Bantu bafuile kunti babuuka kabili?

BIBILIA YALAANDA EEVI

‘Baantu boonse balungheeme ni basilungheeme bakatuntumunua [bakabusiiwa].’​—Miilo ya Batumua 24:15, Nouveau Testament en Langue Taabua.

KUZUMINA EVIO KUUNTI KUA KUKUASIA SIANI?

Uli kuya watekameene.​—2 Bakorinto 1:3, 4.

Uli kufuma mu buzia bua kutiina nfua mu nzila isiweeme.​—Baebrania 2:15.

Uli kuya wali ni masuapilo a kisiinka a kupokelela baantu bobe bafuile.​—Yoane 5:28, 29.

KUUNTI TUAZUMINA BEBIO BIALAANDA BIBILIA?

Een, pa nsaambu itatu eevi:

• Leeza i kabuumba wa bukose. Yehova Leeza i “nsulo (ntendeko) ya bukose” nga mualaandila Bibilia. (Malumbo 36:9; Miilo ya Batumua 17:24, 25) Biali kabuumba wa bukose bua bibuumbua bioonse, ali ni buvinde bua kubuezia bukose bua muuntu ufuile.

• Ni pa kale, Leeza wantutumuine baantu. Bibilia iliyalaanda pa baantu munane eevi: banuke, bakote, balalume ni banakazi babusiziwe kufuma ku nfua. Baange babusiziwe kisia nsita inini kufuma pa nfua, inzi umo wabusiziwe kisia kupua nsiku ina mu kilibu (mankabuli)!​—Yoane 11:39-44.

• Leeza ali ni buvinde bua kutuntumuna kabili bafuile. Yehova ni usuulile nfua, nfua ni iluaani yakue. (1 Bakorinto 15:26) Leeza ni utonene saana kuanzia ozo muluani ni kumufumiapo kupitila mu kutuntumusia baantu. Ni utonene saana kubabuezia ku bukose baalia boonse baalangulukile eevi bakeekale pa kialo kabili.​—Yobu 14:14, 15.