Kusipikizia

Paulo Waakitile ki?

VIIDEO: Paulo Wasipikizia mu Muzi wa Efeso

1. Mona VIIDEO, ao soma Miilo ya Batumua 19:8-10. Kisia, asuka biipuzio bili paapa pensina:

1. Twamana siani nangue Paulo waasipikiziizie mu miilo ya kusimikila mpunda iweeme?

2. Paulo waabueleleko mara inga kubasambilizia baalia baalangiliile nangue batone, kabili waapuile miaka inga wali mukukita evio?

Mufuano Wakue Paulo Watusambilizia ki?

2. Pa kunti tubakwasie bantu batuli twabuelela bakite buyantanzi, ni kutendekezia masambililo a Bibilia, tupalile kupisia musita waleepele ni kwikwinda.

Koonka Mufuano Wakue Paulo

3. Uye waleengele kumubwelela muntu pa musita upalile kuli weene. Iipuzie eevi: ‘Ozu muntu, kunti watona saana nkabe kumubwelela kupi kabili musita ki? Ozu muntu, wakaba kupata musita busiku ki eevi tukabe kulondolola?’ Uye waleengele kumubwelela atasie kine musita wakue te upateene ni obe.

4. Mulaye busiku bwa kunti ukabe kumubwelela. Ku mpela ya kila bulondolozi, mubuile musita umanikile buino wa kunti ukabe kumubwelela juu ya kulanziana nakue kabili. Sininkizia nangue, weewe wakaba kuya kusaakaana nakue pa fuasi ni nsa elia imwakyunvuana.

5. Twalilila kuya wali ni kiswapilo. Te kumupingula lubilo-lubilo muntu, paantusie lingi teezi kusaangua pa nsesi ao teezi kusaangua wali ni musita. (1 Bakor. 13:4, 7) Twalilila kumukeba ozo muntu. Inzi, sininkizia nangue uli mukubombia buino musita obe.—1 Bakor. 9:26.