Kunti kyakitika aza masaanzo akapue kisinka busiku bumo?

BIBILIA YA LAANDA EEVI

“Leeza . . . waakabakuusa mensozi abo kabili tekukaba lufu (nfua), tekukaba malilo, kuloosia ni kuema. Bia kale bionse biakaloba [biakapua].”​—Nfyulo 21:3, 4, Nouveau Testament en langue Taabua.

KUZUMINA EVIO KUUNTI KUA KUKUASIA SIANI?

Uli kumana kisiinka nangue te Leeza uleengele masaanzo atuli nao.​—Yakobo 1:13.

Uli kupata maka paantu uli kumana vili via iunvua Yehova Leeza musita wali watumona tuaponenua na masaanzo.—Zekaria 2:8.

Uli kusuapila nangue masaanzo oonse akaba kupua.—Malumbo 37:9-11.

KUUNTI TUAZUMINA BEBIO BIALAANDA BIBILIA?

Een, pa nsaambu ibili eevi:

• Leeza ali wasuula masaanzo ni kubula kua nsaambu. Mona via iunvuile Yehova Leeza musita baantu bakue ba kale lubaali basansua na baantu baange. Bibilia ya laanda nangue Leeza waunvuile misa palua babo baantu babanga babasaansa baantu bakue.​—Bapinguzi 2:18.

  Leeza ali wasuula saana balia bali basaansa bange. Kia kumuenako ni keeki, Bibilia ya laanda nangue minue “yaitila milopa ya baantu basili na bubifi,” Leeza waisuula kakiine.—Tusualo ni Mafunde 6:16, 17.

• Leeza atupozeleko maano. Ni Yehova sie bunke amanine buino-buino masaanzo ni misa ya kila muuntu!​—2 Milandu ya Nsiku 6:29, 30.

  Kupitila bukolo buakue, Yehova ali ni kupuisia lenu sie masaanzo a kila muuntu. (Mateo 6:9, 10) Mu kupembelela bukolo buakue, Leeza ali wabapeela maka ni kuba kuasia kua nkuumbu balia bali bamukeba weene kisiinka.​—Miilo ya Batumua 17:27; 2 Bakorinto 1:3, 4.