Uye Wapembelela

Yesu Waakitile ki?

VIIDEO: Yesu Wamukwasia Lupua Wakue Wapembeleele

1. Mona VIIDEO, ao soma Yoane 7:3-5 ni 1 Bakorinto 15:3, 4, 7. Kisia, asuka biipuzio bili paapa pensina:

1. Ku ntendeko, balupua bakue Yesu baakitile siani lubaaunvuile mpunda yakue?

2. Ni kiki kilangiliile nangue Yesu taalekeele kumukwasia Yakobo, lupua wakue?

Mufuano Wakue Yesu Watusambilizia ki?

2. Tupalile kuya twali ni mibeele ya kupembelela, paantu bantu bamo bali bakokola saana pa kwitabila mpunda iweeme kuliko bange.

Koonka Mufuano Wakue Yesu

3. Kebako bufundi bunge. Kine muntu tali mukuleenga kwitabila kusambilila Bibilia, te kumupatikizia. Kine kyakitika, bombia viideo ao lyasi eevi umukwasie amane kine lisambililo lya Bibilia lili lyakitua siani ni faida iali kupata.

4. Te kumupalania ku bantu bange. Kila muntu ebeleele. Kine muntu wa mu lupua ao muntu wa kubuelelua ali mukusiita kwitabila kusambilila Bibilia ao kwitabizia masambilizio a Bibilia, keba umane kili mukulengia aye wasiita. Eba, kuli ni lisambilizio lya mu kanisa lyazumiine limwenekele nangue ni lya mana saana kuli weene? Eba, ali mukuzyelekaniiwa na bantu ba mu lupua ao bekazi nakue? Musiileko musita wa kunti atontonkanie palua beelia biuli wamubuila ni musita wa kunti amone nangue beelia bili mu Bibilia ni bya mana.

5. Pepa palua ozo muntu atonene kutuilizia. Muloombe Yehova akukwasie utwalilile kuya wali ni kiswapilo, kabili winike aali ya ozo muntu. Pepa kuli Yehova wamuloomba akupeele mulangue wa kukukwasia winike kine kakiine ozo muntu tatonene kukutuilizia. Kabili, ni musita wa kunti ukabe kulekeelapo kumubwelela ozo muntu.—1 Bakor. 9:26.