Japi mi iʼwírima binea
We aʼlá biné japi aní echi canciones
“Japalí ni we siwea nili, Jeobá ko tamí ku iʼwérili iyá néeka echi canciones japi machina echoná JW Broadcasting®” (Lorraine, Estados Unidos).
Echi cristianos sinibí wikaraa echi canciones walubéala anemia Jeobá (Col. 3:16). Ami we aʼlá binésaká echi canciones, mujé ko omérima wikaraa tákoré mi ke olá echi canciones oselí niraa o celular ma. Aʼlá nima japi mi nijéwima echi busuréliami japi jenaʼí uchuwi japi mi iʼwírima jiti mi aʼlá binema echi canciones.
Ami ikírisaré leeria alí inamia japi aní echi canciones. Japalí ti we aʼlá inami, ke ti jilí niraa ku néwalayá. Echoná jw.org oserúa uchuwi japi aní suwaba echi canciones, japi riká echi canciones japi machina echoná JW Broadcasting alí echi canciones kuuchi níwala. Jiti mi riwimea, rachiná japoná aní “Oselí japi nirú”, alí miná ko “Takí”.
Bilé oselichi osá japi aní echi canciones. Echi mi iʼwírima binea alí néwalayá (Deut. 17:18).
Weli wikará. Leeri o wikará japi aní echi canciones wisabé niraa.
Iné achi mi aʼlá ku néwalayá. Iʼwérili isí ku néwalayá japi aní echi canciones ke ineka alí miná ko iné achi mi aʼlá anili.