Bachá nata chúriká mi néema echi redes sociales

CHÚSIÁ MI KE INÉSARÉ ECHI. Chu iyiri nalí aʼlá ju japi mi inema, echi redes sociales a aʼlá ju ami aʼlá machiká néesaká, we nalí jaré namuti chati buyama echoná. Jaré testigos ko ke olánili echi redes sociales, jaré ko a jiti omérima echonachi raʼichia téemala japi miká piré o amigos ma yúa. We nalí echi Satanás ko nakí japi mi ke aʼlá natama japi chúriká mi néema echi redes sociales, japi riká echi pagótami chati natama mi jitra alí japi ma ke Jeobá amígowala nima. Jiti ta ke chati nokiboa ata olá echi Biblia echoná aní busuré japi chu iyiri aʼlá ju, aʼlá nokiboa japi riká Jesús (Lu 4:4, 8, 12).

SAYEKA JITI MI KE CHATI ISIMA

• Wilí mi inesa redes sociales. Bilé hora, wilí ma mi inesa Internet redes sociales tasi mi ikírima binea leeria echi Biblia, pe binesa riké jiti la ke aʼlá ju japi mi wilí iʼnema Internet.

  Echi Biblia we natéami busuré uchuwi (Ef 5:15, 16; Flp 1:10)

• Kiti iné japi chati ju. A nirú fotos alí videos japoná buyaní mukí alí rijowi machí oséami, ke iné jiti mi ke chati isínilima. Kecho leeri japi osali echi apóstata echoná página Internet, echi mi leérisa ku mi riwema Jeobá.

  Echi Biblia we natéami busuré uchuwi (Mt 5:28; Flp 4:8)

• Ke enviari foto alí mensaje japi ke aʼlá ju. Isini kaachi cha riká nokinálimalé, jiti la redes sociales enviaria ko foto mensajes ma osoká júuli japi ke aʼlá ju. Japi echi riká isimí ko bachá natásaré jepi inémalé echi foto japi ni enviarli, chuni nílimalé riwelia, jarecho ko inesa echi foto o leérisa ma echi mensaje ku riwémalé Jeobá.

  Echi Biblia we natéami busuré uchuwi (Ro 14:13; Ef 4:29)

MA INESA ECHI VIDEO AʼLÁ MACHIKÁ INÉ ECHI REDES SOCIALES, JITI MI KE ECHI RIKÁ ISIMA: