¿Chuti ikí japalí ta suwí?

Echi mukuwáami ko ju ke bitéliwami. Echi ko ju japi riká kochiwaa (Juan 11:11-14). Echi suwíkami ko ke omero kipúa, kecho inea, kecho raʼicha alí ke iyiri nata (Eclesiastés 9:5, 10). Echi bichíwiliami japi ke bichíwali ju, echi ko bineri japalí bilé rikamti mukusaa ayeni aliwá alí ayénachó a mayé kiti simí bitélisia echi jarecho aliwá yúa. Echi Biblia ko ke echi riká bineri.

Echi pagótami japi ma suwili tasi oméroma mi kuʼiria, kecho mi risoa olárami nima echi kitra. Wiká echi pagótami a niwii omáwali echi chuʼí alí iyá koʼwáami kiti mayé japi echi suwíkami a koʼá. Na jónali, Onorúami ko ke kalé jepuná bichíwiliami kiti echi ko ju bilé ikaléwami Satanás níwala. Echi suwíkami kecho omero koʼá kiti echi ko ke olá piréala. Ke mi bichíwisaré echi suwíkami, kecho mi majásaré alí kecho raʼichásaré echi yúa. Pe bilepi Onorúami bi nijéwisaré (Mateo 4:10).

Echi suwíkami ko a checho a ku pirélima. Jeobá ko busuréwitima echi japi ma suwili alí a checho a ku pirélima jenaʼí Wichimóbachi japalí we baʼóami nima (Juan 5:28, 29; Hechos 24:15). Onorúami ko a omérima muchuwasia echi japi ma suwili, echi riká japi riká mujé a omero busurewia bilé japi kochiká boʼí (Marcos 5:22, 23, 41, 42).

Echi Satanás isimí japi wiká pagótami mayema japi ta né bichíwali ke suwí. Echi pagótami ko a mayé japi echi suwíkami aliwá ayeni alí japi a piré bijí, pe japi riká aliwá niraa alí ayénachó a mayé japi nayunti echi pagótami alí japi risoa olá, echi riká mayé kiti echi Satanás alí echi demonio echi riká bineri. Satanás ko eki echi pagótami, isini kaachi nee echi rimukíami alí jarecho namuti. Kiti bela, Jeobá ke nakí echi pagótami japi echi suwíkami yúa raʼichánali (Deuteronomio 18:10-12).