Bukolo buakua Leeza ni kiki?

BIBILIA YA LAANDA EEVI

“Leeza wa mu muulu wakaleeta bukolo busikenoonua ata limo.”​—Danieli 2:44, Tafsiri ya Ulimwengu Mpya.

“Tuapelua muana, kabili bukulu bua bukolo buakaba pa bikoope biakue [buaka pelua weene].”​—Isaya 9:6; footnote.

KUZUMINA EEVIO KUUNTI KUA KUKUASIA SIANI?

• Uli kumana buteeko bua nsaambu buli buaka kuleetela biintu biweeme.​—Isaya 48:17, 18.

• Uli kumana nangue, mu kialo kia leenu wakaba ni bukose bua kisiinka, ni buikazi bua nsaansa.​—Nfyulo 21:3, 4.

KUUNTI TUAZUMINA BEBIO BIALAANDA BIBILIA?

Een, pa nsaambu ibili eevi:

• Yesu walangiliile biintu bia kaletua na Bukolo buakua Leeza.Yesu wabasambiliizie banafunzi bakue kupepa eevi: Bukolo bobe buize, ni biutonene, bikitike pa kialo. (Mateo 6:9, 10) Yesu walangiliile via kafikiliziiwa azo maloombi mapepo.

  Luaali akili pa kialo, Yesu walisiizie babanga ni nzala, ni kukosia baluele, ni kutuntumuna (kubuusia) bafuile! (Mateo 15:29-38; Yoane 11:38-44) Paantu Yesu i wakaba likolo, keekio kia lengiizie alangilile ntaanzi biintu biweeme bia kakitilua baantu ba keekala mu buteeko bua kua Leeza.​—Nfyulo 11:15.

• Biintu bili mukukitika mu kialo bia siniinkizia nangue Bukolo buakua Leeza te buli peepi. Yesu wa laandile ntaanzi nangue, kialo kia kasansua na bului, nzala, ni ntensi. Kabili wa laandile nangue beebio biintu biakakitika Bukolo bua kua Leeza te bunaize.​—Mateo 24:3, 7.

  Bebio biintu bili mukukitika mu nsita eenu. Keekio kia leenga tusuapile nangue Bukolo bua kua Leeza tebusiali peepi kupuisia aza mabifi.