Basuungi Baalia Bali Babomba juu ya Faida ya Bantu Bakue Yehova

Bantu bengi, tebeezi kuya babaswapiile baalia bali ni buviinde. Ni kiki kili kyalengia te kunti baye babaswapiile? Bantu bengi bali babombia ovio buviinde bwabo juu ya kunti bapatilemo faida yabo bunke. (Mik 7:3) Tuli twatasia saana kuya twali ni bakote bali ni kibeelezio mu kilonghaano, baalia bali babombia buviinde bwabo juu ya bantu bakue Yehova.—Est 10:3; Mat 20:25, 26.

Bakote ba mu kilonghaano, bapuseene ni bantu bali ni buviinde ba mu keenu kyalo. Bakote beene, bali babomba miilo yabo paantu bamutonene Yehova pamo ni bantu bakue. (Yoan 21:16; 1Pet 5:1-3) Kupitila kutungululua na Yesu, babo bakote bali bakwasia kila kasimika eyunvue buino kuya wali mu lupua lwa bantu bali bamupupa Yehova, kabili eevi asiale peepi ni Yehova. Bali baikala baleengele kubakoselezia kimupasi bantu bakue Yehova. Bali babakwasia musita lubaaluka mu buavia bwa matunzo aloombele kukita lubilo-lubilo, ao musita ubali baaluka mu buavia buli bwaleetua na maka a kyalo ali ainoona bintu. Kine ukebele kukwasiiwa, te kutiina kulondolola na mukote umo wa mu kilonghaano kyenu.—Yak 5:14.

MONE VIIDEO ILANDILE BAKOTE BAALIA BALI BAEMENA LIBUMBA. KISIA, ASUKE BIIPUZIO BILI PAAPA PENSINA:

• Miilo ya busuungi elia yaakitile bakote, yaamukwasiizie siani Mariana?

  Kyasuko kyobe

• Miilo ya busuungi elia yaakitile bakote, yaamukwasiizie siani Elias?

  Kyasuko kyobe

• Kisia kumona eezi viideo, weewe pa lobe, waiunvua siani palua miilo ili yabomba bakote?

  Kyasuko kyobe