramué napu ramué netémala. Leériwa Romanos 13:1, 5-7 ʼlige 1 Pedro 2:13, 14. ʼLige eʼnewa alué VIDEO ʼlige raʼichawa ye:
¿Chonigá ʼla niraga etewa alué napu nulame eʼwélala?
¿Churigá kachi napu ramué eʼwame ju alué eʼwélala?
Napuʼlige nerú najkóliame, jarena país aniárime ju apirigá aʼboi tabilé eʼyéname ju alé najkóliame, nobi aʼlá guʼíriame ju alué país najkoga uchúkame ju. ¿Aʼlá bijchiá ju tabilé eʼyéname ju alué tábiri napu nerú jena gawichí? Leériwa Juan 17:16. ʼLige eʼnewa alué VIDEO ʼlige raʼichawa ye:
¿Tachiri ju apirigá tabilé einawa napu ju tábiri napu nerú gawichí?
Iʼsínimi alué eʼwélala nulame tánime ju tábiri apirigá netewa api Jeobá tabilé galeme ju. ¿Tachiri nokiboa aʼlige? Leériwa Hechos 5:28, 29. ʼLige eʼnewa alué VIDEO ʼlige raʼichawa ye:
Napu nerusa alué ralámuli nulalila saíla ju Onorúgame nulalila, ¿chieri alué oká eʼwawa?
Naʼtawa ¿Tachiri tábiri tánisa alué nulame alué kristiano tabilé eʼwámala?
4. Tabilé naʼtawa nibilé netewa alué tábiri napu nerú jena gawichí
Leériwa 1 Juan 5:21, TNM. ʼLige eʼnewa alué VIDEO ʼlige raʼichawa ye:
¿Chonigá alué rió Ayenge tabilé asinale bilena partido polítiko nibilé omawa alué piesta napu neteme ju alué país, napu repóriga alué bandera?
¿Mayé mué alué rió ʼwe aʼlá ʼnátale?
¿Chiéniko abiena ʼwe nóchali ju tabilé einawa napu ju alué tábiri napu nerú jena gawichí? eʼnewa alué VIDEO ʼlige raʼichawa ye:
¿Churigá tabilé einawa alué tábiri napu nerú jena gawichí napu ramué etesa alué reʼeme mochígame seʼwinátiri país reʼeme ju saílaga aʼbopi?
¿Churigá tabilé einawa napu ju tábiri napu nerú jena gawichí napu alué polítiko netesa tábiri ʼwe aʼlá ʼlige tabilé ʼwe aʼlá nejkúrisa?
Napu ramué akéasa nisa alé notisia o ramué gompaniérola si, ¿guʼírimala ramué apirigá tabilé einawa napu ju alué tábiri napu nerú jena gawichí?
¿Chiéniko etériame ju bilé kristiano apirigá tabilé eʼyéname ju napu ju alué tábiri napu nerú jena gawichí napu boʼné ’nátame ju ʼlige neteme ju?
JARÉ RALÁMULI RUKÉ: «¿Chonigá tabilé repóriame ju mué alué bandera tabiléchigo wikarame ju mué alué himno nacional?».
¿Tachiri nejémala mué?
ABÉ NAJTÉKAME
Alué kristiano wériga nóchame ju apirigá tabilé einawa alé polítika, ʼlige etériame ju napu aʼboi ʼnátame ju ʼlige napu aʼboi raʼíchame ju ʼlige aminami napu aʼboi neteme ju.
Api mué ʼma benile
¿Tachiri ʼyawa ramué alué gobierno?
¿Chonigá tabilé eʼyéname ju alé polítika?
¿Chiéniko ʼwe nóchali ju tabilé einawa napu ju alué tábiri napu nerú jena gawichí?
UCHÉ RAJPÉ ʼYÁAWA
¿Tachiri tábiri ʼwe resí níliame simíriame ju apirigá tabilé einawa napu ju tábiri napu nerú jena gawichí?
¿Churigá raʼichámala alué oʼnola aʼboi ʼkúchila si apirigá aʼboi tabilé einámala napu ju alué tábiri napu nerú jena gawichí napu aʼlige simirsa?
Weʼká ralámuli mayeme ju napu nemiga aʼboi país abé nirárime ju, ¿ʼla bijchiá ju?
¿Churigá etériame ju ramué tabilé eʼyéname ju napu ju alué tábiri napu nerú jena gawichí napu naʼtasa napu ju nóchali?