Nee echi libro We mi kanílika bitélima iʼwírimia jarecho jiti ayénachó bichíwima Jeobá alí Jesús

Jiti kanílitima Onorúami, echi binéami ko we bichíwisaré (Heb 11:6). Ata néesaré echi libro We mi kanílika bitélima jiti iʼwíripo echi binéami. Echoná nirú textos japi ke jilí ju inámilia jiti we aʼlá ruyé, nirú preguntas, ayénachó videos alí we semati dibujos. Ata iʼwírisaká echi binéami Onorúami amígowala niya, tamujé ko iʼwiri jiti we bichíyami nima alí ke siné riwema Jeobá (1Co 3:12-15).

Jaré ko aní japi we jilí ju Onorúami amígowala niya jiti ke omero inea. Jiti bela ti iʼwírisaré jiti machimea Onorúami alí we bichíwima.

INEPO ECHI VIDEO IʼWIRI JARECHO JITI BICHÍWIMA JEOBÁ NÉEKA ECHI LIBRO “WE MI KANÍLIKA BITÉLIMA”, ALÍ ANISÍ JAPI TI MI NÁRIPORÉ JENAʼÍ:

• ¿Chúriká ti machí japi echi hermana we aʼlá bineli?

• Jiti we aʼlá námima japi aní Isaías 41:10, 13, ¿chu yiri jarecho preguntas néeli echi hermana?

• ¿Chúriká iʼwírili echi binéami japi aní echi textos alí echi video?

Wiká pagótami ko ke nami japi chúriká tamó iʼwiri echi Jesús mukúala, alí ke cho bichiwi japi Onorúami nijili Jesús jiti echi jitra mukumea (2Co 5:15). Jiti la iʼwírisaré jiti bichíwima japi Jesús mukuli echi jitra.

INEPO ECHI VIDEO IʼWIRI JARECHO JITI BICHÍWIMA JESÚS NÉEKA ECHI LIBRO “WE MI KANÍLIKA BITÉLIMA”, ALÍ ANISÍ JAPI TI MI NÁRIPORÉ JENAʼÍ:

• ¿Chúriká ti machí japi echi hermano we aʼlá bineli?

• ¿Chúriká néeli echi hermano japoná aní “Jiti mi che binema” iʼwírimia echi binéami?

• ¿Chúsiá we natéami ju echi oración echi binéami jitra?