Nkumbu

Yesu Waakitile ki?

VIIDEO: Yesu Waunvuila Nkumbu Kikundi kya Bantu

1. Mona VIIDEO, ao soma Marko 6:30-34. Kisia, asuka biipuzio bili paapa pensina:

1. Juu ya ki Yesu pamo ni batumua bakue baatonene “baaluke pa bunke”?

2. Ni kiki kyaamulengiizie Yesu asambilizie kikundi kya bantu?

Mufuano Wakue Yesu Watusambilizia ki?

2. Nkumbu, ili yatukwasia tuye twaemena bantu apanasie kubabuilako mpunda iweeme.

Koonka Mufuano Wakue Yesu

3. Tuilizia wapoozeleko saana maano. Musiile ozo muntu musita wa kunti alande byali mukutontonkania. Te kumuputukizia ao kupuulula lubilo-lubilo vieyunvuile, maavia akue ao milandu iali mukulanda juu ya kuputukizia bulondolozi. Kine wamutuilizia wapoozeleko saana maano, uli kumulangilila nangue uli mukwemena beelia byali mukutontonkania.

4. Tontonkania keelia kitonene ozo muntu. Kukoonkana ni beelia bimuli mukulanda, iipuzie eevi:

1. ‘Juu ya ki ozu muntu apalile kumana keeki kisinka?’

2. ‘Kusambilila Bibilia, kunti kwakila siani kuwaamia buikazi bwakue bwa kila busiku, ni musita wakue uli mukuiza?’

5. Landa bintu beelia bili kumukwasia. Kine kyakitika, leenga umubuileko kusambilila Bibilia vikuli kwasuka biipuzio byakue ni kumukwasia mu buikazi bwakue.